10-06-2019
باشووری کوردستان
- هاوکات لەگەڵ سەردانەکەی مەولود چاوشئۆغڵو، وەزیری دەرەوەی تورکیا بۆ هەرێمی کوردستان، سوپای تورک بۆردوومان و تۆپبارانی گوندەکانی برادۆستبرادۆست دەکات. کاتژمێر 12:00ی نیوەڕۆ، گوندی بێرکم بۆردوومان و گوندی خەلیفان سنووری برادۆست لەلایەن سوپای تورکەوە تۆپباران کرا. بۆردوومان و تۆپبارانەکان زیانی گیانیی بەدواوە نەبووە، بەڵام زیانی سروشتی ناوچەکە گەیاندووە.[2]
- بەرهەم ساڵحبەرهەم ساڵح بۆ بەشداریکردن لە سوێندخواردنی سەرۆکی هەرێم گەیشتە هەولێرهەولێر.[1]
- وەزیری دەرەوەی تورکیا و شاندێکی باڵای ئێران بۆ بەشداریکردن لە سوێندخواردنی نێچیرڤان بارزانینێچیرڤان بارزانی وەک سەرۆکی هەرێم گەیشتنە هەولێر. مەهدی ئەکەر پەرلەمانتاری ئاکەپە، هاکان کاراچای کۆنسوڵی تورکیا لە هەولێر، فاتیح یڵدز باڵێۆزی تورکیا لە بەغدا یاوەرەکانی چاوش ئۆغڵو بوون.[1]
- پاش ئەوەی لە تەمەنی هەشت ساڵیدا منداڵێکی ئێزدی لەگوندی کوچۆ سەر بە شارۆچکەی شنگالشنگال لەلایەن چەکدارانی داعشداعشەوە ڕفێندرا، دوای پێنج ساڵ لە کەمپی هۆلێ لە سوریا دۆزرایەوە. ئەو منداڵە ئێزدییە ناوی (حازم قاسم عەفدو)یە کە ئێستا تەمەنی 13 ساڵە، لە کەمپی چەکدارانی داعش لە سوریا دۆزراوەتەوە و دراوەتەوە بە ماڵی ئێزدییەکان لە هەرێمی جزیرەی ڕۆژئاوای کوردستان.[3]
- بڕیاربوو ئەمڕۆ کاتژمێر 11:00 کۆمەڵیک لە ڕۆشنبیر، ڕۆژنامەنووس، نووسەر و کەسایەتیی دژ بە داگیرکاریی دەوڵەتی تورک لە کۆنگرەیەکی ڕۆژنامەنووسییدا بەیاننامەیەکی هاوبەش بخوێننەوە، بەڵام ئاسایش ڕێگای پێنەدان. ئاسایشی سلێمانیسلێمانی بە بیانووی نەبوونی مۆڵەت ڕیگریی کرد، لەکاتێکدا بەستنی کۆنگرەی ڕۆژنامەنووسیی پێویستیی بە مۆڵەت وەرگرتن نییە.[2]
- بەپێی هەواڵێکی سایتی ژیان، بافڵ تاڵەبانیبافڵ تاڵەبانی مەراسیمی سوێندخواردنی سەرۆکی هەرێمی کوردستان-ی لە شاری هەولێر جێهێشت. بەپێی هەواڵەکە، بافڵ تاڵەبانی، بەهۆی شوێنی دانیشتنەکەیەوە لەتەنیشت ئیدریس نێچیرڤان بارزانیئیدریس نێچیرڤان بارزانی توڕە دەبێت و بەشداری مەراسیمی سوێند خواردنی نێچیرڤان بارزانی ناکات و گەڕایەوە.[2]
- سەرۆکی فراکسیۆنی نەوەی نوێنەوەی نوێ لە پەرلەمانی هەرێمی کوردستان ڕایدەگەێنێت، سوێندخواردنی سەرۆکی هەرێمی کوردستان پێویستی بە کۆشک و تەلار و ئاهەنگ گێرا نەبوو، دەشڵێت پێویستە پەرلەمان کار لەسەر داخوازییەکانی خەڵک بکات، نەک مەراسمی لەو شێوەیە.[2]
- لە ئەنجامی ئاگرکەوتنەوە لە گوندی سفەیەی سەر بە شارۆچکەی خەبات لە سنووری پارێزگەی هەولێر سەدان دۆنم دەغڵودانی جووتیاران سووتا.[4]
رۆژئاوای کوردستان
- سەربازانی تورکیا لە ناوچەی سەرێکانی ئاگریان لە دەغڵودانی هاوڵاتییان بەردا. هەروەها بە هۆکاری نادیار لە تربەسپی ئاگرێکی گەورە کەوتەوە.[4]