08-04-2020
باکووری کوردستان
- لە ناوچەی پاسووری ئامەدئامەد لەکاتی تێپەڕبوونی ئۆتۆمبێڵێدا تەقینەوەیەک ڕوویدا و بە پێی زانیاریەکان 5 کەس گیانیان لەدەستداوە.[1]
رۆژهەڵاتی کوردستان
- لە ماوەی دوو ڕۆژی ڕابردوودا، 19 زیندانی لە زیندانی ناوەندیی ورمێورمێ، بۆ ئەنجامی تاقیکاریی کۆرۆنا ڕەوانەی نەخۆشخانەی دەرەوەی زیندان کراون.[7]
- تەرمی کۆڵبەرکۆڵبەرێکی کورد بە ناوی عەسکەر محەممەدی خەڵکی گوندی نەبی کەندیی بەخشی ناوەندیی چاڵدێران لە بەرزاییەکانی ئەو شارەدا دۆزرایەوە. بە وتەی سەرچاوەیەکی ئاگادار، ئەو کۆڵبەرە کوردە چوار ڕۆژ لە بەرزاییەکانی کێوەکانی چاڵدێراندا ون بووە. هەتا ئێستا زانیارییەکی ورد لە هۆکاری گیانلەدەستدانی ئەو کۆڵبەرە کوردە لەبەر دەستدا نییە.[7]
باشووری کوردستان
- لە بەردەوامی پشکنینەکان و گەڕان بەدوای گومانلێکراوان، 14 تووشبووی ڤایرۆسی کۆڕۆنای نوێ COVID-19 لە شاری هەولێر دەستنیشانکران. بەمەش ژمارەی توشبوون بە ڤایرۆسی کۆرۆنا لە هەرێمی کوردستان گەیشتە 303 کەس و لەو ژمارەیەش 114 کەس چاکبوونەتەوە و 3 کەسیش گیانیانلەدەستداوە.[3]
- وەزارەتی تەندروستی حکومەتی هەرێمی کوردستان ڕایگەیاند، 6 تووشبووی دیکەی کۆرۆنا لە هەولێر دەستنیشان کران.[3]
- بەڕێوەبەری شارەدێی بازیانبازیان ڕایگەیاند بەهۆی ئەو دووحاڵەتەی کۆرۆنا، کە لە بازیان تۆمارکرا، شارۆچکەی بازیان کەرەنتینەکرا، تا ئێستاش 25 نمونەی خوێن لە کەسانی بەرکەوتووی ئەو دوو کەسە وەرگیراوە بۆ پشکنین، گەڕەکەکانی بازیانیش دەرمانڕێژکراون.[6]
- دوای ئەوەی دوو کەس لەناو سۆرانسۆران و سێ کەس لە شارەدێی سیدەکانسیدەکانی سەر بە شارۆچکەی سۆران تووشی ڤایرۆسی کۆرۆنا بوون، تیمەکانی تەندروستی دەستیان بە پشکنین کرد، ئەمڕۆش بەڕێوەبەرایەتی تەندروستی سۆران ئەنجامی پشکنینی نزیکەی 200 کەسی ئاشکرا کرد، کە سەرجەمیان نێگەتیڤ دەرچووە.[5]
- بەڕێوەبەرایەتی گشتی تەندروستی کۆیەکۆیە ڕایگەیاند: لە چوارچێوەی هەڵمەتەکانی بەشی پاراستنی تەندروستی بەڕێوەبەرایەتی گشتی تەندروستی کۆیە، بۆ وەرگرتنی سامپڵ تایبەت بەپشکنینی ڤایرۆسی کۆرۆنا، ژمارەیەک سامپڵ بەشێوەی هەرەمەکی لە سنووری شارۆچکەی کۆیە وەرگیران، خۆشبەختانە هەر 60 سامپڵەکە ئەنجامەکەیان پاک دەرچوون.[5]
- پۆڵا شەهید سیروان تاڵەبانی بەرپرسی مەڵبەندی گەرمیانگەرمیانی یەکێتیی نیشتمانیی کوردستانیەکێتیی نیشتمانیی کوردستان ڕایگەیاند: بەرەبەیانی ئەمڕۆ لەمیانەی وەفدێکی مەڵبەندی گەرمیانی یەکێتیی نیشتمانی کوردستان سەردانی شارەدێی کوڵەجۆکوڵەجۆمان کرد، کەبەداخەوە شەوی ڕابردوو لەلایەن تیرۆرستانەوە پەلاماری ڕەبیەکانی پێشمەرگەیان دابوو، کە چەند ڕەبیەو شوێنێکی تایبەت بەهێزەکانی پێشمەرگەمان بەسەر دەکردەوە، بۆمبێکی چێنراو بە کاروانی بەئۆتۆمبێلەکاندا تەقیەوە. وتیشی: بۆمبەکە بەئۆتۆمبێلێکی هێزەکانی ئاسایش تەقیەوە کە لەگەڵ ئێمەدابوون و خۆشبەختانە هیچ زیانێکی گیانی بەدواوەوە نەبوو.[4]
- قائیمقامی شارۆچکەی بەردەرەش ڕاگەیاند، 134 پێشمەرگە و سەربازی سوپای عیراق لە شارۆچکەی بەردەرەش کەرەنتینە کراون کە خەڵکی سنوری پارێزگای دهۆکدهۆکن، ماوەی سێ ڕۆژە پێشمەرگەو سەربازانی سوپای عیراق لە بازگەی کەڵەک گیریان خواربوو و ڕێگیران لێ دەکرا بگەرێنەوە بۆ ماڵەوە.[1]
- وەزیری خوێندنی باڵا و توێژینەوەی زانستی ڕایدەگەیێنێت، بەهۆی کاریگەریەکانی ڤایرۆسی کۆرۆناکۆرۆناوە، ئاماژەکان پێمان دەڵێن ناتوانین دەست بە پرۆسەی خوێندن بکەین. دەشڵێت، هەموو هەوڵێک دەدەن بۆ ئەوەی خوێندنی ئەمساڵ نەفەوتێت.[2]
- ئەو خزمانەی چوونەتە پرسەکانی کارێزان، زۆریان بەنێو کۆڵانەکان و دەرەوەی بازگەکاندا خۆیان گەیاندووەتە پرسەکان. قایمقامی هەولێرهەولێر دەڵێت، لێکۆڵینەوە لە چۆنیەتیی ڕۆیشتنی خەڵک بۆ پرسەکانی کارێزان دەکرێت و کەمتەرخەمەکان سزادەدرێن.[2]
رۆژئاوای کوردستان
- دەوڵەتی داگیرکەری تورک و گروپە چەتەکانی شەوی ڕابردوو گوندەکانی سەمۆقا و عەین دەقنەی هەرێمی شەهبایان تۆپباران کرد.[1]
- کردارە قێزەوەن و نەگریسەکانی دەوڵەتی داگیرکەری تورک و چەتە چەپەڵەکانی، لە هەرێمی عەفرینعەفرینی داگیرکراو، بەردەوامن. لەم چوارچێوەیەدا چەتەکانی دەوڵەتی داگیرکەر لە ژێر ناوی 'فیرقەی 112ی دەوڵەتی تورک لە گوندی بادینای سەر بەناوچەی ڕەجۆ هەر یەک لە مستەفا محمد ئیبیش، محمد خەلیل شەعبان و ئەحمەد عارف ئیبیشیان ڕفاند. چەتەکان هاوکات لە ژێر ناوی گروپی 'محمد فاتیح'ی سەر بە دەوڵەتی داگیرکەر لە گوندی بریمەجەی سەر بە ناوچەی مەعبەداش هەر یەک لە کامەران سبحی قاسمۆ و محمد عبدویان فراند.[1]
دەرەوەی کوردستان
- لە بەیاننامەیەکدا وەزارەتی تەندروستی عێراق ڕایگەیاند، لە ماوەی 24 کاتژمێری ڕابردوودا لە سەرانسەری عێراق بە پارێزگاکانی هەرێمی کوردستانیشەوە، پشکنینی پزیشکی بۆ 2 هەزار و 83 کەسی دیکە کراوە، لەو ژمارەیەش 83 حاڵەت پۆزەتیڤ دەرچوون.[5]