عەگید کاباییل، بۆکسێنەری کوردی باکووری کوردستان لە پاڵەوانێتی ئەڵمانیا شکستی بە بۆکسێنەرێکی یۆنانی هێنا.
پاڵەوان کوردەکەی شاری دێرسیمی باکووری کوردستان، تەمەنی 28 ساڵە و لە ئەڵمانیا دەژی، شەوی ڕابردوو لە یارییەکی بەهێزدا بەرامبەر بە ئێڤجینیۆس لازاریدیسی یۆنانی یاریکرد و یارییەکەشی لێبردەوە، بەو بردنەوەیەش بووە پاڵەوانی جیهان لە پاڵەوانێتیی WBA.
یارییەکە لەسەر ئاستی کێشی قورس بوو، بۆکسێنەرە یۆنانییەکە کە تەمەنی 32 ساڵانە، سێ گەڕی یارییەکەی بە عەگید دۆڕاند و ئەنجامەکانیش بەم شێوەیە بوون، 100-90، 99-91، 98-92.
ئەوەی جێگەی سەرنجە عەگید کاباییلی کورد، لە ژیانی پیشەگەریدا 20 یاری ئەنجامداوە و سەرجەمیانی بردووەتەوە، 13 لەو یارییانە بەرامبەرەکەی والێکردووە کە خۆی بەدەستەوەبدات.[1]