بەڕێوەبەرایەتی پۆلیسی هەرێم لە وەزارەتی ناوخۆوەزارەتی ناوخۆی هەرێمی کوردستان ڕایدەگەیەنێت: لەماوەی ساڵێکدا (2019) دەستدرێژی سێکسی کراوەتەسەر 186 کچ و ژن و 137 هاووڵاتیش ڕفێندراون.
بەپێی ئامارێکی بەڕێوەبەرایەتی پۆلیسی هەرێم لە وەزارەتی ناوخۆی هەرێمی کوردستان: لەماوەی ساڵێکدا 137 هاووڵاتی هەرێم ڕفێندراون کە نۆ هاووڵاتی لە پارێزگای سلێمانیسلێمانی و 99 هاووڵاتی دیکە لە پارێزگای دهۆکدهۆک و لە ئیدارەی ڕاپەڕین حەوت هاووڵاتی و لە ئیدارەی گەرمیانگەرمیان 13 هاووڵاتی و لە ئیدارەی سۆرانسۆران سێ هاووڵاتی و لە پارێزگای هەڵەبجەهەڵەبجە شەش هاووڵاتی ڕفێندراون، بەڵام لە پارێزگای هەولێرهەولێر هیچ هاووڵاتییەک نەڕفێندراوە.
هەر بەپێی ئامارەکەی بەڕێوەبەرایەتی گشتی پۆلیسی هەرێم، لە سێ پارێزگا و سێ ئیدارەی هەرێم، 186 کچ و ژن دەستدرێژی سێکسیان کراوەتەسەر کە بەشێک لە قوربانییەکان بیانییەکانن.
بەپێی ئامارەکە: 34 ژن و کچ لە پارێزگای هەولێر دەستدرێژی سێکسیان کراوەتەسەر، هەروەها لە دهۆک 50 تاوان و لە سلێمانی 64 تاوان تۆمارکراوە، بەڵام لە پارێزگای هەڵەبجە هیچ تاوانێکی دەستدرێژی سێکسی تۆمارنەکراوە.
ئامارەکەی بەڕێوەبەرایەتی گشتی پۆلیسی هەرێم، ئاماژەی بەوەداوە: کە لە شارۆچکەی سۆران و هەردوو ئیدارەی گەرمیان و ڕاپەڕین 38 تاوانی دەستدرێژی سێکسی تۆمارکراوە کە لە ڕاپەڕین 15 تاوان و لە گەرمیان 21 تاوان و لە قەزای سۆرانیش دوو تاوان تۆمارکراون.[1]