$باکووری کوردستان$
- #سەڵاحەدین دەمیرتاش# ڕایگەیاند، سیاسییەکانی تورکیا لە چارەسەرکردنی قەیرانەکانی وڵاتەکە دژایەتی یەکتری دەکەن و فرە جەمسەری لە وڵاتەکە دروستبوە و هیچ هاوکارییەک لە نێوان بەرپرسانی تورکیا نییە، دەشڵێت، بەندکراوانی تورکیا لە تراژیدیای مرۆڤایەتیدا دەژین.[3]
$باشووری کوردستان$
- وەزارەتی تەندروستیی هەرێمی کوردستان ئاماری 24 کاتژمێری ڕابردووی تایبەت بە پەتای کۆرۆنای ڕاگەیاند و ئاشکرای کرد: 687 کەس لە هەرێمی کوردستان تووشی کۆرۆنا بوون، 15 کەسی دیکەش بەهۆی ئەو پەتا جیهانییەوە گیانیان لەدەستداوە.[1]
- فڕۆکە جەنگییەکانی دەوڵەتی داگیرکەری تورک، شەوی ڕابردوو، ناوچەی زەنگەلێ سەربە #دهۆک#، گوندی ڕەزک سەربە #ئامێدی#، گەلیی بازێ سەربە کانیماسی-یان بۆردوومان کرد. فڕۆکە جەنگییەکانی دەوڵەتی تورک ئەمڕۆش گوندێکی نزیک ناوەندی شارۆچکەی ئامێدی سەربە دهۆکیان بۆردوومانکرد، هەروەها گوندی ڕەزک سەربە ئامێدی، کە دوو کیلۆمەتر لە ناوەندی ئامێدییەوە دوورە، ئەمڕۆش دیسان بۆردوومانکراوەتەوە.[4]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2020/386616/0006.JPG=KTML_ImageCaption_Title=بۆردوومانی ئەمڕۆی تورک لە بادینان=KTML_ImageCaption_CaptionStyle=000000=KTML_ImageCaption_Caption=بۆردوومانی ئەمڕۆی تورک لە بادینان=KTML_ImageCaption_End=
- سەرۆکی لقی #هەولێر#ی سەندیکای هونەرمەندانی کوردستان لەپەیامێکدا داوا لە #مەسرور بارزانی# سەرۆکی حکومەتی هەرێمی کوردستان دەکات هونەرمەند شەهرام نامق ئازاد بکات.[2]
- نووسینگەی ڕاگەیاندنی #بافڵ تاڵەبانی# هاوسەرۆکی #یەکێتیی نیشتمانیی کوردستان# ڕایگەیاند؛ بافڵ تاڵەبانی هاوسەرۆکی یەکێتیی نیشتمانیی کوردستان ڤایرۆسی کۆرۆنای تێپەڕاند و ئێستا باری تەندروستی زۆر باشە.[2]
- سەرۆکی دەستەی سەربەخۆی مافەکانی مرۆڤ لەهەرێمی کوردستان ڕایدەگەیەنێت: لە خۆپیشاندانەکاندا خۆپیشاندەران و هێزە ئەمنیەکان تەعەدا لە یەکتری دەکەن و لە خۆپیشاندانەکانی #ڕانیە#ش زیاتر لە 100 کەس دەستگیرکراون.[3]
- #ڕەفیقی وێنەگر#، کە یەکێک بوو لە وێنەگرە کۆنەکانی #سلێمانی#، له سلێمانی کۆچی دوایی کرد.[2]
- ڤایرۆسی کۆڕۆنا بەشێوەیەکی فراوان لە کامپی پەنابەرانی دهۆک بڵاودەبێتەوە.[5]
- بۆ یەکەمجار لە #شنگال# مردن بە #کۆرۆنا# تۆمارکرا و دوو کەس بەهۆی ئەو پەتا جیهانییەوە گیانیان لەدەستدا.[6](بڕوانە فایلی پەیوەندیدار)
- لە شاری #کەرکووک#، گروپی هۆشیاری لە بەردەوامی چالاکییەکانیدا بۆ پەروەردەکردنی کچان و کوڕان لە بواری وێنەکێشان و شێوەکاریدا خولێکی بۆ گەنجانی شارەکە کردەوە، کە نزیکەی20 کەس بەشدار بوون لە هەردوو ڕەگەز و تەمەنی جیاواز.[7]
- بەپێی قسەی سەرچاوەیەکی باڵا لە هێزی پێشمەرگە هێزێکی #حەشدی شەعبی# چونەتە سەر خاڵێکی سەربازی هێزەکانی پێشمەرگە و داوایانکردوە خاڵە سەربازییەکانیان لە باکوری #خانەقین# چۆڵبکەن، بەڵام پێشمەرگە داواکارییەکەی ڕەتکردۆتەوە و داوای گفتوگۆی کردوە.[3]
- بەرپرسی نووسينگەی پەيوەندييەکانی يەکێتی ئەورووپا لە هەولێر و نێردەی يەکێتیی ئەورووپا لە عێراق، ئاشکرای دەکات بۆ ڕەخساندنی هەلیکار و لەپێناو هاندانی پرۆژە چاکسازییەکان 120 ملیۆن دۆلار پێشکەشی هەرێمی کوردستان دەکەن.[8]
$دەرەوەی کوردستان$
- شاندی باڵای حکومەتی هەرێمی کوردستان بە سەرۆکایەتی #قوباد تاڵەبانی#، گەیشتە بەغدا.[1]
- وەزارەتی گەنجینەی تورکیا پێشبینی دەکات ئەو کورتهێنانەی مانگی ڕابردوو لە یەدەگی نەختینەی تۆمارکراوە زیاتر لە 4 ملیار دۆلار بێت.[6]
- وەزیری دەرەوەی تورکیا لە کۆنگرەیەکی ڕۆژنامەڤانیدا ڕایگەیاند، #پەکەکە# دەیەوێت دەست بەسەر حکومەتی هەرێمی کوردستان و هەولێردا بگرێت وەک ئەوەی لە سلێمانی کردوویەتی.[5]
- وتەبێژی وەزارەتی تەندروستی ئێران ڕایگەیاند کە باری تەندروستی 3713 تووشبووی کۆرۆنا لە ئێران ناجێگیرە و لەژێر چاودێری وردی پزیشکیدان. وتیشی: تا ئێستا 391 هەزار و 112 کەس لە ئێران تووشی کۆرۆنا بوون و 337 هەزار و 414 تووشبوو چاکبوونەتەوە و 22 هەزار و 542 تووشبووش گیانیان لەدەستداوە.[2]
- تورکیا و ئێران ئەمڕۆ لە ئاستێکی باڵادا، بە بەشداریی #ڕەجەب تەیب ئەردۆغان#، سەرۆک کۆماری تورکیا و حەسەن ڕووحانی، سەرۆککۆماری ئێران بە ئۆنڵاین کۆبوونەوە. هەردوولا ڕێککەوتن لەسەر بە ئامانجگرتنی پارتی کرێکارانی کورردستان و ڕێککەوتن ئۆپەراسیۆنێکی هاوبەش لەدژیان ئەنجامبدەن.[5]
کوردیپێدیا، ڕۆژانە بێلایەنانە مێژووی کوردستان تۆماردەکات...
کڕۆنۆلۆژیای ڕووداوەکان