10-03-2020
باکووری کوردستان
- لە ناوچەی نێوان لیجە و پاسوری ئامەدئامەد و ناوچەی دارا هێنی ناوچەی چەولیک، سوپای تورکی داگیرکەر لە دەوروبەری گوندەکانی پێچار، مزاگ، خەشەدەر، باراڤ، هامزا و ئاختیگان دەستی بە ئۆپڕاسیۆن کرد. بە پێی زانیارییەکان، هاوکات لە گەڵ ئۆپڕاسیۆنە زەمینییەکە، لە چەند ناوچەیەکیش سوپای داگیرکەر هێرشی ئاسمانی ئەنجام داوە. لە ناوچەکە هەلیکۆپتەری هێرشبەر بەکار دەهێندرێن. هاوکات بە هەلیکۆپتەری سکۆرسکی سەرباز لە ناوچەکە جێگیر کراون.[1]
رۆژهەڵاتی کوردستان
- پێنج هاووڵاتیی کورد بە ناوەکانی: سەید ئەحمەد سەبری خەڵکی پەسوێ، عەبدوڵڵا حەسەنزادە خەڵکی پەسوێ، محەممەد ئیبراهیمزادە خەڵکی گوندی خورنج، محەممەد ئەلیاسی کوڕی محەممەد تاهیر خەڵکی نەغەدەنەغەدە و سەلام بارزگانی خەڵکی پەسوێ، پاش دەسبەسەرکرانیان لەلایەن هێزە ئیتلاعاتییەکانەوە بۆ لێپرسینەوە ڕەوانەی گرتنگەی ڕێکخراوی ئیتلاعاتی سپای پاسداران لە ورمێورمێ کراون. ئەو 5 هاووڵاتییە کوردە، ڕۆژی یەکشەممەی ڕابردوو، بەبێ بەڵگەی یاسایی لەلایەن هێزە ئیتلاعاتییەکانەوە دەسبەسەر کرابوون.[7]
- لقی دووی دادگای ئینقلابی ورمێ بە سەرۆکایەتیی دادوەر شێخلوو، هاووڵاتییەکی کوردی بە ناوی شەهرام کازمیان کوڕی فارس، تەمەن 42 ساڵ، بە 5 ساڵ زیندانیی تەعزیری مەحکووم کرد.[7]
باشووری کوردستان
- ڕۆژی جلی کوردیجلی کوردی لە باشووری کوردستان بەهۆی ترسی ڤایرۆسی کۆڕۆنا و پشووی خوێندنگاکان بەبێدەنگی بەسەربرا و هیچ چالاکییەکی ئەوتۆ بەهۆی ئەم بۆنەیەوە بەڕێوەنەچوو.[4]
- قوباد تاڵەبانی جێگری سەرۆک وەزیرانی هەرێمی کوردستان، لە هەولێرهەولێر پێشوازی لە ستیڤ فەیگن کونسوڵی گشتی ئەمریکا لە هەرێم. هەردووکیان لە ڕۆژی جلی کوردیدا، جلی کوردییان پۆشیبوو.[3]
- فڕۆکە جەنگییەکانی دەوڵەتی تورک سنووری بناری قەندیلقەندیل بۆردوومان دەکەن، هەروەها فڕۆکە بە ئاسمانی پشدەردا دەسووڕێتەوە و دڵەڕاوکێی خستووەتە دڵی هاوڵاتیانەوە.[6]
- لە دەروازەی نێودەوڵەتیی پەروێزخانپەروێزخان، هاتنی شۆفێری تانکەرەکانی سووتەمەنی سنووردار کراون، بەجۆرێک ڕۆژانە لەژێر چاودێریی پۆلیس تەنها ڕێگە بە 25 تانکەر دەدرێت سووتەمەنی بگوازنەوە باشووری کوردستان، باری کامیۆنی ترانزێتەکانیش ئاڵوگۆڕیان بۆ کامیۆنی عێراقی پێدەکرێت. هاوکات لە دەروازەی نێودەوڵەتیی حاجی ئۆمەرانحاجی ئۆمەران ڕێگە بە هیچ شۆفێرێکی ڕۆژهەڵاتی / ئێرانی نادرێت کاڵا و کەلوپەل بگوازێتەوە بۆ باشووری کوردستان.[2]
- ئەنجومەنی وەزیرانی هەرێم بە سەرۆکایەتی مەسرور بارزانیمەسرور بارزانی و قوباد تاڵەبانیقوباد تاڵەبانی سەرۆک و جێگری سەرۆکی حکومەت کۆبوەوە و تێیدا دەرهاویشتە و لێکەوتە ئابوورییەکانی ڤایرۆسی کۆرۆنا و دۆخی ئابووری هەرێمی کوردستان تاوتوێکرا و بڕیاردرا دانوستانەکان لەگەڵ حکومەتی فیدراڵی چڕبکرێنەوە بۆ تێپەڕاندنی ئه و دۆخە داراییە سەختەی ڕووبەڕووی عیراق و هەرێمی کوردستان بۆتەوە.[3]
- بە فەرمانی وەزارەتی تەندروستیی حکومەتی هەرێمی کوردستان، قایمقامیەت و شارەوانیی سلێمانیسلێمانی سەرجەم ئۆتۆمبێلەکانی خۆڵوخاشاک ڕشتن پێش ئەوەی بچنە کۆڵانەکانەوە دەبێت پاکبکرێنەوە و ڕشاندنیان بە پاککەرەوەی تایبەت بۆ بکرێت، کارمەندەکانیش بە هەمان شێوە دەبێت جلوبەرگەکانیان پاکبکرێنەوە بە دەرمانی تایبەت، هەر جارێکیش چوونە ناو تانجەرۆ کە شوێنی فڕێدانی خۆڵوخاشاکە، پێویستە بە دەرمانی تایبەت پاکبکرێنەوە لەکاتی گەڕانەوەیان.[2]
- دلۆڤان محەمەد، بەڕێوەبەری تەندروستی هەولێر لە کۆنفراسێکی ڕۆژنامەوانی ڕایگەیاند، چوار حاڵەتی کۆرۆنا لە هەولێر تۆمارکراون و نەخۆشخانە و تیمە پزیشکییەکان لە ئامادەباشیدان.[5]
- لە کۆبوونەوەکەی ئەنجومەنی سەرکردایەتی یەکێتی نیشتمانیی کوردستاندا، هەریەک لە (ڕەفعەت عەبدوڵڵاڕەفعەت عەبدوڵڵا، قادر عەزیزقادر عەزیز، ڕزگار عەلیڕزگار عەلی، شاناز ئیبراهیم ئەحمەدشاناز ئیبراهیم ئەحمەد، دەرباز کۆسرەت ڕەسوڵدەرباز کۆسرەت ڕەسوڵ) بە ئەندامانی دەستەی کارگێڕی مەکتەبی سیاسی یەکێتی هەڵبژێردران. هەرلە کۆبوونەوەکەدا لێپرسراوانی مەکتەبەکانی یەکێتیی نیشتمانیی کوردستانیەکێتیی نیشتمانیی کوردستان، هەڵبژێردران لەوانە: سەعدی ئەحمەد پیرەسەعدی ئەحمەد پیرە بە لێپرسراوی مەکتەبی پەیوەندییەکانی دەرەوە و لە تیف شێخ عومەر بە لێپرسراوی مەکتەبی ڕاگەیاندن و سۆرانسۆران جەمال تاهیر بە لێپرسراوی مەکتەبی پەیوەندییەکان و حامید حاجی غالیحامید حاجی غالی بە لێپرسراوی مەکتەبی کۆمەڵایەتی و بورهان سەعید سۆفیبورهان سەعید سۆفی بە لێپرسراوی مەکتەبی شەهیدان و ئەمین بابە شێخ بە وتەبێژی یەکێتی و شاڵاو عەلی عەسکەریشاڵاو عەلی عەسکەری بە لێپرسراوی مەکتەبی ڕێکخستن و ئاسۆ مامەندئاسۆ مامەند بە لێپرسراوی دەزگای هەڵبژاردرن و د. میران محەمەد بە لێپرسراوی مەکتەبی ڕێکخراوە دیموکراتییەکان و ڕزگار حاجی حەمە به لێپرسراوی مەکتەبی بیر و هۆشیاری یەکێتیی نیشیتمانیی کوردستان هەڵبژێردران.[3]
- لەشاری ڕانیەڕانیە هەڵمەتێکی فراوانی ڕشاندنی دەرمان و پاکردنەوەی بازارو شوێنە گشتیەکان دەستیپێکرد.[3]
- وەزارەتی تەندروستی هەرێم لە ڕاگەیەنراوێکدا دوو حاڵەتی دیکەی کۆرۆنای لە هەرێمی کوردستان ڕاگەیاند.[3]
- بە مەبەستی هاندانی زیاتری هاوڵاتیان بۆ خۆپاراستن لە ڤایرۆسی کۆرۆنا، ڕێکخراوی لاوان و خوێندکارانی شیوعی هەڵمەتێکی دابەشکردنی دەمامک و دەستکێشیان لە شارۆچکەی کفریکفری ئەنجامدا.[6]
- تەندروستیی سلێمانی ڕایدەگەیێنێت، ئەو کەسانەی لە کەرەنتینە دوای 14 ڕۆژەکە دەنێرێنەوە ماڵەوە تاوەکو 10 ڕۆژی دیکە پێویستە پابەندی ڕێنماییەکان بن، ئەگەر پێویست بێت ڕەنگە لەو ماوەیە بانگبکرێنەوە بۆ ئەنجامدانی پشکنینی زیاتر.[2]
- شەوی ڕابردوو داعشداعش دوو هێرشی کردە سەر سوپای عێراق و حەشدی شەعبیحەشدی شەعبی لە سنووری خانەقینخانەقین، ئەفسەرێکی سوپا و چەکدارێکی حەشد کوژران و دوو چەکداری دیکەی حەشدیش برینداربوون.[5]
- لەگوندی بەرچیخەی دەڤەری برادۆست 300 پارچە تەقەمەنی نەتەقاوەی سەردەمی ڕژێمی بەعس دۆزرانەوە، لەلایەن بەڕێوەبەرایەتی دەزگای گشتی کاروباری مینی هەولێر کۆکرانەوە و بڕیارە لەهەفتەی داهاتوو لەگەڵ کۆمەڵێک تەقەمەنی دیکە بتەقێندرێنەوە.[6]