بەناوی خوای بەخشندە و میهرەبان
برای بەڕێزم خادمی هەردوو حەرەمی پیرۆز، شا سەلمان کوڕی عەبدولعەزیز ئال سعود
سەرۆک باجی قاید سبسی
بەڕێز سکرتێری گشتی کۆمەڵەی وڵاتانی عەرەبی
بەڕێزان دەوڵەتمەداران
سەرەتا ڕێگەم پێبدەن سوپاس و ستایشی خۆم بە براکانم لە شانشینی عەرەبستانی سعودی بگەیەنم هەر لە پادشا و حکومەت و گەلەکەی بۆ ئه و پێشوازییە گەرم و پڕ ڕێزەی لێیان کردین، له و کاتەوەی گەشتوینەتە خاکی ئەم وڵاتە میوانداریکارە شەرفەمەند و بەخشندە بوین بە خانە خوێکەیان کە مێژووەکەی ئه و بەخشندەییەی بنیادناوە.
لە مەککەی پیرۆز کۆدەبینەوە، لەم شوێنە پیرۆز و پاکە، لەم مانگە موبارەکەدا، نزاکانمان لە شەوانی کۆتایی مانگی پیرۆزی ڕەمەزان و لە ئامێزی ماڵی پەروەردگار دەنێرین و دەپاڕێینەوە کە پەروەردگار ئاشتی و ئارامی و خێر و خۆشی بەسەر گەلەکانمان ببارنێت و ببینە نمونەیەکی دیاری پەیڕەوکاری ڕەوشت و ئاکاری پێغەمبەرمان محەمەد مستەفا سڵاو سەلامی خوای لەسەر بێت لە پێناو چەسپاندنی بەهاکانی ئاشتی و خۆشەویستی و پێکەوەیی.
لەم بارودۆخە هەستیارەدا کۆبوونەوەکانمان دەکەین کە بەداخەوە دۆخی ناوچەکەمان ئەمرۆ باشتر نییە لە دوێنێ، لەکاتێکدا بەشێک لە وڵاتەکانمان لە جیهانی عەرەبی بە دۆخێکی گۆڕانکاری قورسدا تێپەڕ دەبن، دڵمان لای کەسوکارمانە لە سودان و جەزائر، ئەوان لە هەوڵی چارەسەرکردنی کێشه و ئاستەنگەکانیانن کە ڕووبەروویان دەبێتەوه، دۆخەکە لە وڵاتی لیبیا دڵخۆشکەر نین، لەلایەکی ترەوە سوریا لەگەڵمان نییە لە مرۆدا و بە دۆخێکی قورسدا تێپەڕ دەبێت، هاوکات دۆخی یەمەن و ئەقسای پیرۆز هاوار دەکات بەڵام هیچ کەس بەدەمییەوە ناچێ
بەدڵنیایەوە نابێت عێراق وڵاتەکەممان لە بیر بچێت، سەرەرای پێشکەوتن و دەستکەوتەکان و ئومێدەکان، بەڵام دڵنیاتان دەکەمەوە کە ئێستاش ئاستەنگی مەترسیدار لە بەردەمماندا ماوە.
برایان
لە میانی ئەم قەیران و دۆخە نەخوازرا و پێشهاتە یەک لەدوای یەکانەدا، لەم دۆخی نێودەوڵەتی و ئیقلیمی هەستیاردا، شایەتحاڵی دۆخێکی قەیراناوین کە چاوەڕوان دەکرێت جەنگێکی گشتگیر بێتە ئاراوە، ئەگەر دۆخەکە بەره و باشتر نەبەین ئەوا ڕوبەڕووی مەترسییەکی زۆری ئیقلیمی و نێودەوڵەتی دەبینەوە کە وڵاتەکانمان پەلکێشی ئه و دۆخە نەخوازراوە دەکات.
ئێمە لە عێراق ئەزمونێکی قورسمان هەیە لە جەنگ و بە ئامانجگرتنی تواناکانمان لە لایەن تیرۆرەوە کە کاری کردە سەر ئاسایشی ناوخۆمان و کاریگەریشی کردە سەر ئاسایشی جیهانی عەرەبی و دراوسێکانمان و تا ئه و ڕادەیەی سەر ئاسایش و ئارامی کۆمەڵی نێودەوڵەتی.
ئاسایشی شانشینی یەکگرتووی سعودییەی برا بریتیە لە ئاسایشی عێراق، ئاسایشی ئیمارات و ئاسایشی وڵاتانی کەنداویش ئاسایشی ئێمەیە، ئێمە لە عێراق بە جددی پابەندین بە ئاسایشی شانشینی سعودییە و دەوڵەتانی کەنداو، هەر بە ئامانجگرتنێکی ئاسایشیان هەرەشەیە بۆ سەر ئاسایشی ئێمە و سەقامگیری و ئاسایشی وڵاتانی عەرەبی و ئیسلامی بەگشتی، ئیدانەی هەر جۆرە دوژمنکارییەک دەکەین کە بکرێت سەر براکانمان چونکە تێکچونی ئاسایشی ناوچەکە بریتیە لە تێکچونی ئاسایشی عێراق و سەقامگیرێکەشی.
کۆماری ئیسلامی ئێران دەوڵەتێکی ئیسلامی دراوسێی عێراق و وڵاتانی عەرەبیە، هیودارین کە ئاسایشی وڵاتەکەی بەدوور بێت لە هەر جۆرە بە ئامانجگرتنێک و سنوری 1400 کم بەیەکمانەوە دەبەستێت و پەیوەندییەکی قوڵ و پڕ مەودا بە یەکمانەوە گرێدەدات، بەدڵنیایشیەوە ئاسایش و سەقامگیری دەوڵەتی ئیسلامی هاوسێ کە لە بەرژەوەندی وڵاتانی عەرەبی و ئیسلامییە.
ناوچەکە پێویستی بە سەقامگیری و سیستەمێکی ئاسایشی هاوبەشە کە ڕێز لە سەروەری و دەستوەرنەدان بگرێت لە کاروباری ناوخۆی یەکتری و توندوتیژی و توندرەوی ئیدانە بکات، لەبەر ئەوەی هاوبەش و پابەندین بە ئاسایشی ناوچەکەوە.
هەوڵەکانمان تەنیا بە ئاڕاستەی بنیادنانی سیستەمی ئابووری و سیاسی کاریگەر نییە لەگەڵ براکانمان لە شانشینی و کەندا و وڵاتانی عەرەبی و دراوسێ ئیسلامییەکانمان بەڵکو ئامانجمان بەشداریکردنی دەوڵەتەکەمانە لە ڕارەوی دیبلۆماسی بۆ بەدیهێنانی ئاشتی و سەقامگیری بەردەوام لە ناوچەکە و چارەسەرکردنی قەیرانە کەڵەکەبووەکانیەتی.
بەڕێزان خاوەنشکۆ و پایەبەرزەکان
ئێمە بەبێ جیاوازی لەگەڵ دەوروبەردا کار لەگەڵ یەکتری دەکەین دەمەوێت واز لە موجامەلە بهێنم و کۆمەڵێک پێشنیازی کردەیی بخەمە ڕوو بۆ ئەوەی بگەینە ئاستی ئه و ڕووداوەی کە پێویستی کرد ئەم لوتکە تایبەتەی بۆ ببەستین و شێوازی تەقلیدی ئەم لوتکانە تێپەڕێنین وەبیرتان دەهێنمەوە کە عێراق بە ناوەندی ئاسایشی ناوچەکە دادەنرێت توندوتیژی و نائارامی ئەمنی و سیاسی لە عێراق هاوکێشەی ئەمنی لە ڕۆژهەڵاتی ناوەڕاست تێکدا و بووە هەڕەشەیەک لەسەر ئاشتی و ئاسایشی نێودەوڵەتی، ئەوەش کۆمەڵێک دەرئەنجامی کارەساتباری لێکەوتەوه و سیستەمی ئەمنی و سیاسی لە ناوچەکە شێواند، بەهێزکردن و بەره و پێشبردنی سەقامگیری لە عێراق پێویستی بە هاوکاری و لێکتێگەیشتنی نێوان برایان و دۆستان و دراوسێکان هەیە ئەوەش وادەخوازێت دۆستانمان پشتیوانی لە عێراق بکەن، چونکە ئەگەر ئه و چاکبێتەوە هەمووان چاک دەبنەوە ئەگەر نەخۆشیش بێت هەمووان نەخۆش دەکەون، پێمان وایە هەر جۆرە پێکدادانێک لە ناوچەکەماندا ڕووبدات ئاسایشی عێراق دەخاتە مەترسیەوە.
لەم سۆنگەیەوە لە سۆنگەی بەرژەوەندییەکانی عێراق و پەرۆشیمان بۆ ئاسایشی ناوچەکە، عێراق ئامادەیە هەموو توانایەکی خۆی بخاتە گەڕ بۆکردنەوەی دەرگای دیالۆگ، گرینگیشە دیالۆگ ڕاستەوخۆ بێت و توندو و تیژی و جەنگ وەلاوە بنێین وەک ڕێگە چارەیەک بۆ چارەسەرکردنی ئه و قەیرانەی ڕووبەڕوومان بۆتەوە گرنگە ئه و دیالۆگە سیستەمێکی هەرێمی سەقامگیری لێبکەوێتەوە و ببێتە بەردی بناغە بۆ کۆتایهێنان بەقەیرانەکانی ناوچەکە و بۆ ئەوەی ببێتە ناوچەیەک بۆ تەواوکار و لێکتێگەیشتن.
بەڕێزان
دووپاتی دەکەمەوە کە هەڵوێستی ئێمە پشتیوانی کردنە لە گەلی فەلەستین بۆبەدەست هێنانی مافەکانی لە دامەزراندنی دەوڵەتەکەی کە پایتەختەکەی قودسی شەریف بێت، هەروەها ئێمە بەپەرۆشین بۆ کۆتایهێنان بە نەهامەتییەکانی گەلی سوریا و دۆزینەوەی چارەسەرێکی سیاسی لەسەر بنەمای ڕێزگرتن لە ئیرادە بۆ ژیانێکی ئازاد و شکۆمەندانە، هیوامان چارەسەرکردنی قەیرانی یەمەن و پشتیوانیش لە هەموو کۆششێکی دڵسۆزانە دەکەین بۆ کۆتایهێنان بە نەهامەتییەکانی گەلی یەمەنی برا و بەدیهێنانی ئاسایش و سەقامگیری و گەشەسەندنی.
لە کۆتایدا ئێمە لە عێراق دووپاتی دەکەینەوە کە باشترین ڕێگە چارە بۆ پاراستنی ئاسایشی نەتەوەییمان بریتیە لە ئاشتی و یەکڕیزی لەبەرامبەر تیرۆر و توندڕەوی ڕێگەچارەی ئاسایشی هاوبەش کە ڕێز لە سەروەری وڵاتان دەگرێت و دەست وەردان لە کاروباری ناوخۆ ڕەتدەکاتەوە و پەیوەندی دۆستانە بەره و پێش دەبات و پەیوەندی بازرگانی و ئابووری پتەوتر دەکات.
ئاشتی و پێکەوە ژیان مایەی دەستپێکردنی کاروانی گەشە پێدانن لە وڵاتەکانماندا.
31-05-201931-05-2019