06-09-2018
باکووری کوردستان
- بەهۆی بۆردومانی ئاسمانیی سوپای تورکیا لە دۆڵی ڕۆژ لە ناوچەی کوتودەرەی دێرسیمدێرسیم ئاگرێک کەوتووەتەوە و ماوەی 7 ڕۆژە بەردەوامە. هاووڵاتییان دەیانەوێت ئاگرەکە بکوژێینەوە، بەڵام سەربازانی تورکیا بە پاساوی 'ناوچەی ئەمنیی تایبەت' ڕێگری لە چوونی هاووڵاتییان دەکەن بۆ دۆڵی ڕۆژ و بەو پاساوە ڕێگایان پێنادەن ئاگرەکە بکوژێینەوە. دامودەزگا پەیوەندارەکانی حکومەتی تورکیاش هیچ کارێک ناکەن بۆ کوژاندنەوەی ئەو ئاگرە. ئاگرەکە لە تەشەنەسەندنی بەردەامدایە و ئاگرەکە گەیشتووەتە سنووری گوندەکانی گیولەچ و زەریکان لە ناوچەی مازگرت، هاووڵاتییان دەستیان بە کوژاندنەوەی ئەو بەشە لە ئاگرەکە کرد، بەڵام لە سنوورەکانی ترەوە ئاگرەکە بەردەوامیی هەیە.[4]
رۆژهەڵاتی کوردستان
- کاتژمێر 4 و 30 خولەکی ئێوارە، کۆڕەشێعرێک لەژێر ناوی سترانی هەنار بە مەبەستی خزمەت بە شێعر و ئەدەبی کوردی بۆ نیزیک بە پازدە کەس لە شاعێرانی کوردستان لەلایەن ئەنجومەنی مەولەوی کورد لە شاری سەقزسەقز بەڕێوەچوو.[6]
باشووری کوردستان
- ژمارەیەک چالاکی کۆمەڵگەی مەدەنی و کوردانی ڕۆژهەڵات لە بەردەم بارەگای نەتەوە یەکگرتووەکاننەتەوە یەکگرتووەکان لە هەولێرهەولێر گردبوونەتەوە و داوا دەکەن (ڕامین حوسێن پەناهیڕامین حوسێن پەناهی) لە زیندان ئازادبکرێت.[2]
- ئەمجەد حوسێن پەناهی، برای ڕامین بەناوی بنەماڵەکەیەوە بە ڕۆژنامەڤانانی ڕاگەیاند ژمارەیەک چالاکڤانی دیکەش لە سلێمانییەوە بە چوار پاس ویستیان بێنە هەولێر، لە بازگەی تاسڵوجەتاسڵوجە ڕێگریمان لێکرا.[3]
- لە سلێمانیسلێمانی پەردە لەسەر پەیکەری ئیبراهیم پاشای بابانئیبراهیم پاشای بابان لادەبرێت.[1]
- تۆپخانەکانی سوپای پاسدارانی ئێران بەچڕی تۆپبارانی کوێستانەکانی بەربزینی سەر بە شارۆچکەی سیدەکانسیدەکان دەکەن،‌ فڕۆکەی چاودێریش لە ئاسمانی ناوچەکەدا دەسوڕێتەوە.[3]
- وەفدێکی سەربازیی ئەڵمانیا لە سەردانێکیاندا بۆ کوردستان، ڕایدەگەیەنن کە کورد دۆستێکی نزیکیانە و هاوکارییە سەربازییەکانیشیان بۆ هێزی پێشمەرگەپێشمەرگە کە ڕۆڵی گرنگی هەبووە لەتێکشاندنی تیرۆرستانی داعشداعش بەردەوامدەبێت.[5]
- ئەمڕۆ، 80 شێوەکاری شاری بەغدا و شاری سلێمانی لە مۆزەخانەی نیشتمانیی ئەمنەسوورەکەی شاری سلێمانی، پێشانگایەکی شێوەکاریی هاوبەشیان بەدروشمی هەمیشە پێکەوەین کردەوە. هەر شێوەکارێک بە تابلۆیەک بەشداریی لە پێشانگاکەدا کردبوو. بڕیارە پێشانگاکە ماوەی 10 ڕۆژ بەردەومبێ و لە یەکەم ڕۆژیشدا هاوڵاتییەکی زۆر سەردانی پێشانگاکەیان کرد.[6]
دەرەوەی کوردستان
- پلاتفۆڕمی عەفرینعەفرین که ڕێکخەری فێستیڤاڵی کولتوورییە ڕایگەیاند، حکوومەتی ئەڵمانیا فێستیڤاڵی کولتووری قەدەغە کرد کە بڕیار بوو ڕۆژی 8ی ئەیلوول\17ی خەرمانان بەڕێوەبچێت.[4]
- بارودۆخی شار و شارۆچکەکانی باشوور ئێراق، بەتایبەتری بەسرە زۆر تێکچووە. لە چەند ڕۆژی ڕابردوودا خۆپیشاندانەکانی بەسرە دەیان کوژرا و برینداری لێکەوتووەوە. خۆپیشاندەران زۆرێک لە باڵەخانە حکومییەکانیان سووتاندووە. ئەمڕۆش قەدەغەکردنی هاتووچۆ لە بەسرە ڕاگەیەندرا.[1]
- ئێوارەی ئەمڕۆ لەدرێژەی خۆپیشاندانەکانی بەسرە، لەباشووری عێراق، خۆپیشاندەرێک لەناو بینای پارێزگای بەسرە سووتا و ماڵی حەوانەی پارێزگاری شارەکەش سووتێنران کە بەوەش تائێستا نزیکەی 15 خۆپیشاندەر کوژراون.[2]