لە 3ی ئابی 2014 چەکدارانی داعشداعش یەکێک لە هەرە قێزەونترین تاوانەکانی سەردەمیان بەرامبەر بە هاووڵاتیانی شەنگال و پێشتریش برا کریستان و شەبەک و تورکمانە شیعەکانی ناوچەی موسڵموسڵ ئەنجامدا, کە نموونەی ئەم تاوانانە لە 100 ساڵی ڕابردوودا لە جیهاندا نەبووە.
ئێمە لە 4ی ئابی 2014 لە بەیاننامەیەکی فەرمیدا وەک یەکەم لایەن ئەو تاوانەمان بە جینۆساید ناساند و داوامان لە کۆمەڵگای نێو دەوڵەتی و کوردستانی کرد بەرەو ڕوی تاوانەکە ببنەوە لەو پێناوەشدا کاری بە بەرهەممان ئەنجامدا , لە یادی چوار ساڵەی ئەم تاوانە قێزەونەدا داواکارین.
- حکومەتی هەرێمی کوردستان فشار بخاتە سەر حکومەتی ناوەندی بۆ ئەوەی پەیماننامەی ڕۆما واژۆ بکات و ببێتە ئەندامی دادگای تاوانی نێو دەوڵەتی, بۆ ئەوەی نیازپاکی خۆی لە ڕێگای بە ئەندامبونیەوە لە دادگاکە بۆ پێکهاتەکانی ئەم وڵاتەی مەڵبەندی جینۆساید ڕابگەیەنێت کە دژ بە دوبارەبوونەوەی تاوانەکانی ڕابردووە کە بەسەر گەلەکەماندا هاتووە(هەڵەبجەهەڵەبجە, ئەنفال, بارزانی, فەیلی, تەعریب, شەنگار, سمبێل....), کە تاوانەکانی شەنگال و دوز سەلماندییەوە بە ئەندام بوونی عێراق زامنی دووبارە نەبوونەوەی ئەم جۆرە تاوانانەو سزا دانی بکەرانی و ناساندنی حەقیقەتی یاسایی تاوانەکەیە لە ئاستی نێو دەوڵەتیدا.
- داوا لە دەسەڵاتدارانی کوردستان دەکەین, داواکاری بە ئەندام بوونی عێراق لە دادگای تاوانی نێو دەوڵەتی بکەنە یەک لە داواکارییەکانی خەڵکی کوردستان لە دانوساندنەکانیان لە گەڵ حکومەتی ناوەندی بەغدا لە گەڵ لایەنە عێراقیەکان و سازشی لەسەر نەکەن.
- هەر کەس و لایەنێک لە کوردستانەوە ڕیکلام بۆ داعش بکات, پێویستە بە تاوانی هاوکاریکردنی تیرۆر و بانگەشە بۆی دادگایی بکرێت.
- هەر کەس و لایەنێک نکۆڵی لە جینۆسایدی ئێزیدی و کریستان و پێکهاتەکانی دیکە بکات لە لایەن داعشەوە پێویستە سزا بدرێت و ئینکار کردنی تاوانەکانی جینۆساید وەک تاوان سەیر بکرێت لە هەرێمی کوردستان, بە یاسا ڕێکبخرێت و پێشێلکارانی سزا بدرێن.
- هەر پارت و لایەنێکی سیاسی ئینکاری جینۆسایدی ئیزیدی و کریستان و شەبەک و.... بکات , یاخود برەو بە سیاسەتی جیاکاری بەرامبەریان بدات لە ئاستی خوارەوە پێویستە قەدەغە بکرێت.
- پێویستە ئەو چەکدارە کوردستانیانیانەی لە ڕیزی داعش بوونە, لە کاتی واز هێنانیان دادگایی بکرێن لە بەرامبەر بەشداریکردنیان لەو تاوانانەی ئەنجامیان داوە.
- پێویستە ئەو تاوانانەی لە ڕابردوودا لە ڕێگای 74 فەرمانەکەوە بەرامبەر بە ئێزیدی و کریستان و پێکهاتە ئاینییەکانی کوردستان کراوە, تۆمار بکرێن وەک مێژوو و بچێتە بواری خوێندنەوە, کەسایەتییەکانیان بناسرێن وەک تاوانبار نەک قارەمانی مێژویی.
- دەبێت سنورێک بۆ تەجاوزات بۆ سەر ناوچەی ئێزیدی و کریستان و پێکهاتەکانی دیکەی کوردستان دابندرێت, تایبەتمەندی ناوچەکانیان بپارێزرێت و لە دەسەڵاتدارێتی کوردستاندا ڕۆڵی زیاتریان پێ بدرێت تا وەرگرتنی بەرزترین پۆستی سیاسی و ئیداری.
- داوا لە حکومەتی هەرێمی کوردستان و کانتۆنەکانی ڕۆژئاوای کوردستان دەکەین, هەر دیلێکی داعشی هاووڵاتی 124 وڵاتەکەی ئەندامی دادگای تاوانی نێودەوڵەتیان لایە تەسلیم بە دادگای تاوانی نێودەوڵەتی بکەن, بۆ ئەوەی دادگایی بکرێن, مخابن تا هەنووکە کەمتەرخەم بوونە.
- داواکارین لە هەردوو لایەن بڕیار بەدەستان و تاوانبارانی داعش دیاری بکەن, ئەوانەی لە بڕیاردان و تاواندا ڕۆڵیان هەیە, ناوەکانیان بدەنەدادگای تاوانی نێو دەوڵەتی.
- پێویستە لە ئاستی جیهانیدا گەلەکەمان شوێن پێی تاوانباران هەڵبگرێت و لە وڵاتەکانیان سکاڵا لەسەر چەکدار و لایەنگرانیان تۆمار بکرێت.
- داواکارین ئەنجامی لێکۆڵینەوە لە هۆکاری داگیرکردنی شەنگال لە 3-8 لە لایەن داعشەوە بۆ ڕای گشتی ئاشکرا بکرێت, ئەگەر شکستی سەربازییە ئەوانەی هۆکاری شکستەکەن سزا بدرێن و لە بەرپرسیارێتی سەربازی دوور بخرێنەوە, ئەگەر کارئاسانیکردنێک هەبووە بۆ لایەنی بەرامبەر, ئەوا بە تاوانی هاوکاریکردنی جینۆساید سزا بدرێن.
- داواکارین حکومەتی هەرێمی کوردستان بودجەی زیاتر تەرخان بکات بۆ ئازاد کردنی کچان و کوڕانی ئێزیدی کە 48,3%یان تا ئێستا لە دیلیدا ماون , وە هاوکاریان بکرێت دوای گەڕاندەوەیان بۆ ئەوەی ژیانێکی شەرافەتمەندانە بژێن.
تۆڕی هاوپەیمانی ڕێکخراوە کوردستانییەکان لە پێناو دادگای تاوانی نێو دەوڵەتی - 376 ڕێکخراو
کوردستان بێ جینۆساید
تۆڕی ڕێکخراوە کوردییەکان بۆ قەدەغە کردنی چەکی ئەتۆمی - ڕێکخراو)130
03-08-201803-08-2018