دەسەڵاتدارانی هەرێمی باشوری کوردستان بەهۆی سیاسەتی نادیموکراتی وابەستەیی و ناکۆکی و گەندەڵی گەلی باشوری کوردستانی ڕووبەڕووی چەندین کێشەو قەیرانکردۆتەوە، نادادی ئابووریی و کێشە کۆمەڵایەتییەکان و سەرکوتی سیاسی و ئازادییە گشتییەکان بووەتە ناسنامەی ئەو سیستەم و دەسەڵاتداریەی هەرێمی کوردستان کە 29 ساڵە کەللەڕەقانە درێژەی هەیە و ئامادە نیە گوێ بۆداخوازییەکانی گەل بگرێت و کێشەکان لەناوخۆدا چارەسەربکات، لەکاتێکدا باشوری کوردستان لەدۆخێکی واپڕلەکێشەدا ژیان دەکات داگیرکەرانی کوردستان بەتایبەت دەوڵەتی تورکی فاشیست بەسود وەرگرتن لەناکۆکی و سیاسەتی نانەتەوەیی و نادیموکراتیانەی حزبە دەستڕۆیشتووەکان باشوری کوردستانی بەتەواوی بۆ واڵاکراوە و شکۆوسەروەری خاک و گەلی باشوری کوردستان کراوەتە قوربانی بەرژەوەندی ئابووری و حیزبی کۆمەڵێک بازرگانی سیاسی.
لە 26/ ئایاردا فڕۆکەی تورکی داگیرکەر لەسنوری سلێمانیسلێمانی لەگوندی سەفرەی سەر بەشارۆچکەی ماوەت بەدووری سەدان کیلۆمەتر لەسنوری تورکیا بەهاوکاری تۆڕی سیخوڕیی ناوخۆیی بەکرێگیراو سێ هاوڵاتی سڤیل و دوو گەریلای یەکینەکانی ڕۆژهەڵاتی کوردستان-یەرەکە شەهید بوون.
لە 30ی ئایاریشدا بەهەمانشێوە لەهەرێمی بادینان لە شارەدێی دێرەلوک سەربەقەزای ئامێدیئامێدی کوڕو باوکێک بەهێرشی فڕۆکەی داگیرکەری تورک شەهید کران ئەوە لەکاتێکدایە دەسەڵاتدارانی هەرێم لەسلێمانی و هەولێرهەولێر بەیەک وشەش ئەو هێرش و شکاندنی سەروەری خاک و کۆمەڵکوژییەی هاوڵاتیانیان ئیدانە نەکردووە ئەوەش مانای ئەوەیە ئەوهێرشانە بەهاوکاری ڕاستەوخۆ و ناڕاستەوخۆی ئەو هێزە دەسەڵاتدارانەیە کە کۆمەڵگەی باشوری کوردستانیان خستووەتە بەردەم قەیرانی کوشندە و چەقۆی داگیرکاریی.
ئێمە لەکاتێکدا ئەو هێرشانە ڕیسواو شەرمەزاردەکەین هاوخەمی وسەرەخۆشی خۆمان بۆخانەوادەی ئەو شەهیدانە و گەلی وڵاتپارێزی کوردستان ڕادەگەیەنین و بەڵێن دەدەین بەردەوام دەبین لەسەر ڕێبازی شەهیدان و بەدیهێنانی ئامانجەکانیان.
جارێکی دیکە بەتوندی ئەو بێ هەڵوێستی و بێدەنگیەی حکومەتی هەرێم و حکومەتی ناوەند لەبەغداد شەرمەزاردەکەین و بەرپسیاریان دەبینین لەبەرامبەر پاراستنی ژیان و ئاسایشی خەڵک.
داوا لەگەلەکەمان دەکەین پێویستە خاوەن هەڵوێست بین بۆ ڕووبەڕووبوونەوەی داگیرکاری و هەموو ئەوانەی ڕێ خۆش دەکەن بۆ داگیرکاریی و بڵاوبوونەوەی تۆڕی سیخوڕی داگیرکەران.
نەمری و سەربەرزی بۆ شەهیدانی ڕێگای ئازادی کوردستان
ڕوورەشی و نەمان بۆداگیرکاری و خیانەتکاران
تەڤگەری ئازادیی کۆمەڵگەی کوردستان
دەستەی بەڕێوەبەرایەتی
31-05-202031-05-2020