ئامادەکردنی: #زریان سەرچناری#
سلێمانی 2018
سابری 1881-1944
چ بکەم؟
کە نووری تەلعەتی یارم لە تووری دڵ بڕا چ بکەم؟
تەنووری میحنەتی دووری لە سینەم هەڵگرا چ بکەم؟
ئەوا چوو بۆ سەفەر لەیلا بەجێماوم لە بن کەیلا
دڵەی مەجنوون بەواوەیلا بە دویا هەڵخرا چ بکەم؟
لە باغی عومری خۆم و حوسنی تۆ بێ بەهرەبم تاکەی؟
لە بەر دەرگاهی تۆ هەر دابنیشم لەم قوڕا چ بکەم؟
هەتاکوو تاقەتم مابوو هەموو غەم نان و حەڵوابوو
کە خانەی سەبرەکەم سوتا کە پەردەی دڵ دڕا چ بکەم؟
بە ئەمری حەق قەڵەم بۆ ئێمە هەر دەرد و غەمی نووسی
ئەگەر شیوەن نەکەم سەبر و قەرارم لێ بڕا چ بکەم؟
قەڵەم ڕۆژی ئەزەل بۆ ئێمە هەر دەرد و غەمی نووسی
هەموو ڕۆژ گەر نەناڵێنم لەناو خاک و قوڕا چ بکەم؟
ئەگەر چی شین و ناڵینم لە کن تۆ پارەیە ناکات
لەبەر دەرگاکەتا کەوتووم دڵم گەر دەرکرا چ بکەم؟
بە زنجیری مەلامەت ناشکێ قووەی جنوونی من
لە دنیادا بە بەدناوی کە من زەنگم زڕا چ بکەم؟
بە بەرگی تازەوە هەرکەس ئەبینم مەست و مەسروورە
هەمیشە قانع و (سابیر) لە توێی بەرگی شڕا چ بکەم؟
=KTML_Bold=ئاگری دووری=KTML_End=
خودا هاوارە ئەمشەو دولبەرم لێ دابڕا چ بکەم؟
شەرارەی ئاگری دووری لە سینەم هەڵگڕا چ بکەم؟
لەبەر دەرد و غەمی یارم نەخۆش و خانەبێزارم
وەکوو مەجنوون دڵم بۆ چۆڵ و سەحرا هەڵخرا چ بکەم؟
خودا ڕۆژی ئەزەل گریان و قوڕپێوانی پێ بەخشیم
بە ئەمری حەق وجودم هەڵنەکێشم لەم قوڕا، چ بکەم؟
قسەی بێ فائیدە و بێجێ زەروورەت پێم نەکا نایکەم
ئەگەر گریە و فوغان ناکەم لە ئارامم بڕا چ بکەم؟
هەمو عالەم بەبەرگی جەژنەوە سەرمەست و خۆشحاڵە
ئەگەر قانع نەبم (سابیر) لەنێو بەرگی شڕا چ بکەم؟
نەگەییە دامەنی حوسنی هەناسەی (سابیری) یاران
لە دونیادا بەبەدناوی کەمن زەنگم زڕا چ بکەم؟
[1]