بەپێی ئامارەکانی بەڕێوەبەرایەتی گشتی پۆلیسی هەرێم، بەشێک لەتاوانەکان کەمی کردووه و هەندێکی بەراورد بەساڵی پێشوو لێک نزیکبوون، بەڵام ئەوانەی دووبارە تاوان ئەنجامدەدەنەوە کەمبووەتەوە.
کارزان ئەمیر غەفووری، بەڕێوەبەری ڕاگەیاندنی پۆلیسی گشتیی هەرێمی کوردستان ئاماری ساڵی 2020ی ڕووداوەکانی کوشتن، خۆکوشتن، دزییکردنی لەپارێزگاکان و ئیدارە سەربەخۆکان ڕاگەیاند.
کۆتایی هەموو ساڵێک بەڕێوەبەرایەتییەکانی پۆلیس ئامارەکانی ساڵانەی کارکردنیان بڵاودەکەنەوه و بەپێی ئامارەکانی پۆلیسی هەرێم ئەمساڵ (257) ڕووداوی کوشتن و خۆکوشتن ئەنجامدراون، بەڵام ساڵی ڕابردوو (260) ڕووداو هەبووە.
هەروەها ئەمساڵ سێ هەزارو (298) تاوانی دزیکردن هەبوون، بەڵام ساڵی ڕابردوو چوار هەزار و (322) تاوانی دزیکردن تۆمارکراون.
شوان سابر، سەرۆکی تۆڕی دادپەروەری بۆ بەندییەکان ڕایگەیاند لەسەدا 73%ی گرتووخانەکان قەرەباڵغییەکی تیادایە، کە لەهەندێک شوێن دەگاتە حەوت هێندەی توانای خۆی، 90%ی ئه و شوێنانەی کە بۆ چاکسازیی یان بەندینخانە بەکاردێت لەبنەڕەتدا بۆ زیندان دروستنەکراوە، بەڵکو باڵەخانەیەکی ئاسایی یان سەربازگەیەک بووە(.
بەڕێوەبەری گشتی چاکسازیی و کۆمەڵایەتی سەر بەوەزارەتی کارو کاروباری کۆمەڵایەتی حکومەتی هەرێمی کوردستان دەڵێت:) دووبارە ئەنجامدانەوەی تاوان لەهەموو دنیادا هەیە، بەڵام لەهەرێمی کوردستان ڕێژەکە کەمە لەنێوان لەسەدا 4% بۆ 5٪دایە(.
ئەحمەد نەجمەدین، بەڕێوەبەری گشتی چاکسازیی و کۆمەڵایەتی هەرێمی کوردستان بۆ هاوڵاتی وتی:) ئه و قسەیەی شوان سابر بەرپرسی تۆڕی دادوەری بۆ بەندییەکان باسیکرد ڕاستە، بەڵام ڕێژەییه و دووبارە ئەنجامدانەوەی تاوان لەهەموو دنیادا هەیە، بەڵام لەهەرێمی کوردستان ڕێژەکە کەمە لەنێوان 4٪ بۆ 5٪دایە، کەدووبارە زیندانییەکان بەهۆی ئەنجامدانی تاوانەوە بگەڕێنەوە ناو بەندیخانەکان).
هەروەها وتیشی:) زۆرترین ئه و تاوانانەی کەدووبارە ئەنجامدەدرێنەوە بەپلەی یەکەم ئه و کەسانەن ماددەی هۆشبەر بەکاردەهێنن، دواتر تاوانی دزیکردن و کوشتن، بەڵام ڕێژەکە زۆر کەمە(.
تووێژەرێکی کۆمەڵایەتی ئاماژە بەوە دەدات کە بەپێی ئه و ئامارانەی بەڕێوەبەرایەتی گشتی پۆلیسی هەرێم بێت (کەرەنتینە کردن کاریگەرییەکی ئەوتۆی نەبووە لەسەر هەڵکشان و دابەزینی ڕێژەی تاوانەکان).
چۆمانچۆمان ئەحمەد، تووێژەرێکی کۆمەڵایەتی بە هاوڵاتی وت:)هیچ مرۆڤێک لە لەدایکبوونییەوە مرۆڤێکی تاوانبار نییە، بەڵکو ژینگەی کۆمەڵایەتی و پەروەرده و ئەزموونەکانی لەژیاندا کە لەقۆناغەکانی تەمەندا کەپێیدا تێپەڕبووە هۆکار بوون بۆ ئەوەی ببێتە مرۆڤێکی تاوانبار).
هەروەها پێشیوابوو هەندێک لەمرۆڤەکان لەسەر کاری تاوانکاری ڕادێن و دووبارەی دەکەنەوە دەبێتە بەشێک لەکەسایەتییان، ) ئەگەر لەناو چاکسازییەکانیشدا بن هەر کەدێنە دەرەوە دووبارە دەستپێدەکانەوە، لەبەر ئەوەی لەڕووی کەسێتییەوە لەسەری ڕاهاتوون).
هاوکات، ئەوەی دووپاتکردەوە کەدادگاکان و چاکسازییەکان وەک پێویست چاکسازی لەکەسێتی مرۆڤەکاندا ناکەن و نایانکەنەوە بەمرۆڤێکی ئاسایی و ئیش لەسەر کەسایەتی و هەڵسوکەوتیان ناکەن.
ئێستا نزیکەی پێنج هەزار زیندانی لەچاکسازییەکانی هەرێمی کوردستان هەن، کە زۆرترینیان لەهەولێرهەولێرن، دواتریش دهۆکدهۆک و سلێمانیسلێمانی لەپلەی سێیەمدایە، لەگەڵ ئەوەی شوێنی هەر چاکسازییەک بۆ (800) تا (900) کەس دروستکراوە، بەڵام نزیکەی دوو هەزار زیندانی تێدایە، کە ڕێژەکە زۆر زۆرەو ئەوەش کێشەیەکی دیکەی گەورەیە لەچاکسازییەکانی هەرێمی کوردستان.[1]