07-12-2019
باکووری کوردستان
- لە گوندی سۆگوکپنار (مووشیان)ی سەربە ناوچەی توتاکی ئاگریئاگری، سەربازانی تورک ئۆپەراسیۆنێکیان دستپێکردبوو، لە پێدادانی دوای ئۆپەراسیۆنەکە، کەسێک بەناوی موراد کایا کە باوکی 3 منداڵە، کوژرا. ئەوەش زانراوە کە لە گوندەکە 10 کەس دەستگیر کراون، کەسێک بەناوی جەمال ئاکسۆی-ش بریندار بووە و ڕەوانەی نەخۆشخانەی لێکۆڵینەوەی وان کراوە. هەروەها ئەوەش وتراوە کە سەربازانی تورک هاوڵاتیانی گوندەکەیان ئەشکەنجە داوە.[6]
رۆژهەڵاتی کوردستان
- دوو ئەندامی گرووپی شاخەوانی هەڵۆی شاری سەقزسەقز بە ناوەکانی فایەق یووسفی و هادی محەممەدزادە، لە لایەن دادسەرای گشتیی و ئینقلابی ئەو شارەوە بە زیندان مەحکووم کران. بە پێی ئەو بڕیارە، ئەو دوو کەسە بەتۆمەتی پڕوپاگەندە دژی نیزام لە ڕێگای بڵاوکردنەوەی تراکتەوە بە تاوانبار ناسراون.[4]
باشووری کوردستان
- سەرچاوەیەکی ئەمنی ڕایدەگەیەنێت: شەوی ڕابوردوو چەکدارانی داعشداعش لە سنوری شارەدێی گوێر جوڵەیان کردووە و هێزەکانی پێشمەرگەش خراونەتە ئامادەباشی.[1]
- شەپۆلێکی بەفر بارین سنووری حاجی ئۆمەران و چیای ئەزمەڕ و چیاکانی شارباژێڕشارباژێڕ و چەند ناوچەیەکی دیکەی هەرێمی گرتوەتەوە و بەپێی پێشبینییەکانی کەشناسیش، باران بارین بەردەوام دەبێت و لە ناوچە شاخاوییە سنورییەکانیش ئەگەری بەفربارین هەیە.[3]
- مەسرور بارزانیمەسرور بارزانی سەرۆکی حکوومەتی هەرێمی کوردستان و جەیمس جێفری، نوێنەری سەرۆکی ئەمەریکا لە هاوپەیمانی نێودەوڵەتی دژی داعش کۆبوونەوە. لە کۆبوونەوەکە، هەریەک لە وەزیری پێشمەرگە و وەزیری ناوخۆی حکوومەتی هەرێمی کوردستان و کونسوڵی ئەمەریکا لە هەولێرهەولێر و چەند بەرپرسێکی دیکەی هەرێمی کوردستان و ئەمەریکا بەشدارن.[5]
- بەرەبەیانی ئەمڕۆ چەکدارانی داعش بەقۆستنەوەی کەشوهەوا ی ناوچەکە هێرشیانکردوەتە سەر چەکدارانی لیوای 56ی حەشدی حەویجەحەویجە لەناوچەی دەنادیشی قەزاکە. ڕوبەڕوبونەوە لەنێوانیان ڕویداوە و بەهۆیەوە دوو چەکداری حەشد کوژراون.[1]
دەرەوەی کوردستان
- ڕەوشی ناوخۆییی ئێڕاقی عەرەبی زۆر خراپ تێکچووە بە تایبەتی شاری بەغدا، لە پاش ڕووداوەکانی شەوی ڕابردوو کە زۆرتر لە 30 کەس کوژران و زۆرتر لە 100یش برینداربوون، سوپا هێزەکانی خۆیی لە گەڕەکەکانی بەغدا بڵاوە پێکردووە.[2]
- فڕۆکەیەکی بێ فڕۆکەوان بارەگای موقتەدا سەدر لە نەجەف بۆردومان دەکات.[2]