دەقی پیرۆزباییەکەی زوبێر عوسمان، ئەندامی سەرکردایەتی و لێپرسراوی مەڵبەندی 6ی #سۆران#ی #یەکێتیی نیشتمانیی کوردستان#:
پەیامی پیرۆزبایی هەڤاڵ زوبێر عوسمان بەبۆنەی (31) ساڵەی دەرچواندنی ڕۆژنامەی کوردستانی نوێ
بەڕێزان سەرنووسەر و میدیاکاران و نووسەران و سەرجەم کارمەندانی ڕۆژنامەی کوردستانی نوێ
بەبۆنەی (31) ساڵەی دەرچواندنی ڕۆژنامەی کوردستانی نوێ و ساڵیادی دامەزراندنی یەکەمین ڕۆژنامەی نوسراوی دوای ڕاپەڕین، لە ناخی دڵمەوە گەرمترین و جوانترین پیرۆزباییتان ئاڕاستە دەکەم، هیوای سەرکەوتن و پێشکەوتنی زیاتر و بەردەوامیتان بۆ دەخوازم.
یەکێتیی نیشتمانیی کوردستان لە دەست پێشخەریەکی مێژوویدا لە دوای ڕاپەڕین ڕۆژنامەی کوردستانی نوێی کردە دیاری کۆمەڵانی خەڵکی کوردستان بە گشتیی و بواری میدیایی و ڕاگەیاندنی کوردی بە تایبەتی، هەر بۆیە یەکێک لە تایبەتمەندییەکانی کوردستانی نوێ کە هەمیشە پێی ناسراوەو لە نێو بواری ڕاگەیاندن و میدیای کوردیدا ڕەنگیداوەتەوە، لە سێ دەیەیی تەمەنیدا پیشەییانە و لە چوارچێوەی ئیتکی ڕۆژنامەوانی بەرپرسیانە مامەڵەی لەگەڵ واقیعی هەرێمی کوردستاندا کردووەو لەو بوارەدا پێشەنگ بووە لە خزمەتکردن، هەر ئەوەش وایکردووە کە وەک یەکەمین میدیایی نوسراوی دوای ڕاپەڕین ئێستاشی لە گەڵدا بێ وەک مینبەرو سەرچاوەی باوەڕ پێکراوو لە بڵاوکردنەوەی پەیامی هەواڵ و زانیاری بە پێشەنگی بمێنێتەوە.
هیوادارم کوردستانی نوێ لەسەر ئەو ڕێچکەو کارو هەنگاوانەی درێژە بە کاروانی پڕ شانازی خۆی بدات و بە سیاسەت وستراتیجی نوێ وەک زەڕوڕەتێکی میدیایی و پێویستی قۆناغەکە سەردەمیانە خۆی نوێ بکاتەوەو بەردەوام بێ لە خزمەت و هەمیشە چەتری کۆکەرەوەو سەکۆی هەموو قەڵەمە ئازادەکان بێ و تەواوی نوسەران و ڕۆژنامەنوسان و ئەدیبان و ڕۆشنبیران و خاوەن بیرو بۆچوونە جیاوازەکان لە دەوری خۆی کۆبکاتەوەو لەو بوارەدا خزمەت بە میدیاو ڕاگەیاندنی کوردی بکەن لە کوردستاندا.
هەر شاد و سەربەرز و سەرکەوتووبن.
زوبێر عوسمان
ئەندامی سەرکردایەتی و
لێپرسراوی مەڵبەندی 6ی سۆران
12 / 1 / 2022[1]

⚠️ تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!