میرزا عەبدوڵای مینایی کوڕی مەحمودی هەباس ئاغای بێژوێیە و لە هۆزی باپیر ئاغاییە، لە ساڵی (1943) دا لە گوندی #بێژوێ# لە دایکبووە، ئەم پیاوە کۆمەڵێک زانیاری مێژوویی زۆر باشی بۆ ناوچەکەی و نەتەوەکەی لە فەوتان ڕزگار کردووە، میرزا زیاتر لە پازدە کتێبی بە خەتی خۆی نووسیووە و دوان لە کتێبەکانی بەناوی شەهید #مەلا ئاوارە# و هۆزی باپیرئاغایی ئالانی بەچاپ گەیاندووەو ئەوانی تریش چاوەرێی چاپ دەکەن.
میرزا پیاوێکی کورد پەروەرو دڵسۆزی نەتەوەکەیەتی و هەروەها میوان پەروەرە، شارەزایەکی باشی ناوچەکانی ڕۆژهەڵات و باشووری کوردستانە، ئەم پیاوە سەرەڕای زمانی کوردی دەستی باڵای لە زمانی فارسیدا هەیەو شارەزای زمانی عەرەبیە، لە ئێستادا کەتەمەنی (78) ساڵە زۆر گورجوگۆڵ و تەندروست باشە، لەلایەک سەرگەرمی نووسین و لەلایەکی تر خزمەتی باخو زەویەکەی دەکات لە گوندی بێژوێ.
[1]