دەڵێی کۆرانی گادەرێیه
لە ڕواندزێ دەوترێت: (ئەرێ کۆرانێ گادەرێیه)، کۆرانێ گادەری ڕێگایەکی سەختی نێوان گوندی(گەرەوانی سەروو)ی ڕواندز و گوندی(مەلەکان)ی شارەدێی(خەلیفان)ە، ئەو ناوچە شاخاوییانە: (زۆزک و هندرێن و کۆڕەک) زۆر هەورازی ڕک و سەختیان هەیە، ئینجا ئەو کۆرانە سەختانە بوون بە ئیدیۆم لە ڕواندز و دەوروبەری بۆ دژواری ڕێگایەک بەکاردەهێنرێن، وای بۆ دەچم کۆڵانەی ناو گەڕەکەکانی شاریش هەر له و وشە ڕەسەنەوە هاتبێت (کۆران)ی نێوان کێوەکان یان کۆرەڕێیان.
ئەم ئیدیۆمە لە پەرتوکی(#ئیدیۆم لە ڕواندزێ و دەوروبەری#) وەرگیراوە و ڕاڤەی زیاتری بۆ کراوە.[1]