12-03-2019
باکووری کوردستان
- لە ئۆپەراسیۆنی پاکتاوکردنی سیاسیی ڕژێمی ئاکەپە لە دژی گەلی کورد 7 کەس لە جزیر و سەلیم ساداک ئەندامی دەستەی دیوانی کەجەدەکەجەدە زیندانیکران.[3]
- بەمەبەستی دەربڕینی پشتگیری، شاندێکی باشووری کوردستان چووە باکووری کوردستان و ئەمڕۆ لە شاری ئامەدئامەد سەردانی لەیلا گیوڤەنلەیلا گیوڤەن هاوسەرۆکی کۆنگرەی کۆمەڵگەی دیموکراتی (کەجەدە) و پەرلەمانتاری پارتیی دیموکراتیی گەلان (هەدەپەهەدەپە)ی کرد کە لەپێناو هەڵگرتنی گۆشەگیریی سەر ڕێبەر عەبدوڵڵا ئۆجەلانعەبدوڵڵا ئۆجەلان ماوەی 125 ڕۆژە دەستی بە مانگرتن لە خواردن کردووە.[3]
- حوریەت کزل، هاوسەرۆکی پێشووی هەدەپە لە ناوچەی ئارتەمێتان-ی وانوان، بەرەبەیانیی ئەمڕۆ لە ماڵەکەیدا لە شاری بالکئەسیر دەستگیرکرا و دواتر ڕەوانەی زیندان کرا.[4]
رۆژهەڵاتی کوردستان
- چالاکێکی کرێکاری بە ناوی تەوفێق محەممەدی خەڵکی سنەسنە لە لایەن هێزەکانی ئیتلاعاتەوە دەسبەسەر کرا و بۆ شوێنێکی نادیار گوازرایەوە.[5]
- بە هیمەتی کانوونەکانی شێعر و ئەدەب، نالی، تاوژین و ئەهورا و جێگیری فەرهەنگی کۆمەڵایەتی زانکۆی کوردستان لە تالاری مەولەوی ئەو زانکۆیە، سمێنارێک بۆ ساڵێادی کیمیای باران کردنی شاری هەڵەبجەهەڵەبجە، بەڕێوەچوو.[5]
باشووری کوردستان
- لە شاری سلێمانیسلێمانی ملیارێک دینار مووچەی کارمەندانی نەخۆشخانەی شار لەلایەن باندێکەوە دزرا. بەو هۆیەوە سەدان بازگە لە شاری سلێمانی و دەوروبەری بۆ دۆزینەوەی باندەکە دانرا.[1]
- لە شاری کەرکووک وەزارەتی شەهیدان و ئەنفالکراوانی هەرێم، یادی 32 شەهیدی کردەوە، کە 28 ساڵ لەمەوبەر لە گەڕەکی شۆریجە لەلایەن حکومەتی بەعسەوە گوللە باران کرابوون.[4]
- فەرماندەی ئۆپراسیۆنە هاوبەشەکانی کەرکووککەرکووک ڕەتیکردوەتەوە ڕێگا بدەن ئاهەنگی نەورۆز لەسەر قەڵای شارەکە ئەنجام بدرێت، بەرپرسێکی یەکێتیش دەڵێت: بڕیارە لەو بارەیەوە لەگەڵی کۆببینەوە و سورین لەسەر داگیرساندنی ئاگری نەورۆز لەسەر قەڵا.[2]
- ئەمڕۆ، لە بینای وەرزش و لاوان، لە شارۆچکەی کفریکفری سەر بە ئیدارەی گەرمیانگەرمیان، هەڵمەتێکی هوشیارکردنەوە لە سەر ماددەی هۆشبەر و نێرگەلە و چۆنیەتی وازهێنان، بۆ دورێد سەلیم، بەرپرسی فەرمانگەی ژینگەی گەرمیان و سیروان ئەحمەد ڕاهێنەر لەبەڕێوەبەرایەتی خۆپاراستن ی تەندروستی گەرمیان، سازکرا.[4]
- لەلایەن ئاسایشی کەلارکەلارەوە، بە تەلەفۆن بانگهێشتی ئەندازیار هەرێم مەحمود کراوە، کە ماوەی 18 ڕۆژە دژ بە گۆشەگیریی سەر عەبدوڵڵا ئۆجەلان مانی لە خواردن گرتووە، بە وتەی خۆشی، هەڕەشەی لێکراوە ئەگەر نەچێتە ئاسایش ئەنجامەکی باش نابێت.[4]
رۆژئاوای کوردستان
- هەڵمەتی هێزەکانی سوریای دیموکراتی- قەسەدە، لە گوندی باغۆز-ی ناوچەی هەجین بۆ کۆتایی هێنان بە داعشداعش بەردەوامە، له و چەتانەی داعش کە لە شوێنێکی بەرتەسکدا گیریان خواردووە، سەدان چەتە خۆیان ڕادەستی قەسەدە کرد، ئه و چەتانەی خۆیان ڕادەست دەکەن لە ڕێی ئه و ڕێڕەوە دەگوازرێنەوە کە قەسەدە کردوویەتییەوە.[4]