$باکووری کوردستان$
- فراکسیۆنی نوێی #هەدەپە# یەکەم کۆبووەنەوەی ئەنجامدا.[3]
- هێزەکانی ڕژێمی ئاکەپە – مەهەپە لە ناوچەی نسێبینی پارێزگای مێردینی باکووری کوردستان هەڵیان کوتایە سەر ماڵی هاووڵاتییان و 5 کەسیان دەستیگرکرد، کە یەکێکیان ژنە. ناوی 2 کەس لە دەستگیرکراوەکان بریتین لە: بایسال سدیق کالپ، لەیلا سدیق کالپ. تا ئێستا ناوی 3 کەسە دەستگیرکراوەکەی تر ڕوون نەبووەتەوە.[4]
- کەشتییەکی هەڵگری پەنابەران لە گۆلی #وان# نقوم بوو و بە هۆی ئەو ڕووداوەوە زیاتر لە 100 پەنابەر بێسەرشوێنن.[4]
$باشووری کوردستان$
- هەردوو وەزارەتی ناوخۆی حکومەتی هەرێم و عێراق لیژنەیەکیان پێکهێنا بۆ گێڕانەوەی ئاوارەکانی هەرێم بۆ پارێزگاکانی عێراق و بڕیاریشدرا سەرجەم ڕێگاکان بکرێنەوە.[1]
- لە ناو بازاڕی شارۆچکەی #دەربەندیخان#ی سەر بە پارێزگای سلێمانی، لەدژی بڕیاری لەسێدارەدانی #ڕامین حسێن پەناهی#، گردبونەوە بەڕێوەچوو.[2]
- لە گەڕەکی پیریادییەکانی شارەدێی شۆڕش-ی سەر بە قەزای #چەمچەماڵ# ژنێک بەناوی (س.ح.ع) تەمەن 20 ساڵ لە ماڵی خۆیاندا بەفیشەک گیانی لەدەستدا.[1]
- #وەزارەتی خوێندنی باڵا# و توێژینەوەی زانستی، لە ڕاگەیاندراوێکدا ئاشکرای دەکات، گۆڕانکاری لە پرۆگرامەکانی خوێندن لە بەشە زانستییەکان دەستیپێکردووە، هەنگاوە پراکتیکییەکانیش بۆ گۆڕانکاری لەبەشەکانی کۆمەڵناسی و کاری کۆمەڵایەتی لە زانکۆکانی کوردستان بەردەوامە.[1]
$رۆژئاوای کوردستان$
- لە چوار ڕۆژ پێش ئێستاوە دوو هاوڵاتیی گەنج لە شارۆچکەی شێراوای سەربە #عەفرین# بێ سەروشوێن بوون، تەرمی ئەو گەنجانە ئەمڕۆ دۆزرانەوە.[2]
- لە عەفرین، ژنێکی تەمەن 66ی ئێزدی بەناوی فاتمە هامک، لەلایەن چەتەکانی سەربە دەوڵەتی تورکەوە لە گوندێکی سەربە عەفرین کوژرا.[2]
$دەرەوەی کوردستان$
- لە پەرلەمانی ئەوروپا کۆنفرانسێک لەبارەی داگیرکارییەکانی دەوڵەتی تورک لە ڕۆژهەڵاتی ناوەڕاست و بەتایبەتی لە کوردستان بەڕێوەدەچێت و تێیدا ڕۆڵی کورد لە پێکهاتنی چارەسەرییەکی دیموکرات لە ناوچەکەدا دەنرخێندرێت.[2]
- لە ڕۆمای پایتەختی نەمسا پاپا فرانسیس، پاپای ڤاتیکان بڕیاریدا لویس ڕوفائیل کە مەسیحییەکی لەدایکبووی هەرێمی کوردستانە وەک کاردیناڵ لە عێراق و هەرێمی کوردستان دەستبەکاربێت.[1]