سەبارەت بە نەخۆشی ڤایرۆسی کۆڕۆنای نوێ COVID-19 لە هەرێمی کوردستان، ڕێکارەکان بەردەوامن بەم شێوەیە:
1. کەرەنتین:
تاوەکو ئەوڕۆ (12297) هاووڵاتی ئەوانەی کە لە دەرەوەی ووڵات گەڕانەتەوە وە ئەوانەی کە بەرکەوتەی نەخۆشە چەسپێنراوەکان کەڕەنتین کراون، لەئێستادا تەنها (938) هاووڵاتی لە (33) شوێنی جیاوازی کەرەنتین ماونەتەوە؛ (181) لە #هەولێر#، (61) لە #سلێمانی#، (696) لە #دهۆک#. وە (11359) هاووڵاتی لە کەرەنتین دەرچوونە و گەڕانەوەتە ناو خانەوادەکانیان دوای تەواو کردنی ماوەی 14 ڕۆژ وە ئەنجامدانی پشکنینی تاقیگەیی بۆیان وپشتراستکردنەوەی ئەوەی کە هەڵگری ئەو نەخۆشیە نین، لەگەڵ کەڕەنتین کردنی ژمارەیەکی تری هاووڵاتییان لە 24 کاتژمێری ڕابردوودا کە کۆی گشتی (64) هاووڵاتی بوو.
2. پشکنین:
لەماوەی 24 کاتژمێری ڕابردوودا؛ (1496) پشکنین ئەنجام دراوە لەسەر ئاستی هەرێمی کوردستان؛ (608) هەولێر، (534) سلێمانی، (342) دهۆک، (1) #هەڵەبجە#، (6) #گەرمیان#، (1) ڕاپەڕین، (4) #سۆران#.
3. دەرەنجامی 24 کاتژمێری ڕابردوو:
(104) تووشبووی نوێ تۆمار کرا بەم شێوەیەی خوارەوە:
• پارێزگای هەولێر (6) پۆزەتیڤ:
(3) پیاو تەمەنیان (50)، (22)، (21) ساڵ کچێکی تەمەن (18) ساڵ، (2) منداڵ تەمەن (13)، (9) ساڵ، یەکیان نیشانەی نەخۆشیەکەی هەبووە و پشکنینی بۆ کراوە و پۆزەتیڤ دەرچووە، ئەوانی تر بەرکەوتەی تووشبوێکی پێشوون، پێنجیان دانیشتووی گەڕەکی ئەندازیارانن و یەکیان دانیشتووێ گروپی ئەندازیارانی شاری هەولێرە.
• پارێزگای سلێمانی (46) پۆزەتیڤ:
شاری سلێمانی (39) پۆزەتیڤ: (24) پیاو، (11) ئافرەت، (4) منداڵ تەمەنیان، یازدە لەوانە بەرکەوتەی تووشبووانی پێشوون، بیست و چوار نیشانەی نەخۆشیەکەیان هەبووە و پشکنینیان بۆ کراوە و پۆزەتیڤ دەرچووە، یەک دانیشتووی پیرەمەگروون، یەک دانیشتووی عەربەت، دوو دانیشتووی شارۆچکەی #چەمچەماڵ#، یەک دانیشتووی قەزای #کەلار#، یەک دانیشتووی قەزای پێنجوین، یەک دانیشتووی پارێزگای ئەنبار، ئەوانی تر دانیشتووی ناو شاری سلێمانین، چوار لەوانە گیانیان سپاردووە.
ئیدارەی گەرمیان (6) پۆزەتیڤ:
(3) ئافرەت تەمەنیان (38)، (28)، (20) ساڵ و (2) پیاو تەمەنیان (64)، (23) ساڵ، منداڵێک تەمەن (9) ساڵ، هەموویان بەرکەوتووی تووشبوانی پێشوون، چوار تووشبوو دانیشتووی قەزای #کفری#، دوو تووشبوو دانیشتووی قەزای کەلار.
ئیدارەی ڕاپەڕین (1) پۆزەتیڤ: پیاوێکی تەمەن (41) ساڵ، نیشانەی نەخۆشیەکەی هەبووە و پشکنینی بۆ کراوە و پۆزەتیڤ دەرچووە، دانیشتووی گەڕەکی نەورۆزە لە قەزای ڕانیە.
• پارێزگای دهۆک (52) پۆزەتیڤ:
(20) پیاو و (23) ئافرەت و (9) منداڵ، هەموویان بەرکەوتووی تووشبوێکی پێشوون لە بەشداربوونیان لە داوەتێکی نان خواردن و دانیشتووی ناو شاری دهۆکن.
(کۆی گشتی ئەو پشکنینانەی کە ئەنجام دراوە لە سەرەتای سەرهەڵدانی ڤایرۆسی کۆڕۆنا (79367) پشکنین بووە)
4. ئاماری گشتی:
کۆی گشتی تووشبووان بە ڤایرۆسی کۆڕۆنای نوێ COVID-19 لە هەرێمی کوردستان (849) تووشبوو، لەنێویاندا (14) مردن هەیە و (434) نەخۆش چاکبووەتەوە، وە ئێستا (401) نەخۆش لەژێر چاودێری پزیشکی دان، بۆ زانیاری زیاتر سەردانی داشبۆردی حکومەتی هەرێمی کوردستان بکەن لەم لینکە (https://gov.krd/coronavirus/dashboard/).
وێڕای دەستخۆشی بۆ پزیشکان و کارمەندانی تەندروستی و هەموو تیمەکانی پزیشکی کە لە ئەرکدان، جارێکی داوا دەکەین هاووڵاتیان پابەندبن بە ڕێنماییەکانی تەندروستی و دورکەوتنەوە لە شوێنی قەڵەبالغ و دانانی ماسک و دەستکێش، وە لەکاتی پێویستدا پەیوەندی بکەن بە هێڵی گەرمی ژمارە (122).
وەزارەتی تەندروستی
حکومەتی هەرێمی کوردستان
#03-06-2020#