شەو قەڵای مێردانە.
قەڵا، سەنگەر ومەترێز و شوێنکی بەرزە مرۆڤ دەپارێزێت لەپەلاماری نەیار و دوژمن و داگیرکەران، لەکۆنەوە یەکێک بووە لە ژێرخانی پاشا و میر و ئیمپراتۆرەکان و شانازیان بەزۆری قەڵاکانیانەوە کردووە، قەڵاکان مرۆڤەکانیان داپۆشیووە بەداخستنی دەرگاکانیان کەس نەیزانیووە ئه و قەڵایە توانامرۆییەکان و ئابوری و سەربازییەکانی چەندە؟ بۆیە هەردەم جێی ترس و دڵە ڕاوکێی دوژمن بووە و ئەژماری بۆ کراوە، شەویش لەبەر تاریکی و نادیاری و مەحوی شاعیر بە(سەتری گوناحکاران)ی داناوە، بۆیە کوردیش بە شورە و قەڵایەکی سەختی داناوە بۆ ئه و مرۆڤەی تۆڵەی خۆی بکاتەوە یان بیەوێت چالاکیەکی پێشمەرگانە یان حەمەدۆکیانە بکات، بۆ کەسێکی دەست وەشێن و چوست و چالاک دەوترێت شه و قەڵای مێردانە واتە دەتوانێت ئەوەی بیەوێت تێیدا ئەنجامی بدات.[1]