هەر تیرەکی لە کەندارەکی دەدات
تیر و کەوان، چەک و ئامێری سەربازی و ڕاو بووە لە کۆندا، ئه و کەسەی بەکاریهێناوە پێی وتراوە(تیر هاوێژ)، کەندار واتە کەندەڵان که شیو و دۆڵە لە نێوان گردۆڵکە و سۆرک و زورگانان هەیه، ئه و تیرهاوێژەی نیشان شکێن نەبێت ناتوانێت نێچیر و دوژمن بپێکێت، ئینجا ئەوە بووە بە ئیدیۆم لە ڕواندزێ بە کەسێک دەوترێت کە لەکاتی قسەکردن هەڵیت و پەڵیت بکات و بە نەفامی و نەزانی قسە لەسەر شتێک بکات بەتەوس و گاڵتەوە دەوترێت: (هەر تیرەکی لە کەندارەکی دەدات).[1]