19-08-2018
باکووری کوردستان
- ناوچەیەکی فراوان لە نێوان گوندەکانی سن و هۆپکا قرخان لە سەروی گەیکسویو لە دەرسیمدەرسیم لە دوێنێ شەوەوە ئاگری تێبەردراوە و تاوەکو دێت ئاگرەکە ناوچەی زیاتر دەگرێتەوە.[1]
- ماوەی 3 ڕۆژە دارستانەکانی سنووری دارا هێنێ لە چەلیک ئاگریان تێبەردراوە و لە ئاگردا دەسوتێن. گەلی هەرێمەکە دەیانەوێت بڕۆن ئاگرەکە بکوژێننەوە، بەڵام سەربازی تورکیا ڕێگرییان لێدەکەن و ناهێڵن ئاگرەکە بکوژێننەوە.[1]
- پارێزگاری دەوڵەتی تورکیا لە جۆلەمێرگجۆلەمێرگ ڕاگەیاندراوێکی بڵاوکردەوە و بەپێی ڕاگەیاندراوەکە، 30 ناوچەی ئەو پارێزگایەی لە هاووڵاتییان قەدەغەکردووە. لە ڕاگەیاندراوی پارێزگاری تورکیا لە جۆلەمێرگدا هاتووە، 30 ناوچە لە ناوەندی جۆلەمێرگ، لە چەلێ، شەمزینانشەمزینان و گەڤەر لە ڕۆژی 22ی ئابی 2018ەوە و تاوەکو 5ی ئەیلولی 2018 کراون بە ناوچەی ئەمنیی تایبەت و لەو ماوەیەدا هەموو جۆرە هاتووچۆیەک لە هاووڵاتییانی ئەو ناوچانە قەدەغە دەکرێت.[1]
- نوێنەرانی کۆنگرەی کۆمەڵگەی دیموکرات - کەجەدە، بزووتنەوەی ژنانی ئازاد - تەژەئا، دایکانی ئاشتی، پارتی دیموکراتی گەلان - هەدەپەهەدەپە، پارتی هەرێمە دیموکراتییەکان - دەبەپە، پارتی سۆسیالیست و ئازادی - ئۆسەپە و ژمارەیەک لە ڕێکخراوەکانی کۆمەڵگەی سیڤیل لە شاری ئامەدئامەد-ی باکووری کوردستان کۆبوونەوە و لە لێدوانێکی هاوبەشی ڕۆژنامەوانیدا ئیدانەی هێرشی دەوڵەتی تورکیا بۆ سەر شەنگال و شەهیدکردنی مام زەکی شەنگالی-یان کرد.[1]
رۆژهەڵاتی کوردستان
- هاووڵاتییانی شاری مەریوانمەریوان زبڵ و خاشاکەکانی ماڵەکانیان لە بەردەم بینای شارەداریی شاری مەریوان کۆ کردەوە و ئاگریان تێبەردا. ناڕەزایەتیی هاووڵاتییانی شاری مەریوان، لەوە سەرچاوەی گرتووە، کە شارەداریی ئەو شارە بە هۆی کۆ نەکردنەوەی زبڵەکان لە ناو شارەدا، بوو بە هۆی ناڕەزایەتیدەربڕینی هاووڵاتییانی ئەو شارە.[6]
- دادستانی شاری سەقزسەقز حوکمی وەگەڕخستنەوەی دۆسیەی ئەندامانی پێشووی حیزبە کوردییەکانی ئۆپوزسیونی حکوومەتی ئێرانی دەرکرد و ئەو کەسانەش لە لایەن ناوەندە ئیتلاعاتییەکانەوە بانگهێشت و لێکۆڵینەوەیان لێدەکرێت.[6]
- لاوێکی کورد بە ناوی تەوحید حەقدار تەمەن 19 ساڵ، کوڕی بارزان، خەڵکی گوندی دۆستان سەر بە ناوچەی شپیرانی شاری سەڵماسسەڵماس بە هۆی تەقەی هێزە نیزامییەکانی حکوومەتی ئێران لە سنووری شاری شنۆشنۆ گیانی لە دەست دا.[6]
- لاوێکی کورد خەڵکی شاری ئیلامئیلام، بە ناوی محێدین غەیاسی لە لایەن هێزە ئیتلاعاتییەکانەوە دەسبەسەر و بۆ گرتووخانەی ئیدارەی ئیتلاعاتی ئەو شارە ڕاگوێزرا.[6]
باشووری کوردستان
- لە سەردەشتسەردەشتی چیای شەنگال، بۆ مام زەکی شنگالیزەکی شنگالی، ئەندامی کۆردیناسیۆنی جڤاکی ئێزدی، پرسە دانرا.[5]
- بەهۆی پردێکی کاتیی ئاسنینەوە، ڕێگای کەرکووککەرکووک - هەولێرهەولێر دوای 10 مانگ لە داخستنی کرایەوه و بڕیاریشە لە نێوان کەرکووک و شارەکانی هەرێمی کوردستان خاڵی گومرگی دابنرێت.[2]
- قایمقامی خورماتووخورماتوو ڕایدەگەیەنێت بەمەبەستی هاوسەنگی هێز لەخورماتوو فەوجێک لەهێزەکانی بەرپەرچدانەوەی خێرا دروستدەکەن کە هەموو نەتەوەکان وەکو یەک مافی دامەرزاندنیان تێدا هەیه.[3]
- بەهۆی تەقینەوەی بۆمبێکی پاشماوەی داعشداعشەوە لە شنگالشنگال گەنجێک گیانی لەدەستدا.[3]
- وتەبێژی دەستەی مافی مرۆڤی هەرێم ڕایدەگەیەنێت، کە زۆرترین کاری مافیایی دەرمان لە هەولێر ئەنجامدەدرێت و زۆرترین دەرمانی ماوە بەسەرچوو لەسەر خەڵکی هەولێر تاقیدەکرێتەوە، داوا لە حکومەتی هەرێمیش دەکات بەرپرسانی پشت بازرگانیکردن بە دەرمانی ماوە بەسەرچوو، دەستگیربکرێن.[3]
- هەندێک سەرچاوە باس لەوە دەکەن کە ئەمڕۆ یان ڕۆژانی ڕابردوو هەریەک لە هێرۆ ئیبراهیم ئەحمەدهێرۆ ئیبراهیم ئەحمەد، بافڵ تاڵەبانیبافڵ تاڵەبانی و قوباد تاڵەبانیقوباد تاڵەبانی سەردانی مەسعود بارزانیمەسعود بارزانییان لە سەری ڕەش کردووە.[2]
رۆژئاوای کوردستان
- لە ناوچەی پردی ئەبیەز لە باشوری ڕۆژئاوای شاری حەسەکەحەسەکە، مین بە ئۆتۆمبێلکدا تەقییەوە، لە ئەنجامی تەقینەوەکەدا دوو برا برینداربوون.[5]
- لە کەمپی بەرخۆدانی کانتۆنی شەهباشەهبا کە ئاوارەکانی کانتۆنی عەفرینعەفرینی لێ دەمێننەوە، ئەمڕۆ پرسەی مام زەکی شەنگالی ئەندامی کۆردیناسیۆنی کۆمەڵگەی ئێزدی لە لایەن یەکێتیی ئێزدییەکانی عەفرین دانرا.[1]
دەرەوەی کوردستان
- وەزارەتی دەرەوەی ئەمریکا داوا لە خەڵکی وڵاتەکەی دەکات سەردانی عێراق نەکەن، ئەوەش بەهۆی تیرۆر و کێشەی چەکدارییەوە. لە ڕاگەیێندراوەکەی وەزارەتی دەرەوەی ئەمریکادا هاتووە، هاووڵاتیانی ئەمریکی لە عێراق لە مەترسییەکی گەورەی ڕفاندن و ئەنجامدانی کاری تووندوتیژیدان.[4]
- دوای 99 ڕۆژ لە هەڵبژاردنی ئەنجومەنی نوێنەرانی عێراق، دادگای فیدراڵیی ئەنجامەکەی پەسەند کرد.[2]
- جێگری یەکەمی سەرۆککۆماری ئێران ڕایدەگەنێت لە ئێستادا وڵاتەکەمان لە بارودۆخێکی هەستیاری ئابووریدایە، بەڵام ئەمە بەو مانایە نییە ئێمە تووشی کێشە بووین، تەنانەت لە قەیرانیشدا نین.[3]
- کۆمسیۆنی باڵای مافی مرۆڤ لە عێراق هێرشەی تورکیا بۆسەر شەنگال شەرمەزاردەکات و داوا لە حکومەت دەکات، کە بەیاداشتێک داوا لە ئەنجومەنی ئاسایشی نەتەوە یەکگرتووکان بکات، دەستوەردانی دەوڵەتانی هەرێمیی لە خاکی عێراق قەدەغە بکات.[5]