ژ ژنان دۆتمام ژ شوران شورێ شام
لە کوردەواریدا کچە مام زۆر جێگەی سەرنج بووە بۆ خزمایەتی و هاوسەرگیری تا کۆتایی سەدەی بیستەم، زۆرترین حەیران و بەستە و مەقام و ستران و لاوک و گۆرانی و شیعر لەسەر ئامۆزا و دۆتمام وتراوە، هونەرمەندی مەزن مەزن لە گۆرانیەکانیاندا(ئامۆزا گیان)یان وتووە، ئه و بایەخ و گرنگیەی ئامۆزا بۆ هاوسەرگیری و دڵ پێوەبوونە بووە بە ئیدیۆمێکی جوان لە ناوچەی بادینان لە باشوری کوردستان دەوترێت: ژ ژنان دۆتمام ژ شوران شورێ شام، لە ژنان کچە مام جێگەی پشت پێ بەستنە و لە خوێنی خۆتە و خوێنیش نابێت بەئاو، هەر ئه و دەتوانێت بتپارێزێت، وەک چۆن قەڵا و شورەکانی وڵاتی شام وڵاتەکەیان لە دەست درێژی داگیرکاران لە مێژوودا پاراستووە.[1]