لە نامەی ئەو 20 ڕێکخراوەدا داوا لە بەرپرسانی کۆماری ئیسلامیی ئێران کراوە، کە بەهۆی تووشبوونی ژمارەیەکی زۆر بە کۆرۆنا و گیان لەدەستدانی ژمارەیەکی زۆریش لە تووشبوان، بە خێرایی ژنە زیندانییە سیاسییەکان ئازاد بکات.
ئەو نامە واژۆی ڕێکخراوەکانی وەک، دامەزراوەی عەبدولڕەحمان برومەند، ناوەندی داکۆکی لە مافەکانی مرۆڤ، ناوەندی مافەکانی مرۆڤ لە ئێران و فیدراسیۆنی نێونەتەوەیی کۆمەڵەکانی مافی مرۆڤی لەسەرە.
لە نامەکەدا ئاماژە بە ڕاپۆرتی مانگی شوباتی ڕێکخراوی نەتەوە یەکگرتووەکان لەبارەی پاک و خاوێن نەبوونی زیندانەکان لە ئێران و ژمارەیەک زیندانیی زۆر زیاتر لە قەبارەی زیندانەکان، کە لە ناو زیندانەکاندا ڕاگیراون کراوە، ئەوەش دۆخێکی درووستکردووە، کە دەبێتە هۆی خێرا بڵاوبوونەوەی نەخۆشییە درمییەکان و ئێستاش لە سەرەتای مانگی ئادارەوە کۆرۆناش بە لیستی ئەو نەخۆشییانە زیادبووە، کە لەو دۆخەدا بە خێرایی بڵاودەبێتەوە.
باسیش لە دۆخی نەشیاو و ناتەندرووستی ئەو زیندانانە کراوە، کە ژنانی تیادا زیندانیکراوە و ئەوەش خراوەتەڕوو، ژمارەیەکی زۆر زیندانی و چەندهێندە زیاتر لە قەبارەی زیندانەکان لە زیندانەکاندا ڕاگیراون. ئەوەش بە جۆرێکە کە لە هەر ژوورێکدا 18 ژنی زیندانیکراو ڕاگیراون و ئەوانیش ناچارن هەموو کارەکانی وەک خواردن، خەوتن و دانیشتن لەو ژوورەدا بە مەودایەکی کەم لە یەکتر ئەنجام بدەن.
ئاماژە بەوەشکراوە، ژنانی زیندانیکراو پێداویستیی پاککەرەوە و تەندرووستییان لەبەردەستدا نییە و بەرپرسانی زیندانەکاانیش خۆیان دەدزنەوە لە پێدانی ئەو پێداویستییانە، بۆیە ئەوەش کارێکی هاوشێوەی ئەشکەنجەدانی زیندانیانە و لەبەر ئەوەش بەشێک لە زیندانییەکان بۆ ناڕەزایەتی دەربڕین لە دژی ئەو دۆخە دەستیان بە مانگرتن کردووە.
بەرپرسانی کۆماری ئیسلامیی ئێران ڕایانگەیاندووە، دەیان هەزار زیندانی لێبوردنیان بۆ دەرکراوە، یان مۆڵەتی چوونە دەرەوە لە زیندانیان پێدراوە، بەڵام ئەو ئامارە بۆ ئامادەکارانی نامەکە پشتڕاست نەبووەتەوە و هاوکات ئەو یاسا و لێبوردنەش سەدان زیندانیی سیاسیی لێ بێبەشکراوە و ئەوەش نیگەرانیی لێکەوتوەتەوە، چونکە بەپێی ئامارە بڵاوکراوەکان، تاوەکو ئێستا بەلانی کەمەوە 10 زیندانی لە زیندانەکانی ئێراندا بەهۆی نەخۆشیی کۆرۆناوە گیانیان لە دەستداوە.
لە نامەکەدا ئەوەش هاتووە ئەوە بەشێکە لە سیاسەتی زیاتر ئەشکەنجەدانی زیندانیانی سیاسی لە ڕێگەی ڕاگرتنیان لە دۆخێکی مەترسیداردا.
ئەوەش خراوەتەڕوو بۆیە داوا لە دەوڵەتەکان، ڕێکخراوە مەدەنییەکان، ڕۆژنامەنووسان، ڕێکخراوی نەتەوە یەکگرتووەکان و ڕێکخراوە نێونەتەوەییەکان دەکەین گوشارەکانیان لەسەر بەرپرسان ئێران زیاد بکەن و داوای خێرا ئازادکردنی زیندانییە ناسراوەکان بکەن، کە لە کۆتایی ئەم نامەیەدا ناوەکانیان بڵاوکراوەتەوە، هەروەها داوای ئازادکردنی زیندانییە سیاسییەکانی تریش لە پێناو پاراستنی ژیانیاندا بکەن.
لە نامەکەدا ناوی چەندین زیندانیی سیاسیی ژن هاتووە، کە لە بواری مافەکانی مرۆڤ، پارێزەری، نووسەری، هونەرمەندی و ژینگەپارێزیدا کاریان کردووە و بەشێکیان قورسترین و درێژخایەنترین سزایان لە مێژووی سزاکانی ئێراندا بەسەردا سەپێنراوە و ناوی ئەو زیندانیانەشی تیادایە، کە هاوکات ناسنامەی دوو وڵاتیان هەیە.
#زەینەب جەلالیان#، نەسرین ستودە، نەرگس محەمەدی، نیلوفەر بەیانی، سپیدە کاشانی، ئاتنا دائمی، فەریبا عادلخاە و گولڕوخ ئێرانی لە ناو ئەو 50 زیندانییە ژنە سیاسییەدان، کە لەم نامەیەدا ناوەکانیان بڵاوکراوەتەوە.
ناوی ژنە زیندانییە سیاسیەکان لە نامەکەدا:
زیندانی ئێوین:
1 – نەسرین ستودە
2 – فەریبا عادلخاە
3 – کەیلی مۆر گێلبێرت
4 – موژگان کەشاوەرز
5 – سەبا کورد ئەفشاری
6 – ڕاحلە ئەحمەدی
7 – یاسمەن ئاریانی
8 – مونیرە عەرەبشاهی
9 – ئاتنا دائمی
10 – نیلوفەر بەیانی
11 – سپیدە کاشانی
12 – مریەم ئەکبری مونفەرد
13 – سامانە نەورۆز مورادی
14 – نگین قەدەمیان
15 – زەهرا زەهتابچی
16 – ڕزوانە خانە بەیگی
17 – ئیلهام بەرمەکی
18 – مەریم حاج حسێنی
19 – مریەم ئیبراهیم وەند
زیندانیانی زیندانەکانی تر:
20 – گلوڕوخ ئێرانی ئیبراهیمی (زیندانی قەرچەک)
21 – لەیلا میر غەفاری (زیندانی قەرچەک)
21 – ڕەها ئەحمەدی (زیندانی قەرچەک)
23 – زوهرە سەرو (زیندانی قەرچەک)
24 – فاتمە خیشوەند (زیندانی قەرچەک)
25 – نەرگس مەحەمەدی – زیندانی زەنجان
26 – زەینەب جەلالیان – زیندانی خۆی
27 – فاتمە سپێهری – زیندانی وەکیل ئابادی مەشهەد
28 – فاتمە دادوەند – زیندانی #بۆکان#
29 – موژگان سیامی – زیندانی ناوەندیی ئەردەبیل
30 – فاتمە ئەسما ئیسماعیل زادە
31 – ئەنیس سەعادەت
32 – ژاکا ئیساعیل پور
33 – شەیدا نەجەفیان
34 – سەمیرا هادیان
35 – هاجر ئەردەسی
36 – حەکیمە ئەحمەدی
37 – فاتمە کوهەن زادە
38 – زەری توەکولی
39 – گتیا حوڕ
40 – مریەم موختاری
41 – ساغر محەمەدی
42 – موژگان ئەسکەندەری
43 – ناهید بەهشید
44 – سیمین محەمەدی
45 – ئێحترام شێخی
46 – شەیدا عابدی
47 – مەعسومە قاسم زادە مەلەکشا
48 – یەلدا فیروزیان
49 – فەریدە جابری
50 – مەعسومە عەسکەری[1]
#26-04-2020#