ڕەفیقی وێنەگر ناوی تەواوی (ڕەفیق مەحمود محەمەد) ە لە ساڵی 1932 لە گەڕەکی گۆیژەگۆیژەی شاری سلێمانیسلێمانی لە دایکبووە و لە ئامێزی خێزانێکی خوێندەوار و نیشتمانپەروەردا پەروەردە بوو. هەر لە منداڵییەوە بەهۆی مەحموود ئەفەندی ڕەسامی باوکییەوە، بە کامێرا و فۆتۆ ئاشنا بووە، چونکە باوکی بە فۆتۆگرافەرە پێشەنگ و دێرینەکانی شاری سلێمانی دادەنرێ، ئەو دوای جەنگی یەکەمی گێتی، بەخۆی کامێراکەیەوە لەناو سوپای عوسمانییەوە بۆ شاری سلێمانی گەڕایەوەم و کاری فۆتۆگرافەری کردە خولیا و سەرچاوەی بژێویی ژیانی، بەوەش ئەو پیشەیە لای ڕەفیقی کوڕی خۆشەویست دەبێت و درێژەی پێدەدات.
بەهۆی ئەوەی محەمەد قودسیمحەمەد قودسی برای لەگەڵ سێ ئەفسەری دیکەدا بەشداری کۆماری کوردستان لە مەهابادمەهاباد دەکەن و دوای ڕووخانی کۆمار دەگەڕێنەوە ئێراق، لە 19ی حوزیرانی 1947 لەلایەن ڕژێمی پاشایەتییەوە لەسێدارە دەدرێن و دواتریش خانەوادەکەی نەفی دەکرێن بۆ شارەکانی هەولێرهەولێر و کۆیە و ڕواندزڕواندز، ئیدی ڕەفیق دەرفەتی خوێندنی لەدەست دەچێ و خۆی بۆ کاری فۆتۆگرافەری تەرخان دەکات.
ڕەفیقی وێنەگر، ساڵی 1954 لە شاری سلێمانی و لە نزیک سەرا ستۆدیۆیەکی بەناوی خۆیەوە داناوە و بە کاری فۆتۆگرافییەوە سەرقاڵ دەبێت، ئەرشیفی وێنەیی باوکی دەوڵەمەندتر دەکات.
ساڵی 1962 پەیوەندی بە شۆڕشی ئەیلولەوە دەکات و دەبێتە پێشمەرگە، لە ژیانی پێشمەرگایەتیش بایەخ بەهونەری وێنەگرتن دەدات و چەندین وێنە و ڤیدیۆی جوان و ناوازەی ناوچە ئازادکراوەکانی شۆڕشدا دەگرێت. دوای پێشمەرگایەتی و هاتنەوەی بۆ ناوشای سلێمانی لەسەر کاری فۆتۆگرافەری بەردەوام دەبێت و زۆربەی تەمەنی خۆی بەو کارە پیرۆزە دەبەخشێت.
ڕەفیقی وێنەگر نزیکەی نیو ملیۆن وێنەی جیاجیای سەرانسەری کوردستان هەیە و نزیکەی 34 هەزار جامی وێنەی نەشۆراوەی هەیە.[1]
ڕۆژی 08-09-202008-09-2020 لە سلێمانی کۆچی دوایی کرد.