باکووری کوردستان
- هاوسەرۆکانی شارەوانی ئێلح دوای ئەوەی لە پۆستەکانیان دوور خرانەوە و قەیوم لە پۆستەیان جێگیر کرا، دەستبەسەر کران، هاوکات سزای زیندانی بەسەر 2 چالاکی بزوتنەوەی ژنانی ئازادیشدا سەپێندرا.[5]
رۆژهەڵاتی کوردستان
- زانکۆی پزیشکی پارێزگای سنەسنە لە رایگەیاندووە تا ئێستا 90 تووشبووی کۆرۆنا چاک بوونەتەوە و گەڕاونەتەوە بۆ ماڵەوە. زانکۆی پزیشکی سنە ئاماژەی بەوەشکردووە کە لەکۆی 713 پشکنین دەرکەوتووە کە 278 کەس له و پارێزگایە تووشبوون و وەڵامی 382 کەسیش نێگەتیڤ بووە و 33 کەسیش بەهۆی ڤایرۆسەوە گیانیان لەدەستداوە.[2]
- ژمارەیەک لە خێرخوازانی شاری مەهابادمەهاباد، لە سەر تێچووی خۆیان کۆمەڵێک کەرەستەی بێهداشتی و هەروەها دەرمانی دژەگەندیان بۆ خاوێنکردنەوەی کۆڵان، شەقام و تەنانەت ماڵەکانیش کڕیوه. زۆربەی کۆڵان، گەڕەک و شەقامەکانی مەهاباد، لەلایەن خەڵکی ئەو شارە، بە شێوەی خۆبەخش و لە سەر تێچووی کۆمەڵێک خێرخوازی خەڵکی ئەو شارە، بۆ پێشگرتن له ڤایروسی کۆرۆنا خاوێن کراوەتەوە.[4]
- وتەبێژی شانەی قەیرانەکان بۆ بەرەنگاربوونەوەی ڤایرۆسی کۆرۆنا لە زانکۆی پزیشکی پاریزگای کرماشانکرماشان رایگەیاند له و پارێزگایە تا ئێستا 20 کەس بەهۆی ڤایرۆسەوە گیانیان لەدەستداوە.[2]
- بەپێی ئامارە فەرمییەکان لە رۆژهەڵاتی کوردستان، هەزار و 718 تووشبووی کۆرۆنا هەن و 140 کەسیش گیانیان لەدەستداوە. ئامارەکەش سات بە سات دەگۆڕێت.[1]
- سێ زیندانیی سیاسیی کورد بە ناوەکانی سەڵمان ئەفرا، ئارمان غەفووری و عادڵ پیرووزی لە زیندانی مەریوانمەریوان ئازاد کران. ئازادیی ئەو سێ زیندانییە سیاسییە لە ژێر ناوی لێخۆشبوون بەبۆنەی هاتنی نەورۆز و قەیرانی بڵاوبوونەوەی ڤایرۆسی کۆرۆنا بووە و ئەو زیندانییە سیاسیانە کە زیاتر لە 5 ساڵ حوکمی زیندانییان هەیە، ئەو لێخۆشبوونەوە نایانگرێتەوە.[4]
باشووری کوردستان
- شەوی رابردوو ئەنجامی پشکنینی ژنێکی تەمەن 75 ساڵان دەریخست کە هەڵگری ڤایرۆسی کۆرۆنایە، بەڕێوەبەری بەشی تەندروستیی گشتی لە فەرمانگەی تەندروستیی کەرکوککەرکوک دەڵێت، ژنەکە گیانی لەدەستداوە.[1]
- تەندروستی هەولێر لەڕاگەیەندراوێکدا سەبارەت بە دوو تووشبووەکەی ئەمڕۆ رایگەیاند: کە ئه و دوو کەسە سەردانی دەرەوەی وڵاتیان نەکردووە و لەڕێگەی بەرکەوتنەوە تووشبوون. تەندروستی هەولێر ئاماژەی بەوەشکردووە کە یەکێک لە تووشبوان دانیشتووی کۆمەڵگەی شاوێسە و ئەویتریش دانیشتووی گوندی گاینجی خۆرئاوای هەولێرە.[2]
- ئەمڕۆ چوارەم رۆژە بەهۆی بڵاوبوونەوەی ڤایرۆسی کۆرۆنا، کۆمەڵگەی سێبران لە سنووری پارێزگای هەولێرهەولێر کەرەنتینە کراوە، جگە لە هێزە ئەمنییەکان کە دەوری کۆمەڵگەکەیان گرتووە، تیمەکانی تەندروستی بەردەوامن لە پشکنین و رشاندنی دەرمان. بەگوێرەی ئاماری وەزارەتی تەندروستی تائێستا 15 کەس لەو کۆمەڵگایە هەڵگری ڤایرۆسی کۆرۆنان.[3]
- بەڕێوەبەری گشتیی تەندروستیی سلێمانیسلێمانی راگەیاند، لە شارۆچکەی دەربەندیخاندەربەندیخان بەشیوەیکی کاتی بەشە ناوخۆییەک بۆ تووشبووانی ڤایرۆسی کۆرۆنا دەکەنە نەخۆشخانە.[1]
- وەزارەتی تەندروستیوەزارەتی تەندروستی هەرێمی کوردستان لە راگەیەندراوێکدا رایگەیاند کە دوو حاڵەتی نوێی تووشبوون بە کۆرۆنا لە شاری هەولێر تۆمار کراوە.[2]
- دەزگای خێرخوازی بارزانی خواردن و پێداویسیتیەکانی 15 رۆژی بۆ دانیشتووانی کۆمەڵگەی سێبیران دابین کردووە، کە ماوەی 3 رۆژە بەهۆی تۆمارکردنی چەند حاڵەتێکی تووشبوون بە ڤایرۆسی کۆرۆنا لە کەرەنتینە دان.[3]
- خاوەنی ئەو کۆمپانیایانەی خۆراک و پێداویستی بەسەر مارکێت و دوکانەکاندا دابەش دەکەن، بەهۆی رێگری و دروستکردنی کێشە بۆیان لە بازگەکانی نێو شاری هەولێر، هەڕەشەی بایکۆتکردن دەکەن. قایمقامی هەولێریش دەڵێت، هیچ کێشەیەکیان نییە و دەتوانن خۆراک و پێداویستییەکانی هاونیشتمانیان دابەش بکەن.[1]
- بەمەبەستی خۆپارێزی و رێگریکردن لە بڵاوبونەوەی ڤایرۆسی کۆرۆنا شارەوانی دوکاندوکان چەند رێگایەک دادەخات و بەربەست دادەنێت.[2]
- بەهۆی پابەندنەبوون بە نرخەکانەوە، لیژنەکانی پشکنین و بەدواداچوونی سەر بە وەزارەتی تەندروستی بەشی سۆنەری سێ نەخۆشخانەی ئەهلی و تاقیگەیەکیان داخست.[1]
- بەرەبەیانی ئەمڕۆ لە گوندی غوڵامی سەر بە شارەدێی سیروان بەهۆی کێشەی زەوی و زار کەسێک بەناوی (ک.ع.ع) تەمەن 48 ساڵ کوژرا و براکەشی بەناوی (م.ع.ع) بریندار بوو.[3]
دەرەوەی کوردستان
- وەزارەتی بەرگریی تورکیا رایگەیاند، لە هێرشێکی چەکداریدا دوو سەربازی تورکیا لە ناوچەی حەفتەنین لە سنووری زاخۆزاخۆ کوژراون و دوو سەربازی دیکەش برینداربوون.[1]
- سەرۆکی ئەمریکا رایگەیاند، لە سەرەتا تورکیا و کورد ئامادەنەبوون رێککەوتن بکەن، بەڵام لەدوای دەستپێکردنی شەڕ، لەسەر داوای من رازیبوون رێککەوتن بکەن.[1]
- وەزارەتی تەندروستی تورکیا هەواڵی گیانلەدەستدانی 7 کەسی دیکەی بە کۆرۆناکۆرۆنا راگەیاند و ئاماری گیانلەدەستدان له و وڵاتە بۆ 44 کەس بەرز بوەوە.[3]
- لە ئێران ژمارەی ئەو کەسانەی بە کۆرۆنا گیانیان لەدەستدا 2 هەزار کەسی تێپەڕاند و ژمارەی ئەو کەسانەی تووشی ڤایرۆسەکەش بوون 27 هەزار کەسی تێپەڕاند. لە ئێران هاتوچۆی نێوان هەموو شارەکان قەدەغەکرا.[5]
📌 کوردیپێدیا، رۆژانە (بێلایەنانە) مێژووی کوردستان تۆماردەکات... 📅 کڕۆنۆلۆژیای رووداوەکان

⁉️ تایبەتمەندییە تەکنیکییەکان
©️	خاوەنی ئەم بابەتە بەسوپاسەوە، مافی بڵاوکردنەوەیی بە کوردیپێدیا بەخشیوە! یان بابەتەکە کۆنە، یاخود بابەتەکە موڵکی گشتییە.
✨ کوالیتیی بابەت: 99% ✔️ 99% ✖️  30%-39% خراپ 👎 ✖️  40%-49% خراپ ✖️  50%-59% خراپ نییە ✔️  60%-69% باش ✔️  70%-79% زۆر باشە ✔️  80%-89% زۆر باشە 👍 ✔️  90%-99% نایاب 👏 99% ✔️
➕	ئەم بابەتە لەلایەن: (هاوڕێ باخەوان)ەوە لە: Feb 1 2020 3:05PM تۆمارکراوە
👌	ئەم بابەتە لەلایەن: (بەناز جۆڵا)ەوە لە: Mar 25 2020 8:06AM پێداچوونەوەی بۆکراوە و ئازادکراوە
✍️	ئەم بابەتە بۆ دواجار لەلایەن: (هاوڕێ باخەوان)ەوە لە: Mar 26 2020 1:45PM باشترکراوە
☁️	ناونیشانی بابەت
🔗
🔗
👁	ئەم بابەتە 33,372 جار بینراوە

📚 فایلی پەیوەستکراو - ڤێرشن
جۆر	ڤێرشن	💾	📖	🕒	📅	👫 ناوی تۆمارکار
📷 فایلی وێنە	1.0.1	41 KB			Mar 25 2020 9:07AM	هاوڕێ باخەوان