یەکەکانی تۆڵەی شەهید ساکینە جانسز / شەهید باران دێرسیم ڕایانگەیاند، لە نێوان 16 بۆ 20ی تەممووز لە ئیستەنبول زنجیرە چالاکییان ئەنجامداوە.
لە ڕاگەیاندراوەکەدا هاتووە، لە 16ی تەممووزدا لە گەڕەکی کارتاڵ تۆپسەلڤی ئیستەنبول 3 ئۆتۆمبێلی فاشیستەکانی ئاکەپە و هەر ئەو شەوە 2 ئۆتۆمبێلی جۆری دۆبلۆی کۆمپانیای دابەشکردنی گازی ئیستەنبول (ئیگداش - Îgdaş) ئاگریان تێبەردرا و سوتێنران.
لە 17ی تەممووزیشدا لە شەقامی کورفالی ماهیر کارتاڵ 3 ئۆتۆمبێلی فاشیستەکان و هەر لەو ڕۆژەدا لە یاکاجیک ئوگورمونجو لە بازاڕی پۆلیسە داگیرکەرەکاندا 4 ئۆتۆمبێل سوتێنران.
یەکەکانی تۆڵە ئەوەشیان ڕاگەیاندووە، لە 18ی تەممووزدا لە گەڕەکی ئەسەنیالی پیکابێک و ئۆتۆمبێلێکی تری فاشیستەکان و لە 19ی تەممووزدا لە گەڕەکی گازی 2 ئۆتۆمبێلی بەرپرسانی تورک سوتێنران.
یەکەکانی تۆڵە ئاماژەیان بەوەشکردووە، لە 20ی تەممووزدا لە ڕامی عەمبارێکی خواردەمەنی و لە کوچوک کۆی-یش مارکێتێت و 17 ئۆتۆمبێلی تریان سوتاندووە.
یەکەکانی تۆڵە داوایان لە گەنجان کردووە، کە لە دژی فاشیزم ئاگری بەرخودان گەش بکەن.[1]