دوابەدوای دەستبەسەرداگرتنی بڕی 60 کیلۆگرام ماددەی هۆشبەر لەلایەن مەفرەزەیەکی ئاسایشەوە و وەرگرتنی زانیاری لەسەر ئەوەی کە خاوەندارییەتی ماددەکە دەگەڕێتەوە بۆ هاووڵاتی (مەجید برایم عەبدوڵڵا)، ڕەزامەندی بەڕێز دادوەر وەرگیرا بۆ دەستگیرکردن و پشکنینی ماڵی ناوبراو لە گوندی سیساوەی سەر بە شارۆچکەی هەریر.
لەکاتی دەستگیرکردن و پشکنینی ماڵی ناوبراو لەلایەن هێزەکانی ئاسایشەوە و بە ئامادەبوونی ئەندامانی خێزانەکەی، کەسێکی دیکە لەسەر هەمان دۆسییە دەستگیرکرا و بڕێکی دیکەی ماددەی هۆشبەر دەستی بەسەرداگیرا.
بەداخەوە لە ڕۆژی 16/1/2020، ناوبراو لەناو بەندیخانە کۆتایی بە ژیانی خۆی هێنا.
دوای ئاگادارکردنی بەڕێز دادوەر، تەرمی ناوبراو ڕەوانەی پزیشکی دادی #هەولێر# کرا.
شایانی باسە تەواوی بەڵگەنامەکان لەسەر ئەم دۆسییە و ڕێکارە یاساییەکان بەردەستن.
بەڕێوەبەرایەتی گشتی ئاسایش - هەولێر
#16-01-2020#