48 حیزب و ڕێکخراوەی کوردستانی لە ئوروپا ڕاگەیاندراوێکی هاوبەشیان بڵاوکردەوە و دەستبەسەرداگرتنی 5 شارەوانیی تری #هەدەپە#یان ئیدانەکرد.
لە ڕاگەیاندراوە هاوبەشەکەی ئەو 48 حیزب و ڕێکخراوە کوردستانییەدا هاتووە دەوڵەتی تورکی فاشیست – داگیرکەر و چەوسێنەر، کە دوژمنی کوردانە هێرشە سەربازییەکانی لە چوار پارچەی کوردستان بەردەوامن. بۆمب بەسەر باکوور، باشوور، ڕۆژئاوادا دەبارێنێت و هەموو ڕۆژێک ژنان و منداڵان و بە تەمەنەکان و هاووڵاتییانمان دەکوژێت و سروشتی کوردستان کاول و تاڵان دەکات.
ئەو 48 حیزب و ڕێکخراوە کوردستانییە سەرنجیان خستەسەر زۆربوونی کردەوە فاشیستییەکان لە کاتی بڵاوبوونەوەی پەتای کۆرۆنادا و ڕایانگەیاند، ڕژێمی تورکی فاشیست بەو هێرشانە و بەو هەڵسوکەوت و نزیکبوونەوانە تورکیای کردووەتە زیندان و کوردستانی کردووەتە دۆزەخ.
لە ڕاگەیاندراوە هاوبەشەکەدا باسی ئەوەکراوە، گەلی کورد لە هەڵبژاردنی شارەوانییەکان لە 31ی ئاداری 2019دا جارێکیتر وانەی پێویستی بە دەوڵەتی تورکی فاشیست دادایەوە و ئەوەشیان ڕاگەیاند سەرباری هەڕەشەکانی ئەردۆغان کە دەیوێت 'ئێمە قەیوم دادەنێین' و گوشار و زۆرداری و ملهوڕیی لەگەلەکەمان دەکرد، بەڵام گەلەکەمان 64 شارەوانیی بەدەستهێنا. بەڵام دەوڵەتی تورک بە ماوەیەکی کورت دوای هەڵبژاردن جارێکیتر دەستیگرتەوە بەسەر شارەوانییەکانی هەدەپەدا لە کوردستان. یەک بە یەک هەڵیکوتایەسەریان و هاوسەرۆک شارەوانییەکان و بەڕێوەبەرە هەڵبژێردراوەکانی دەستگیر و زیندانیکرد، زۆربەی ئەو شارەوانییانەی لە هەڵبژاردنی 31ی ئاداردا گەل و هەدەپە تیادا سەرکەوتوبوون و بەدەستیانهێنابوو دەستیان بەسەردا گیراوە. چەتەکانی ئاکەپە / مەهەپە کە پێشەنگایەتی بۆ دەوڵەتی تورکی فاشیست و داگیرکەر دەکەن، لە دوایین دەستبەسەرداگرتنیاندا بە زۆر دەستیان بەسەر شارەوانییەکانی هەدەپەی سێرت، مسرج، هاوێل و ڤارتین دا گرت.
لە ڕاگەیاندراوەکەدا ئەوەش هاتووە، ئەو هاوسەرۆک شارەوانییانە دەستگیر و زیندانیکراونە قەیوم لە شوێنەکانیناندا دانراون.
ئاماژە بەوەشکراوە #وەزارەتی ناوخۆ#ی تورکی فاشیست لە کاتی پەتای کۆرۆنادا بە بەردەوامی قەیوم بەسەر شارەوانییەکاندا دادەسەپێنێت... ژمارەی ئەو شارەوانیانەی گەلەکەمان کە لە ماوەی ساڵێکدا قەیومان بەسەردا داسەپێنراوە گەیشتە 53 شارەوانی. لە 65 شارەوانی تەنها 12 شارەوانی ماون، کە دەستیان بەسەردا نەگیراوە.
'تاکە شارەوانیی هەدەپە کە قەیومی بەسەردا دانەسەپێنراوە شارەوانیی قەرەسە'
ئەو شارەوانییانەی کە لە دەستی گەلەکەماندا ماون بریتین لە: لە پارێزگای سەمسور شارەوانیی کۆمور، لە ئاگری شارەوانییەکانی بازید و گیادن، لە #ئامەد# شارەوانییەکانی چنار و پیران، لە خارپێت شارەوانیی ساریجان، لە ئەرزۆم شاروانیی قەرەچۆبان، هەروەها شارەوانییەکانی قەرس، شڕنەخ، سلۆپی و بالڤەرەن. تاکە شارەوانیی هەدەپە کە قەیومی بەسەردا دانەسەپێنراوە شارەوانیی قەرسە.
لە ڕاگەیاندراوەکەدا بێدەنگیی حیزبە ئۆپۆزسیۆنەکان بەبیرهێنراوەتەوە و تیایدا هاتووە تاکە شتێک کە هێرشی دوژمن تێکدەشکێنێت، بێگومان بەرخودان و پێداگریی گەلەکەمانە. بۆیە گەلی تورک و گەلانی تر کە داوای دیموکراسی دەکەن دەبێت لە دژی ڕژێمی فاشیستی داگیرکەر، کە هێرش دەکاتە سەر کوردستان، پشتیوانی لە لەگەلەکەمان بکەن، هاوپەیمانی دروست بکەن، لە دژی دەستبەسەرداگرتنی ئیرادەی گەلەکەمان دەنگی خۆیان بەرزبکەنەوە و بەرەنگاری بکەن.
دیکتاتۆریی ئاکەپە / مەهەپە بە عەقڵییەتی فاشیست و تاڵانکەریان، ڕژێمێکی کودەتان. کودەتاکەری دژ بە دیموکراسین، بە تایبەتی دوژمنی ئیرادەی گەلەکەمانن لە هەموو پارچەکانی کوردستاندا. ئەو تایبەتمەندییەی دەوڵەتی تورک بە بڕیاری ئەمدواییەی 'لێبوردنی باخچەلی' باشتر خۆی دەرخست. ڕژێمێک کە بەرپرسەکانی گروپە مافیاییەکان و تاوانبارانی ئاسایی لە زیندانەکان ئازاد کرد، زیندانییە سیاسییەکان، کە زۆربەیان کوردن لە ناو بەرداشی زوڵم و پەتادا ڕاگرتووە.
ئەو حیزب و ڕێکخراوە کوردستانیانە ڕایانگەیاند، دەوڵەتی تورک با باش بزانێت، کە سیاسەتی توندوتیژی و گوشار لە باکووری کوردستان ناتوانێت ئەنجامی هەبێت و باسی ئەوەیانکردووە بەڵام بۆ ئەوەی ڕووخانی خۆیان ڕابوەستێنن و دەسەڵاتی خۆیان بەردەوامی پێ بدەن پێداگری لەسەر توندوتیژیی فاشیستانە و سیاسەتی هێرشکارانە دەکەن. هەرگیز ناتوانن بە هێرشە فاشیستییەکانیان، بە دەستگیرکردن و زیندانیکردنەکانیان ئیرادەی گەلی کورد بشکێنن، گەلەکەمان هێرشەکانی دەوڵەتی فاشیستی داگیرکەر بۆ سەر هەموو پارچەکانی کوردستان تێکدەشکێنێت و داگیرکەریی کۆماری تورکیای فاشیست زوو، یان درەنگ لە ناو دەبەن.
لە ڕاگەیاندراوەکەدا ئەوەش خراوەتەڕوو، هێرشەکانی دەوڵەتی تورک نەک تەنها بۆ سەر باکوور و ڕۆژئاوان، بەڵکو لە مێژە هێرش دەکاتە سەر باشوور، لە باشوور هێرشی ئاسمانی و ئۆپراسۆن ئەنجام دەدات. هەوڵ دەدات باشووری کوردستان لە ڕووی ئابووری، سیاسی و دیپلۆماتیکەوە تەنگاو بکات. لەوێ چەندین بنکەی سەربازیی بۆ خۆی دروستکردووە. ئێستاش هەوڵ دەدات کوردان لە باشووری کوردستان بکات بە گژی یەکتردا. بە تایبەتی دەیەوێت لە زینی وەرتێ پلانی 'براکوژی' جێبەجێ بکات.
ئێمە داوا لە گەلەکەمان لە باشوور و هەموو حیزب و ڕێکخراوە کوردستانییەکان دەکەین، کە ئەو پلانەی دەوڵەتی تورکی فاشیست پێکەوە تێکبشکێنین. ڕۆژی ڕۆژی یەکێتییە. ئێمە با پێکەوە لە هەر چوارپارچە پشتیوانیی نەتەوەیی و یەکێتیی نەتەوەیی بونیات بنێین. ئێمە بەرژەوەندیی سەرەکی و بنەڕەتیی گەلەکەمان ناکەین بە قوربانیی بەرژەوەندی و حساباتی بچوک. ڕۆژی ئەو ڕۆژەیە، کە ئێمە بەرژەوەندییە نەتەوەییەکانمان بخەینە سەروو هەموو شتێکی ترەوە. تەنها بەو هەڵوێست و شێوەیە لە تێکۆشان لە هەر چوارپارچەی دەتوانین سەربکەوین.
ناوی ئەو حیزب و ڕێکخراوە کوردستانیانە کە ڕاگەیاندراوەکەیان واژۆکردووە
ناوی ئەو حیزب و ڕێکخراوە کوردستانیانە کە ڕاگەیاندراوەکەیان واژۆکردووە بریتین لە:
#یەکێتیی نیشتمانیی کوردستان# (یەنەکە)
#بزووتنەوەی گۆڕان#
کۆنگرەی کۆمەڵگەی دیموکراتیکی کوردستانیان لە ئەوروپا (کەجەدەکە ئەوروپا)
بزووتنەوەی ژنانی کوردستان لە ئەوروپا (تەژەکە ئەوروپا)
حیزبی شیوعی لە باشووری کوردستان
حیزبی زەحمەتکێشان لە باشووری کوردستان
پارتی ئازادی و دیموکراسیی ئێزیدیان (پادێ)
بزووتنەوەی ئازادی
پارتی یەکێتیی دیموکراتیک (پەیەدە)
پارتی دیموکراتی کورد لە سوریا (پەدەکەسە)
پارتی چەپی کورد لە سوریا
بزووتنەوەی نۆژەنی کوردستانی – سوریا
پارتی چەپی دیموکراتی کورد لە سوریا (پەچەدەکەسە)
پارتی دیموکراتی کورد لە سوریا (ئەل پارتی)
پارتی چەپی دیموکرات لە سوریا
پارتی ڕێککەوتنی کورد لە سوریا
پارتی چاکسازیی کورد لە سوریا
پارتی کەسکی کوردستان لە سوریا
#پارتی دیموکراتی کوردستان#ی سوریا
پارتی کۆمۆنیستی کوردستان لە سوریا
پارتی ئیسلامیی کوردستان (پیک)
پارتی کۆمۆنیستی کوردستان (کەکەپە)
بزووتنەوەی کاوە
پارتی ژیانی ئازادی کوردستان (پەژاک)
یەکێتیی شۆڕشگێڕی کوردستان
کۆمەڵگەی دیموکراتیک و ئازادی ڕۆژهەڵاتی کوردستان (کۆدار)
کۆمەڵگەی ژنانی ڕۆژهەڵاتی کوردستان (کەژار)
پلاتفۆرمی هۆرام
پلاتفۆرمی زاگرۆس
پلاتفۆرمی یارسان
یاری کورد
بزووتنەوەی هونەر و ڕۆشنبیریی کورد (تەڤ چاند)
کۆمەڵگەی کوردی شتوتگارت ئی.ڤی
فیدراسیۆنی عەلەوییەکانی کوردستان (فەدا)
فیدراسیۆنی کۆمەڵە ئیزدییەکان (ناڤ یەک)
ناوەندی کوردی لە بەرلین
کۆمەڵگەی ئیسلامیی کوردستان (جیک)
ئەنیستیتوی کوردی – ئەڵمانیا
ئەنیستیتوی کوردی – بروکسل
ئەنجوومەنی شەنگال لە دەرەوەی وڵات (مەشەدە)
یەکێتیی مامۆستایانی کوردستان (یەمەکە)
یەکێتیی ئێزدییانی سوریا (یەئەسە)
ناوەندی کوردیی براندبورگ – بەرلین
چەتری ئەنجومەنەکانی ژنانی ئێزدی
ئەنجومەنی ئەڵمانی – کوردی ئی. ڤی لە درسدن
کۆنگرەی گەلی میزۆپۆتامیا
پارتی ئازادیی میزۆپۆتامیا
کۆمەڵەی مافی مرۆڤی کوردستان[1]
#19-05-2020#