راگەیاندراوی کۆمیتەی بەڕێوەبەری پەکەکەپەکەکە لەبارەی نەورۆزەوە:
ئێمەی گەلی کورد و گەلانی هەرێمەکە لە نەورۆزێکدا دەژین. سەرباری کێشە قورسەکان و ڕێگرییە جدییەکانیش، لە هەموو گۆڕەپانەکاندا ئاگری نەورۆز هەڵدەکرێت و نەورۆز دێرینترین جەژنی ئازادی لە مێژوودا پیرۆز دەکرێت. بە ئومێدێکی زۆر و گەورەوە پێشوازی لە بەهارێکی نوێ و ساڵێکی نوێ و نەورۆز دەکرێت. نەورۆز ڕۆژی یەکێتی، بەرخودان و ئازادییە، لەلایەن گەلەکەمان و هێزە دیموکراتیکەکانەوە و بەپێی مانا مێژووییەکەی یادی دەکرێتەوە. یانی لە ساڵی نەورۆزدا تێگەیشتن بۆ نەورۆز ئەوەیە، کە لە دژی هەموو جۆرە زوڵمێک بەرخودانی ئازادی بە گیانی نەورۆز و بە شێوەیەکی زۆر بەهێزتر و سەرکەوتوانە گەشاوە دەکرێت.
لە ساڵی نەورۆزدا ئێمە بەشێوەیەکی بەهێز شەڕ دەکەین و سەردەکەوین
لەسەر ئەو بنەمایە، سەرەتا نەورۆز لە ڕێبەر ئاپۆ، لە هەموو هاوڕێیان، هێزەکانی گەریلامان، ژنان، گەلی وڵاتپارێزمان، گەلانی ڕۆژهەڵاتی ناوەڕاست و مرۆڤایەتیی دیموکراتیک پیرۆز دەکەین و دیسانەوە لە ساڵی نوێ و نەورۆزدا لە تێکۆشانی ئازادیدا سەرکەوتنیان بۆ دەخوازین. لە پێش هەموانەوە کاوەی هاوچەرخ مەزڵوم دۆغان، شەهیدانی نەورۆزمان لە کەسایەتیی هاوڕێیان زەکییە، ڕەهشان، بێریڤان، ڕۆناهی، سەما، سینان، ناڤدار و سەرحەد و هەموو شەهیدە قارەمانەکانمان، کە بە حەقی قەرارەوە دەستیپێکردووە تاوەکو گەیشتووەتە تێکۆشین ئامانۆس، یادی هەموویان بەڕێز و خۆشەویستی و خۆ بەقەرزارزانینیانەوە بەرز ڕادەگرین، بەڵێن دەدەین ئامانجەکەیان سەربخەین و لەگەڵ خەون و یادەوەرییەکانیاندا بژین. ئێمە بە بزووتنەوە و گەلەکەمانی ڕادەگەیەنین لە ساڵی نوێ و نەورۆزدا لەسەر هێڵی ڕێبەرایەتی و شەهیدان بە بەهێزترین شێوە شەڕ دەکەین و سەرکەوتنی گەورە تۆمار دەکەین.
وەک دەزانرێت لە مێژووی مرۆڤایەتیدا نەورۆز دێڕینیترین جەژنی ئازادییە. ئەو ئاگرە، کە کاوەی ئاسنگەر هەڵیکردووە، ئەوە 2632 ساڵە ڕێگای مرۆڤایەتی ڕووناک دەکاتەوە و وەک هۆشمەندی، ورە و ئیرادەی ئازادی بەهێز دەکات و ڕۆڵی مێژوویی خۆی دەگێڕێت. سەرکەوتنی مێژوویی باپیران و داپیرانی میدییە کوردەکان لە دژی زوڵمی کاوەی زوحاک ئەمڕۆ بۆ هەموو گەلان و چەوساوەکان بووەتە سەرچاوەی ئیلهام. هەر چۆن هەزاران ساڵ لەوە پێش میدییەکان هەموو چەوساوەکانیان یەکخست و زوڵمی زوحاکیان هەڵوەشاندەوە، ئەمڕۆش نەوەکانی ئەو کوردانە هەموو گەلان و چەوساوەکان یەکدەخەن و بەو بەرخودانەی ئافراندویانە، زوحاکەکانی ئەمڕۆ تێکدەشکێنن و هەموو مرۆڤایەتیی لە زوحاکەکانی ئەمڕۆ واتە، داعشداعش، قاعیدە، فاشیزمی ئاکەپە – مەهەپە ڕزگار دەکەن.
لەو چوارچێوەیەدا و لەمساڵانەی دوایدا لە نەورۆزدا ئەوە دەرکەوتووە، کە یەکێک لە بەرخودانە گەورە شۆڕشگێڕییە مێژووییەکان تۆمارکراوە و سەرفیرازیی گەورە، کە کاریگەرییان چەسپاو و هەمیشەییە بە دەستهاتوون. گورزی قورس بەر زوحاکی ئەم ڕۆژگارە لە پێش نەورۆزی 2019دا بەر داعش کەوت و بە نەورۆزی 2019دا مژدەی 'تۆمارکردنی سەرکەوتن بەسەر داعش و کۆتایهپێنانی لەسەر خاکدا' بە هەموو گەلان درا. بەرخودانی تۆڵەسەندنەوەی شۆڕشگێڕی، کە بۆ بەرزراگرتنی یادی شەهیدانی نەورۆزمان پێکهات، ئەو گورزانەی لە فاشیزمی ئاکەپە – مەهەپە دران لە هەڵبژاردنی خۆجێی و شارەوانییەکانی 31ی ئادار و 23ی حوزەیراندا بوونە گورزی چەند هێندە و قورس بۆ سەر فاشیزمی ئاکەپە – مەهەپە. ساڵی دوایی نەورۆز بووە ساڵێکی وەها، کە هۆشمەندی و عەقڵییەتی سیاسەتی فاشیست – داگیرکەر، کە قڕکردنی کوردانی داوەتەبەر خۆی، تێکچوونی گەورەی بەرکەوت و هیواکانی ئازادی لە هەموو کات زیاتر بەهێزتر بووە.
گەلەکەمان هەموو جۆرە لەمپەرەکان تێدەپەرێنێت و نەورۆز پیرۆز دەکات
بەو گەشەسەندنانەوە ئێمە پێدەنێینە ساڵی نوێ و نەورۆزەوە. ئیرادەی ئازادی، کە لە پیرۆزبایی 8ی ئادار لە کوردستان و هەر چوارلای جیهانەوە ژنان بەڕێوەیان برد، جۆش و خرۆشان و بەرخودانێکی گەورەی لە ئێستاوە داوەتە بناغەکانی پیرۆزکردنی نەورۆز. هەر چەندە دەوترێت هەوڵ دەدرێت بەهۆی شەپۆلی گەورەی بڵاوبوونەوەی پەتای ڤایرۆسی کۆرۆنا ڕێگا لەو ڕابوونە گەورەیەی ئازادی بگیرێت، گەلی وڵاتپارێزمان بە پێشەنگایەتیی ژنان و گەنجان هەموو جۆرە زەحمەتییەکیان تێکدەشکێنن و جەژنی ئازادیی نەورۆز پیرۆز دەکەن، ئیرادە و ورەی ژیانی ئازاد جارێکیتر بە ڕوونی دەخەنەوەڕوو. ئیدعای تێکشکاندنی گۆشەگیری، هەڵوەشاندنەوەی فاشیزم و بونیاتنانی دیموکراسی لە هەموو گۆڕەپانەکاندا بە شێوەیەکی ڕوون و ئاشکرا دەخاتەڕوو.
داوای پیرۆزبایکردنی نەورۆز بە بەربڵاوی دەکەین
روونە، نەورۆزی 2020 بەهۆی لەمپەری ڤایرۆسی کۆرۆناوە، یان بەهۆی نیشاندانی ئەو لەمپەرەوە دەیانەوێت ئێمە تێکۆشانی ئازادیمان بە شێوەی جەماوەری نەکەینەوە و ورەی ئازادی لە گۆڕەپانەکانی نەورۆز بە ئامادە بوونی ملیۆنەها کەس نیشان نەدرێت، بێگومان دەبێت گەلەکەمان و دۆستانمان لە چوارپارچەی کوردستان و دەرەوەی وڵات لەو گەردەولەی هەڕەشە لە هەموو مرۆڤایەتی دەکات هۆشیار بن و بەو شێوەیە بجوڵێنەوە، کە تەندروستیی خۆتان بپارێزن. مرۆڤ ناتوانێت دۆخێکی لەو شێوەیە و گەردەولولێکی لەو شێوە بە سوکی سەیر بکات، بەڵام دیسانەوە ئەوەش دەکرێت، کە مرۆڤ دەتوانێت بەرەنگاری ڕێگری و لەمپەرەکان ببێتەوە و بە شێوەیەکی گونجاو نەورۆز پیرۆز بکات. هەر خۆی ئەوە دەکرێت، کە نەورۆز لە بریی کۆبوونەوە لە گۆڕەپانەکان لە بەردەم هەر ماڵێکدا، لە هەر کۆڵان و گەڕەکێکدا، لە هەر گوند و هەر چیایەکدا بکرێتەوە و نەورۆز پیرۆز بکرێت و بەشێوەیەکی بەربڵاو پیرۆزبایی نەورۆز بەڕێوە بچن و بەو شێویە هەر نەزورۆز بە شێوەی جەماوەری بەڕێوەدەچێت. بەو شێوەیە لەمپەری ڤایرۆسی کۆرۆنا، کە مۆدێڕنیتەی کاپیتالیست، کە قۆناعی شێرپەنجەی سیستم و دەسەڵات و دەوڵەتە، بەشێوەیەکی سەرکەوتوانە تێدەپەرێنرێت. لەو چوارچێوەیەدا ئێمە سەرەتا بڕوامان بە ژنان و گەنجان و گەلە وڵاتپارێزەکەمان هەیە، کە ئیرادە و ورەی سەرکەوتنی گەورە بخەنەڕوو، بەو بڕوایەوە ئەو دۆخە دەکەنە مانادارترین پیرۆزبایی نەورۆز و لەو چوارچێوەیەدا داوای پیرۆزکردنی نەورۆز بە بەربڵاوی دەکەین.
زۆر ئاشکرایە هێرشە فاشیستییە – قڕکەرەکان لە کاتی بومەلەرزەکان، هەرەس، ڕۆچوونەکان و گەردەلوی وەک ڤایرۆسی کۆرۆنا کەمیان نەکردووە و تەنگاو نەبوون. لە پێشی پێشەوەش بەڕێوەبەریی فاشیست – قڕکەری ئاکەپە – مەهەپە لەو ڕووداوانە سوودی وەرگرتووە و هێرش و کۆمەڵکوژییەکانی خۆی قورستر و چڕتر کردووەتەوە. ئەگەر ئێمە سەرنج بدەین، سیستمی ئەشکەنجە و گۆشەگیریی ئیمراڵی هێشتا زۆر زیاتر قورستر و چڕتر دەکرێت. داوای پارێزەران و بنەماڵەکان بۆ ئەوەی دوا دۆخی ئیمراڵی تێبگەن، ڕەتدەکرێنەوە. زۆرێک لە دەوڵەتەکان بەهۆی ڤایرۆسی کۆرۆناوە زیندانەکانیان چۆڵکردووە، بەڵام فاشیزمی ئاکەپە – مەهەپە ئەو زیندانانەی کە پڕیکردوون لە زیندانی، یەک زیندانیشی ئازاد نەکردووە. گوشاری فاشیست و تیرۆر هیچ خۆی کەمنەکردووەتەوە، هێرشە قڕکەرە داگیرکەرانەکان لەسەر بەشەکانی ڕۆژئاوا و باشووری کوردستان بەردەوامییان هەیە. جاریکیتر بەشێوەیەکی بەرچاو ئەوە دەرکەوتەوە، کە تاوەکو بە بەرخودانی شۆڕشگێڕی هۆشمەندی و سیاسەتی فاشیستی – قڕکەر تێکنەشکێنرێت و فاشیزمی ئاکەپە – مەهەپە هەڵنەوەشێنرێتەوە، نە تورکیا دیموکراتیک دەبێت و نەک کوردستانیش ئازاد دەبێت.
فاشیزمی ئاکەپە – مەهەپە هەڵدەوەشێنرێت و گۆشەگیریی ئیمراڵی تێکدەشکێنرێت
نەورۆز لەسەر ئەو بنەمایە دەبێتە سەرەتای هەڵمەتی بەرخودانی مێژوویی. گەلە وڵاتپارێزەکەمان و هەموو هێزە شۆڕشگێڕ – دیموکراتیکەکان، هەموو جۆرە لەمپەرێک تێدەپەڕێنن و نەورۆز بەپێی مانا مێژووییەکەی پیرۆز دەکەن و لە دژی فاشیزمی ئاکەپە – مەهەپە هەڵمەتی تێکشاندنی گۆشەگیری، هەڵوەشاندنەوەی فاشیزم لە هەموو گۆڕەپانەکانی بونیاتنانی دیموکراسی بەدیدەهێنن. بەرخودانێکی لەو شێوەیە بە گیانی بەرخودانی 8ی ئادار و نەورۆز، بە گیانی قارەمانیی نەتەوەیی، بە گیانی مەزڵوم دۆغان و عەگید بەڕێوەبچێت، بە دڵنیاییەوە سەردەکەوێت. لە ئەنجامی ئەوەدا فاشیزمی ئاکەپە – مەهەپە هەڵدەوەشێنرێت و گۆشەگیریی ئیمراڵی تێکدەشکێنرێت و هەلومەرجی ژیان و خەباتی ئازاد بۆ ڕێبەر عەبدوڵڵا ئۆجەلانعەبدوڵڵا ئۆجەلان دەڕەخسێنێت. ئەوەش کوردستان ئازاد دەکات، تورکیا و ڕۆژهەڵاتی ناوەڕاست دیموکراتیک دەکات.
لەسەر ئەو بنەمایە ئەو کەسانەی بە گیانی نەورۆزەوە دەژین و کەفارەتی بۆ دەدەن جارێکیتر پیرۆزباییان لێدەکەین. ئێمە داوا لە گەلەکەمان دەکەین لە چوارپارچەی کوردستان و لە درەوەی وڵات بە گیانی نەورۆز یەکێتی و ڕێکخستنی نەتەوەییان بەهێز بکەن و بەرخودانی ئازادی گەش بکەن، ئیمە داوا لە گەلانی تورکیا و هێزە شۆڕشگێڕ - دیموکراتیکەکان دەکەین لە دژی گۆشەگیری و فاشیزم دیموکراسی سەربخەن، تێکۆشانی شۆڕشگێڕی یەکگرتووانە گەش بکەن، داوا لە هەموو گەلانی ڕۆژهەڵاتی ناوەڕاست و هەموو چەوساوەکان دەکەین لە دژی سیستمی مۆدێڕنیتەی کاپیتالیست، کە گەردەولول و کارەساتیی گەورەی وەک ڤایرۆسی کۆرۆنا بەرهەم دەهێنێت، تێکۆشانی ئازادی و دیموکراسی پێکەوە زیاتر گەشتر بکەن!.[1]
20-03-202020-03-2020