ئەمڕۆ (18/12/2018) وەفدی دانوستاندنکاری یەکێتی و پارتی لەبارەگای مەکتەبی سیاسی #یەکێتیی نیشتمانیی کوردستان# لە شاری #سلێمانی#، یەکەم کۆبوونەوەی گفتوگۆکردن لەسەر قۆناغی پاش هەڵبژاردن و بابەتە گرنگەکانی پەیوەست بە دۆخی هەرێمی کوردستان و ناوچەکە ئەنجام درا.
کەش‌وهەوای گفتوگۆکان ڕاشکاوانە، بەرپرسیارانە و دۆستانە بوون، تێدا بیرو بۆچوونی هەردوولا ئاڵوگۆڕکرا، لەسەر پرۆسەی گفتوگۆ و هەرچی زیاتر هەماهەنگی بۆ بەهێزترکردنی دامەزراوە دەستوریی و یاسایی و ئیدارییەکانی هەرێمی کوردستان و خزمەتی زیاتری گەلی کوردستان و هەنگاونانی جددی بۆ کاری پێکەوەیی.
هەردوولا جەختیان لەبەردەوامی کۆبونەوەکان کردەوە، لە ئایندەیەکی نزیکدا کۆبونەوەی دیکە ئەنجام دەدرێ.
#18-12-2018#