ساڵی نوێی چی تەنها ژمارە دەگۆڕێ; قەیرانەکان ساڵ لەدوای ساڵ زیاتر ئەبن
لەم وڵاتە دڵ بەچی خۆش کەین بەگشتی سادەترین مافی ژیان لەنیشتیماندا نیە..!
ڕۆژ ئەبێتەوە خەمی ڕاکردن بەدوای کارداو نان و بژێوی قورسی ژیان، لەگەڵ هاتنی سەری مانگ خەمی دواکەوتنی موچەو کرێی خانوو و چەندەها خەمی دی.
وەرز دێ و دەڕوا بۆ هاوین خەمی بێ ئاوی و کارەبایی، زستان دێت لەرزمان لێ دێت بۆ وەسیلەی خۆگەرم کردنەوە..!
ئەمانەو چەندەها خەمی دی کە کێشەکانی گەورەتر کردوە، گەنج خەریجەو بێ کارە دانامەزرێ سەری خۆی هەڵئەگرێت و وڵات جێ دێڵێ یان ئەبێتە خۆراکی زیندەوەرانی ناو دەریا یاخود بەجەستەیەکی ساردوسڕ لەتابوتدا تەرمەکەی بۆخانەوادەکەی دێتەوە بەدیاری.
خەمەکان زۆرن...
هەر عەرەبانەیە لەسەرجادەکان شەقی تێهەڵەدرێ و سوکایەتی پێ ئەکرێ..
نەخوێنەوار بەچەکەوە هەڵەکوتێتە سەر ڕۆشنبیرو خوێنەوارو خاوەن بڕوانامەو مامۆستاو پیرۆزی قوتابخانەکان.
خەمەکان زۆرن...
خەمی بێ ڕەوشت کردنی کچەکانمان و بازرگانی بەجەستەیانەوە بەناوی کچە مۆدێل دەست درێژی کردن بۆسەرکچانی شەش حەوت ساڵان...
خەم ساردی بەناو دەسەڵاتانی کورد کە هەموویان جگە لەبەهەدەردان و تاڵانی سامانی نیشتیمانی و خواردنی قوتی گەل هیچی دیان لەبارا نیە...
وڵات وێران ئاشی نەزانەو خوا ئەیبات بەڕێوە..!
خەمەکان زۆرن و زۆرتر ئەبن ڕۆژبەرۆژ...
ماڵ نیە پرسەی ئازیزێکی ڕێگای هات و نەهاتی تیا نەبێت.
نەکێشەکان حەل ئەبن و نەمیللەت حەساوە
ئەوەی کەساڵ بەساڵ لەم وڵاتەدا زۆرئەبێت تەنهاو تەنها و تەنها فەسادییە...
ساڵی دووهەزارو بێ نەوتی و بێ کارەبایی و شەوانی تاریکی زستان لەهەموان پیرۆز بێت...
ئەوە بێ لەزەتی کارەبای ڕەئیسی بیست ئەمپێریش هەر لێ گەڕێ...
باقی و سەلام...
نووسەر: #ئارەزووی عەبدولخالق#[1]
تایبەت بە ساڵی تازەی وێرانتربوونی وڵات
#30-12-2021#
$بەپێی قەیرانەکان بێت هێشتا لەساڵی 2006داین..!$