پەکەکەپەکەکە پەیامێکی بڵاوکردەوەو تێیدا ڕایگەیاندووە، بەردەوامیی بە خەبات دەدەن و تێکۆشانیان فراوانتر دەکەن، هەروەها پیرۆزبایی لەسەرکەوتنی خەباتی مانگرتووان دەکەن و دەشڵێن، گۆشەگیریی کۆتایی نەهاتووە، هاوکات داوایەکیش ئاراستەی گەلانی کوردستان و دیموکراتیخوازان دەکەن.
دەربارەی دووایین پەیامی عەبدوڵڵا ئۆجەلانعەبدوڵڵا ئۆجەلان ڕێبەری پەکەکە و کۆتاییهێنان بە مانگرتن و دۆخی ئەمڕۆی ناوچەکە، ئێوارەی ئەمڕۆ پارتی کرێکارانی کوردستان- پەکەکە، ڕاگەیەندراوێکی بڵاوکردەوە.
لە ڕاگەیەندراوەکەدا هاتووە:بەرخۆدانی مانگرتنی بێسنوور لە خواردن کە بە پێشەنگایەتیی هاوسەرۆکی کۆنگرەی کۆمەڵگەی دیموکراتی (کەجەدە) و پەرلەمانتاری جۆلەمێرگی هەدەپەهەدەپە لەیلا گوڤەن ڕێکەوتی 8ی تشرینی دووەمی 2018 لە زیندانی ئامەدئامەد لەپێناو کۆتایی هێنان بە سیستەمی ئەشکەنجە و گۆشەگیریی سەر ئیمڕاڵی دەستیپێکرد، لە نزیکەی 100 زیندانی کوردستان و تورکیا، هەروەها لە چوار لای کوردستان و دونیا بڵاوبوویەوە، چالاکییەکه 9 شەهیدی بەخشی و لە 30ی نیسان گۆڕا بۆ ڕۆژووی مردن لە زیندانەکان، زیاتر لە 7 هەزار مرۆڤ بەشدارییان تێدا کرد و بوو بە بەرفرەوانترین و ماوەدرێژترین چالاکیی مانگرتن لە خواردن لە مێژوودا، لە ڕۆژی 200هەمینی چالاکییەکەدا لەسەر بانگەوازی نووسراوی ڕێبەری گەلی کورد عەبدوڵا ئۆجالان کە ڕایگەیاند، بەرخۆدان سەرکەوتووە، ڕۆژی 26ی ئایاری 2019 بە بڕیاری بەرخۆدێران چالاکییەکە بەشێوەیەکی سەرکەوتوانە کۆتایی هات.
ئەم بەرخۆدانە گەورەیە سەرکەوتنێکی مێژوویی ئایدیۆلۆژی ئافراندووە
پەکەکە ڕایگەیاندووە:وەک بەرخۆدانی گەورەی زیندانەکان لە ساڵی 1982، ئەم بەرخۆدانە گەورەیەی مانگرتن لە خواردن شکستی بە سیاسەت و زیهنیەتی قڕکەر-فاشیست هێنا و سەرکەوتنێکی مێژوویی ئایدیۆلۆژی ئافراند، جارێکی دیکە هێزی سەرفرازیی شۆڕشگێڕی پیشان دا، دوای ئه و گورزە تووندەی لە 31ی ئادار لە سیاسەت و زیهنیەتی قڕکەر-فاشیست درا، لەسەر بنەمای دیداری پارێزەران لە 2 و 22ی ئایار و جاڕنامەی دیموکراتیی حەوت خاڵی کە ڕێبەر عەبدوڵا ئۆجالان لەگەڵ هاوڕێیانی دیکەی لە ئیمڕاڵی ئامادەی کرد، دەرگەکانی گۆشەگیریی سەر ئیمڕاڵی کرانەوە، بەم شێوەیە هەڵمەتی (کۆتایی بە گۆشەگیری دێنین، فاشیزم هەڵدەوەشێنین و کوردستان ئازاد دەکەین) کە لە دەوری مانگرتنەکان بەڕێوەبرا، ڕێی لە بەردەم ئەنجامی مێژوویی کردەوە، بەرخۆدانی مانگرتن لە خواردن و ڕۆژووی مردن مانگرتن تامردن کە بە ئامانجی خۆی گەیشت کۆتایی دێت، بەڵام هەڵمەتی بەرخۆدانی ئێمە بەردەوامە، وەک ئەوەی بەرخۆدێرانی مانگرتن لە خواردن بەڕاشکاوی ئاماژەیان بۆ کرد، هەتا هەلومەرجی کار و ژیانی ئازادی ڕێبەر عەبدوڵا ئۆجالان دەئافرێنرێت، بەرخۆدان بەردەوام دەبێت.
پیرۆزبایی لە بەرخۆدێران دەکەین
لەبەردەوامییدا هاتووە:لەسەر ئەم بنەمایە، لە کەسایەتیی لەیلا گوڤەن و بەرخۆدێرانی ڕۆژووی مردندا سڵاو و پیرۆزبایی لە بەرخۆدێرانی مانگرتن لە خواردن لە هەر چوار لای کوردستان و دونیا دەکەین، کە نزیکەی 200 ڕۆژ بەرخۆدانیان کرد، لە بەرانبەر پێداگری، فیداکاری، بوێری، ئیرادە، باوەڕی و بانگەشەی گەورەیان، هەروەها لە بەرانبەر ئه و ئەنجامە مێژووییەی بەدەستیان هێنا، پیرۆزباییان لێ دەکەین، هیوادارین بە تەندرووستییەکی باش لە تێکۆشیندا سەرکەوتنی نوێ بئافرێنن، لە کەسایەتیی شەهیدانی قارەمانی ئەم بەرخۆدانە مێژووییە زولکوف گەزەن، ئایتەن بەچەت، زەهرا ساغلەم، مەدیا چنار، یۆنجا ئاکیجی، سراچ یوکسەک، مەحسوون پامای، ئومێد ئاجار و ئووغوور شاکار بەڕێز و منەتەوە یادی هەموو شەهیدانی تێکۆشانی ئازادی دەکەینەوە، لە کەسایەتیی بەرخۆدانی ئیمڕالی، دایکانی کورد و گەریلاکانی ئازادی سڵاو ئاراستەی گەلەکەمان، هێزە دیموکرات و شۆڕشگێڕەکان و دۆستەکانمان دەکەین کە لە هەموو لایەکەوە بەشدارییان لە بەرخۆدانی (کۆتایی بە گۆشەگیری دێنین، فاشیزم هەڵدەوەشێنین و کوردستان ئازاد دەکەین) کرد، هیوای سەرکەوتنیان بۆ دەخوازین لە تێکۆشانی هاوبەشیان لەپێناو مرۆڤایەتی.
تێکۆشانی ئێمە بۆ ئازادی و دیموکراتی بەردەوام دەبێت
پەکەکە لە بەردەوامییدا ڕایگەیاندووە:هەر وەک چۆن بەرخۆدێرانی مانگرتن لە خواردن وەک ڕایەکی هاوبەش ئاماژەیان بۆ ئەوە کرد؛ مانگرتنەکان لە خواردن و ڕۆژووی مردن کۆتایی هاتووە، بەڵام تێکۆشانی ئێمە بۆ ئازادی و دیموکراتی لە دژی سیاسەت و زیهنیەتی قڕکەر-فاشیست بەردەوامە، فاشیزمی ئاکەپە - مەهەپە 31ی ئادار، هەروەها سیستەمی ئەشکەنجە و گۆشەگیریی سەر ئیمڕالی لە مانگی ئایاردا گورزێکی قورسیان بەرکەوت، بەڵام گۆشەگیری بەتەواوی هەڵنەگیراوە و فاشیزم بەتەواوی هەڵنەوەشێنراوە، هەر بۆیە کوردستان ئازاد نەبووە و تورکیا بەدیموکراتی نەبووە، لەبەرئەوە، لەسەر بنەمای ئافراندنی هەلومەرجی کار و ژیانی ئازادی ڕێبەر عەبدوڵا ئۆجالان، تێکۆشانی ئێمە بۆ ئازادکردنی کوردستان و بەدیموکراتی کردنی تورکیا دژبە گۆشەگیری و فاشیزم بەردەوامە، هەڵمەتی بەرخۆدانی (کۆتایی بە گۆشەگیری دێنین، فاشیزم هەڵدەوەشێنین، کوردستان ئازاد دەکەین، تورکیا و ڕۆژهەڵاتی ناوین بەدیموکراتی دەکەین) بەشێوەی چالاکیی نوێ و زەنگینتر بەردەوامە.
نابێ لەم بابەتەدا هەرگیز هەڵەیەک یان لاوازییەک لە بەرخۆدانی کۆمەڵایەتیدا بکرێت، ڕێبەر عەبدوڵا ئۆجالان ویستی کۆتایی بە چالاکییەکانی مانگرتن لە خواردن و ڕۆژووی مردن بهێنرێت، بەڵام لە هەمان کاتدا ویستی تێکۆشانی دیموکراتی و ئازادی دژبە گۆشەگیری و فاشیزم بەشێوەی چالاکیی زەنگینتر، ئافرێنەر و جەماوەری بەردەوام بێت، لەم بابەتەدا بانگی ژنان و گەنجان، هەموو هێزە کۆمەڵایەتییەکان و سیاسەتی دیموکراتی کرد کە بەشێوەیەکی چالاک بەردەوامی بە تێکۆشانی دیموکراتی بدەن، ئاماژەی بۆ ئەوە کرد کە سەرکەوتنی پڕۆسەکە لە ڕووی دیموکراتییەوە بەندە بە تێکۆشانی ئەم هێزانە، بەرخۆدێرانیش کە کۆتاییان بە مانگرتنەکان لە خواردن هێنا جەختیان لەسەر ئەوە کردەوە کە ئەرک دەکەوێتە سەرشانی کۆمەڵگەی دیموکراتی و سیاسەتی دیموکراتی، لەپێناو تێکۆشانی هاوبەش دژبە گۆشەگیری و فاشیزم بانگەوازیان کرد،
بانگەوازی بۆ هێزە دیموکراتییەکان
هەر لەو پەیامەی پەکەکەدا هاتووە:بە ناوی بزووتنەوەی ئازادیی کوردستان پەکەکە-ەوە ڕایدەگەیەنین، هەموو ئەم بانگەوازانە قبووڵ دەکەین و لەسەر ئەم بنەمایە بۆ جێبەجێکردنی ئەرکەکانی خۆمان بەشێوەیەکی سەرتاسەری تێدەکۆشین، ئێمە ئه و حەوت خاڵەی ڕێبەر عەبدوڵا ئۆجالان و هەڤاڵانی دیکەی ئیمراڵی خستیانەڕوو بە گرنگ دەبینین و دەمانەوێت بە بەرفرەوانی گفتوگۆ لەسەر بۆچوونەکانیان بکرێت، بەباشی خاوەندارەتییان لێ بکرێت و بۆ جێبەجێکردنیان بەشێوەیەکی چالاک تێکۆشان بکرێت، لەسەر ئەم بانگەوازە، ئێمە بانگی هەموو هێزە دیموکراتییەکان لە ناوخۆ و دەرەوەی وەڵات دەکەین، کە بە بەرپرسایەتییەوە مامەڵە بکەن، ئێمە هیوادارین کە بەڵێنی وتەبێژی ئاکەپە، وەزیری دادی دەوڵەتی تورک و دامودەزگە دیموکراتییەکان بۆ چەسپاندنی حقووقی لە ئیمڕالی بەبێ کەموکوڕی جێبەجێ بکرێت، ئێمە دەڵێین؛ بۆ لاوازکردنی سیاسەت و زیهنیەتی فاشیست و بەهێزکردنی سیاسەت و زیهنیەتی دیموکراتی هەر ئەرکێک بکەوێتە سەر شانی ئێمە جێبەجێی دەکەین.
هەڵمەتی بەرخۆدان سەردەخەی
پەکەکە ڕایگەیاندووە:بەڵام لەم بابەتەدا هەڵناخەڵەتێین، هەر بۆیە چاوەڕوان نابین و چالاکتر تێدەکۆشین، خۆی لە خۆیدا 1ی حوزەیران نۆیەمین ساڵیادی هەڵمەتی چوارەمین ستراتیژیی ساڵی 2010یە، ئێمە دەست بە دەیەمین ساڵیادی هەڵمەتەکەمان دەکەین، وەک فیناڵی ستراتیژی 9 ساڵەی شەڕی شۆڕشگێڕیی گەل، بەردەوامی بە هەڵمەتی بەرخۆدانی (کۆتایی بە گۆشەگیری دێنین، فاشیزم هەڵدەوەشێنین و کوردستان ئازاد دەکەین) دەدەین، دڵنیاین کە لە دەیەمین ساڵیاددا ڕێباز و تاکتیکی ستراتیژی شەڕی شۆڕشگێڕیی گەل بەشێوەیەکی ڕاست و پێویست جێبەجێ دەکەین، بەتەواوی کۆتایی بە گۆشەگیری دێنین، فاشیزم هەڵدەوەشێنین و هەلومەرجی کار و ژیانی ئازادی ڕێبەر عەبدوڵا ئۆجالان دەئافرێنین.
لەکۆتاییدا پەکەکە ڕایگەیاندووە:جارێکی دیکە پیرۆزبایی مانگرتنی گەورە لە خواردن دەکەین، کە سەرکەوتنی مێژوویی ئافراند، هەروەها یادی شەهیدانی قارەمان دەکەینەوە و بانگی هەموو هاوڕێیانی خۆمان، ژن، گەنج، گەلەکەمان، دۆستەکانمان، هێزە قارەمانەکانی گەریلا، هێزە دیموکرات و شۆڕشگێڕەکان دەکەین کە لە دژی سیاسەت و زیهنیەتی قڕکەر - فاشیست، هەڵمەتی بەرخۆدانی (کۆتایی بە گۆشەگیری دێنین، فاشیزم هەڵدەوەشێنین، کوردستان ئازاد دەکەین و تورکیا بەدیموکراتی دەکەین) لەسەر بنەمای چالاکیی زەنگینتر و ئافرێنەرتر لە هەموو ڕوویەکەوە بەرێوەببەن و بە سەرکەوتنی بگەیەنن.
28-05-201928-05-2019