گوێيەکت کەڕە و گوێيەکت ڕەشەبايە
زوڕنای هەموو دونيا بژەنرێت ئەگەر گوێيەکت کەڕ بێت و گوێيەکت ڕەشەبای بەر‌کەوێت گوێت لە هيچ نابێت، ئينجا ئەم درکە و دەربڕە بۆ ئەوە بەکارهاتووە، ئەگەر حەز نەکەيت گوێت له قسەيەک يان هەواڵ و باسێک بێت، دەڵێی باسی چی دەکەی من تێ ناگەم يان هەر گوێم لێ نەبووە، چونکە گوێيەکم کەڕە و گوێ-کەی ترم ڕەشەبايە هەڵبەت هەردوو بيانو دروستن بۆ ئەوەی نەتوانی گوێت لە خەبەروباسان بێت هەم کەڕی هەميش ڕەشەبا ڕێگری دەکات لەبيستن، لەلايەکيتريشەوە پەيامێک يان نهێنيەک بەيەکێک ڕابگەيەنرێت و داوای لێ بکەيت بەهيچ جۆرێ بڵاوی نەکەيتەوە بەدرکەوە پێی دەڵێيت(گوێيەکت کەڕە و گوێيەکت ڕەشەبايە).