دواڕۆژ، بورهان یەحیا
کۆمسیۆنا سەربەخۆیا هەلبژارتن و راپرسیێ ل هەرێما کوردستانێ تایێ #دهۆک# راگەهاند؛ ل سنۆرێ پارێزگەها دهۆک پتری 50 سکالا ل دۆر هەلبژارتنێن پەڕلەمانێ کوردستانێ هاتینە تۆمارکرن.
عەلی بەندی رێڤەبەرێ کۆمسیۆنا سەربەخۆیا هەلبژارتن و راپرسیێ ل هەرێما کوردستانێ تایێ دهۆک بۆ دواڕۆژ رۆهنکر هەر دگەل تەمامبوونا پرۆسەیا هەلبژارتنان ل بنگەه و وێستگەهان هەموو سندۆق هاتینە ڤالاکرن و هەژمارتن و دووڤدا چەند قەبارەیێن سیاسی سکالا لسەر چەند بنگەهان تۆمارکرن و هەژمارا وان گەهشتبوو 50 سکالایان و بۆ فەرمانگەها گشتییا #هەولێر#ێ هاتییە ڤەگوهاستن و ل وێرێ دووڤچۆنا بابەتی هاتییەکرن.
خویاکر ل سنۆرێ پارێزگەها دهۆک نێزیکی 53 سندۆق قردێلکا سوور پێڤە هەیە و ب وی رەنگی بۆ هەولێرێ هاتییە رەوانەکرن، لێ پترییا وان کێشە ل دەرڤەی بنگەهان هاتینە تۆمارکرن.
دیارکر هەموو ئه و سندۆقێن قردێلکا سوور پێڤە هەین دێ ژلایێ کومسیۆنا بالا هووربینی لسەر هێتەکرن و ژنوو بڕیارا دووماهیێ لسەر هێتە دان کاد ێ هێنە هەژمارتن یان دێ هێنە لادان.[1]
#04-10-2018#