بەناوی خوای گەوره و میهرەبان
بەرێزان لە :
سەرۆکایەتی هەرێمی کوردستان
سەرۆکایەتی پەرلەمانی کوردستان
سەرۆکایەتی حکومەتی هەریمی کوردستان /ئەنجومەنی وەزیران
نوێنەری نەتەوەیەکگرتوەکان /بالیۆزخانە و سەفارەتەکانی ووڵاتان لە هەرێمی کوردستان
لاوان گەنجان هاونیشتمانیانی زێدە ئازیز
ئێمە ڕێکخراوەکانی لاوانی کوردستان لە ئەنجومەنی لاوان خۆمان بە نوێنەری زۆربەی لاوان دەزانین لە کوردستان کە دەبێت لە خەمی کێشه و گرفتەکانی لاوان دابین بەبێ جیاوازی وە ئەرکی سەرشانی خۆمانە وەک چۆن لە پێشوودا بەردەوام داکۆکی کاربووین لە دواکۆبەنەوەمان ئەمرۆ پرسێکی گرنگ و نیشتمانی کۆی کردینەوە کە ئەویش کۆچی خەڵکی کوردستانە بەتایبەت لاوان کە ئاینده و داهاتووی وولاتەکەمانن
ئەم کۆچە بە مەترس گەورە دەزانین لە ئێستاو ئایندەی کوردستان گەر لەسەر ئاستی باڵا چارەسەری بۆ نەدۆزینەوە ئەوا ئه و لێشاوی کۆچە بەردەوام دەبێت و لە حالەت بووە بە دیاردە
لەم کۆبونەوەیەدا داوا دەکەین کە
یەکەم : هەر سێ سەرۆکایەتیەکەی هەرێمی کوردستان لەسەر ئاستی لوتکە بۆ پرسی گەنجان و کۆچ کۆببنەوه و ستراتیژیە ک دابڕێژن بۆچارەسەری هۆکارەکانی کۆچی بە کۆمەڵی لاوان 0
دووەم :لایەنەسیاسیەکانی هەرێمی کوردستان کۆچی بە کۆمەڵی گەنجان بە هەند وەربگرن وکاربکەن بۆ دۆزینەوەی چارەسەر و ئاشتبوونەوەی نیشتمانی لە کوردستان 0
سێیەم : پێویستە نەتەوە یەکگرتوەکان و سەرجەم ڕێکخراوەکانی ناوەخۆیی و نێودەوڵەتی کە لە بوارەکانی مافی مرۆڤ لە کوردستان و لە عێراق کاردەکەن تەواوی هەوڵەکانیان چربکەنەوە لە داکۆکی کردن له و پەنابەرو کۆچبەرانەی هەریمی کوردستان ورێگربن و نهێڵن بکرێن بە بەشێک لە کێشەی نێوان بیلا ڕوس و یەکێتی ئەوروپا 0
ئێمە لە ئەنجومەنی لاوان بە گرنگ و پەرۆشەوە له و دۆخە نەخوازراوەی لاوان لە هەرێمی کوردستان دەڕوانین وبە پێویستی دەزانی ئەم داواکاری وپێشنیارانە بخەینە ڕووکە بە بەشێک لە چارەسەری گرنگ دەزانین بۆدۆخی ژیان و گوزەرانی لاوان لە ئێستادا
یەکەم : ڕاگەیاندنی ڕێژەیەکی هەلی کار بە دروستکردنی دەرفەتی کارلە لایەن حکومەتی هەرێمی کوردستان بۆ لاوان لەکەرتی تایبەت و کەرتی گشتی بەیەکسانی بەبێ جیاوازی کە ئەمیش بەبەرنامه و بەشێوازی کەمکردنەوەی ڕێژەی کرێکاری بیانی ورێکخستنی کرێی ی کار بە دانانی مەرج و ڕێنمایی پێداچونەوە بە کاری کۆمپانیاکان وە پابەند بوون بە بڕیاری ڕێژەی %75ی دەستی کاری خۆماڵی 0
دووەم : فراهەم کردنی پێداویستیەکانی ژیان وەک دابینکردنی شوێنی نیشتەجێبوون و بەگەرخستنەوەی قەرزی پڕۆژەی بچووک و پێشینەی هاوسەرگیری وقەرزی خانووبەرە وزەوی نیشتەجێبوون 0
سێیەم :کردنەوەی دەرفەت بۆ دامەزراندنی دەرچوانی 2012 تاوەکو 2015 وە دامەزراندنی 23000واانەبێژەکانی وەزارەتی پەروەرەردە وە 0
چوارەم : دانانی دەستورێک بەسازانی سەرجەم لایەنە سیاسیەکان 0
پێنجەم :رێگە نەدرێت بە زۆر پەناباران ناچار بە گەراندنەوەی زۆرە ملێ بکەن 0
شەشەم :حکومەت پێداچونەوە لە سیستەم و مەنهەجەکانی پەروەردە فێرکردن دا بکات لە قوتابخانە و پەیمانگاو زانکۆکان بۆ نبیادنانی لاوێکی لێهاتووبۆ ژیان و کارو بازاڕبە هەستێکی نیشتمانی بەرزبێ جیاوازی چینایەتی و کۆتایی هێنان بە بازرگانی کردن بەکەرتی پەروەردە 0
حەوتەم :میدیاکاران و پەیج ئەکاونتەکانی سۆسیال میدیا چیتر لاوان بە بازاڕکردنی مۆدیل وهەولی لاوەکی دوور لە عورف سەرقاڵ نەکەن بەلکو بەرنامەکانیان لە خزمەتی نیشتمان و خێزانی کوردستانیان دا بێت0
هەشتەم :داواکارین حکومەت کۆچ لە چوارچێوەی یاسادا لە ڕێگای پەرلەمانەوە ڕێکبخات و داواکارین پەرلەمان بە ووردی چاوەدێری کارەکانی حکومەت بکات کە ئەرکی سەرەکی خۆیانە 0
نۆیەم:داواکارین حکومەت چاکسازی ڕیشەیی ئەنجام بدات و سەرچاوەکانی گەندەڵی ووشک بکات وە کریی باج و ڕسومات کەمبکاتەوە بەتایبەت له و پێداویستیە بەردەوامانەی کە هاوڵاتیان ڕۆژانە پێویستیان پێیەتی 0
دەیەم :داواکارین لە حکوموتی هەرێم ئارامی بخاتەوە نێوماڵی کوردستانیان بۆئەوەی هیچ خێزانێک وابیرنەکاتەوە کە ژیانی لەمەترسی دایە جا بەهەر بیانویەک بێت چ ئاسایشی خۆراک یان ئاسایش و ئارامی ژیان کە دەرگایەکە نەیارانی هەرێمەکەمان بەردەوام دەتوانن زەفەرمان پێ ببەن.
لە کۆتایی دا داواکارین وەک ئەنجومەن بەشداربین لە پلانی 2030 حکومەتی هەرێمی کوردستان 0
داواکارین لاوانی کوردستان ئەم هەرێمە بە نیشتمانی خۆیان بزانن وە لاوان ئاینده و داهاتووی وولاتن ناکرێت بۆ قەدەر جێ ی بهێڵین و کۆچ بکەین بەکو دەبێت خۆمان بەشداربین لە بنیات نان و چارەسەی کێشەکان کە ئەرکێکی نیشتمانی و ئاینیە
وێنەیەک بۆ _
سەرۆکایەتی هەرێمی کوردستان
سەرۆکایەتی پەرلەمانی کوردستان
سەرۆکایەتی حکومەتی هەرێمی کوردستان
نوێنەری نەتەوەیەکگرتوەکان UN
رێکخراوەکانی مافی مرۆڤ
رێکخراوەکانی ناو ئەنجومەنی لاوان ئەنجومەنی لاوانی کوردستان
یەکشەممه #14-11-2021#
[1]