سەردار عەزیز
بزووتنەوەی گۆڕان
2019
ئەمریکا و ئێران لە ململانێدان. ئەمریکا تاکە زلهێزی دونیایە و ئێرانیش ئەو وڵاتەیە کە لە ساڵی1979ەوە لە دەرەوەی سیستەمی جیهانیەو لە لایەن ئەمریکاوە وەک نەیارێک تەماشا دەکرێت. ئێران بۆ ئەوەی فشاری ئەمریکا لە سەر خۆی کەمبکاتەوەو بەرگەی سزاکان بگرێت، بە سیستەمێکی تایبەت، دەیەوێت ببێتە هێزێکی خاوەن هەژموون لە ناوچەکەدا. چونکە بڕوای وەهایە تەنها لە ڕێگای کاریگەری لەسەر ناوچەکە دەتوانێت پێگەی خۆی بەهێزتر بکات و کارتی دانوستان بە دەستبهێنێت و لە دەرەوەی سنوری خۆی شەڕی ئەوانی تر بکات، تا لە دەوری خۆی سیستەمێک دابڕێژێت کە دوژمنایەتی نەکات و لێی سودمەندبێت.