بەردی بچێنێت دەیبێت
بەرد، زادەی کەشکارییە و بەپێکهاتەیەکی کانزایی ئەژماردەکرێت جۆری نیشتو و گۆڕاو و ئاگرینی هەیە، ناڕوێنرێت بەڵکو گۆڕانکاری کەش و هەوا دروستی دەکات و هەر ئەویش تێکوپێکی دەشکێنێت، بەرد لە ئیدیۆمدا زۆر بەکارهاتووە چونکە گەلانی دونیا سروشت دۆستن و پشت بەژینگەی دەوروبەری خۆیان دەبەستن بۆ دڵرەقی دەوترێت(دەڵێی بەردی ڕەقە) لەبواری تریش بەکارهاتووە(بەرد لەجێی خۆی سەنگینە) و(دەڵێی بەردە بەگوی دادەدات) و(بەقای مێردی و سێبەری بەردی) و(بەردەباز) و تاد، ئینجا لێرەدا(بەردی بچێنی دەیبێ) واتە کەسێکی سەر بەڕسق و ڕۆژووە و هەر کاسبیەک بکات خوا دەست بەباڵییەوە دەگرێت و بۆی دەبێتە خێروبەرەکەت و قازانج و داهات و بەروبومێکی باشی بۆ دێتە بەرهەم و خەرمانی پڕ دەبێت.[1]