بەڕێزان: لە ڕۆژنامەی #کوردستانی نوێ#
لەیادی 28 ساڵەی دامەزراندنی ڕۆژنامەی کودستانی نوێ-دا، لێرەوە پیرۆزباییەکی گەرم ئاڕاستەی سەرنوسەرو ستافی نوسەران و پەیامنێران و تەواوی کارمەندانی ڕۆژنامە زێدە ئەزیزەکەتان دەکەم و دەستی ماندووبونی هەموو ئەو بەڕێزانەش دەگوشم کە لەڕابردوودا لەم ڕۆژنامەیەدا کاریانکردوەو ڕۆڵی بەرچاوی خۆیان بینیوە.
دیارە ڕۆژانامەی کوردستانی نوێ فێرگەیەک بوو بۆ پێگەیاندنی چەندین ڕۆژنامەنوسی لێهاتوو و بەتوانا کە خزمەتی ڕەوتی ڕۆژنامەگەری کوردی یان کردوە، کوردستانی نوێ وەک یەکەمین ڕۆژنامەی ڕۆژانەی کوردی کە لەدوای ڕاپەڕینە شکۆدارەکەی بەهاری 1991دیاری سەرۆک #مام جەلال# بوو بۆ ڕۆژنامەنوسان بۆ ئەوەی خزمەتی ئەدەب و قەڵەمی کوردی بکەن. پشتیوانی لەسیاسەتی چەپکە گوڵەکەی سەرۆک مام جەلال کردوە بنەمای کاری ڕۆژنامەکەتان بووەو دەبێت هەر بەو شێوەیەش بمێنێتەوە لەپێناوی ئەوەی ڕۆژنامەیەک بێت بۆ هەموان و هەمیشە تیایدا جەخت لە بنەماکانی ئازادی و ڕەخنەگرتن بەزمانی گوڵ بکاتەوە. سەرکەوتنی زیاترتان بۆ دەخوازم.
#لاهور شێخ جەنگی#
#12-01-2019#