ژن بە پیاوی کوت تۆ هیچ مەکڕە
ئیتر دەبێتە چەپەرە شڕە [1]
ئەگەر پیاو بۆ ماڵ کەلوپەل نەکڕێت ئیتر وای لێدێت دەبێت لەسەر حەسیرە شڕە دابنیشن.
چەپەر : دروستکراوێکی خۆماڵییە. لەزۆربەی ناوچەکانی خۆشناوەتی دروست دەکرێت لەشواڕکە توو یان شووی دارە تووی کە چوار یان پینج سینگی بۆ دادەنرێت و شواڕکەکان بە بەینی سینگەکاندا دا دەنرێت بەشێوەیەکی توندو ئەکادیمی.
وە لەشێوەدا لەحەسیر دەچیت وەلەجاراندا بۆ دەرگای هۆرو حەوشە و گەلی شتی تر بەکار دەهێنرا بەپێ پێداویستی خاوەنەکەی و سود لێبینینی وەکو پارچەیەکی خاوێن بەکار دەهینرا بۆ لەسەر ڕەق کردنی هەنجیرو هەنارو ترێ بۆ مێووژو (برمە)لەهەندێک شوین پێدەوترێت برمان و گەلی شتی تر, وەهەندێک لەخاوەن باخەکان بۆ پەرژین بەکاری دەهێنن وە درێژیەکەی مەترو نیو زیاترە و بەرزیەکەشی دومەترە. [3]