ئەوانە پاڵەوان نین، بەڵکو دڕندەن!
وەرگێڕانی لە عەڕەبییەوە: #ڕۆزا حەمە ساڵح#

گۆڤاری (دیر شبیگڵ)ی ئەڵمانی، لە ڕاپۆرتێکدا بەبەڵگەی ڤیدیۆیی و وێنەیی ئەو تاوانانە ئاشکرا دەکات کە هێزەکانی (#حەشدی شەعبی#) و سوپای عێراق دژ بە هاوڵاتیانی سونەمەزهەبی شاری موسڵ ئەنجامیان داوە.
راپۆرتەکە کە لەلایەن ڕۆژنامەنووسی کورد (عەلی ئەرکادی) پەیامنێری گۆڤارەکەوە ئامادەکراوە.
‎پەیامنێری ئەو گۆڤارە ئەڵمانییە لەو کاتەی هێزە عێراقییەکان دەستیان بە ئۆپەراسیۆنی کۆنترۆڵکردنەوەی شاری موسڵ کرد لە 17-10-2016 لەگەڵیاندا بووە و زۆر لەو ڕاستیانە ئاشکرا دەکات کاتێک کە خەریکی ئامادەکردنی ڕیپۆرتاژێک بوو بۆ گۆڤارەکە لە سەر پاڵەوانانی ڕزگارکەری موسڵ، بەڵام دوای ئەوەی کە لە نزیکەوە لە گەڵیاندا بوو، لەبڕی وەسفکردنیان بە پاڵەوان بە دڕەندە وەسفیان دەکات.

$ئەشکەنجەدان و لەسێدارەدان$
پەیامنێرەکە جەخت لەوەدەکاتەوە بۆ یەکەم جار حاڵەتی ئەشکەنجە و لەسێدارەدانی لە 22-10-2016 بینیوە، ئەوکاتەی هێزەکانی بەرپەرچدانەوەی خێرا دوو گەنجیان لە بنکەی (گەیارە) باشوری موسڵ دەستگیرکرد و بۆ ماوەی چەند ڕۆژێک سزایان دان و دواتر لە سێدارەیان دان.
‎=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2022/404607/0002.JPG=KTML_ImageCaption_Title= =KTML_ImageCaption_CaptionStyle=000000=KTML_ImageCaption_Caption= =KTML_ImageCaption_End=پەیامنێرەکە دواتر گەیشتە ناوچەی حەمام عەلیل لە 11-11-2016دا، ئیتر لەو کاتەوە زۆر کاری خراپی ئەو هێزانەی بەچاوی خۆی بینی هەر لە ئەشکەنجە و لاقەکردن و کوشتنی هاوڵاتیان تەنانەت ئەگەر گومانێکیشیان لێیان هەبوو بێت.
ئەوەش دەخاتە ڕوو، دوای ئەوەی هێزەکانی حکومەتی بەغداد دەستیان گرت بە سەر گوندی قەبر ئەلعەبد نزیک ناوچەی حەمام عەلیل، هێزەکانی هەواڵگری چەند کەسێکیان گرت کە یەکێکیان کەسێکی بە ڕەگەز هیندی بوو، پاسەوانی یەکێک لە مزگەوتەکانی گوندەکە بوو، بردیان و لێپرسینەوەیان لە گەڵدا کرد و بۆ چەند کاتژمێرێک ئەشکەنجەیان دا و دواتر بەریان دا، دیسانەوە لە 22-11-2016 هێزێکی تر کە پێک هاتبوون لە 10 کەس هێرشیان کردەوە بۆ سەر هەمان جێگا (هێزەکانی ئەمریکا لە جێگایەکی نزیک بوون و چاودێرییان دەکرد) بۆ جاری دووەم هاوڵاتیە هیندییەکەیان لەماڵی خۆی و لەکاتی نوستندا دەستگیرکرد و بۆ ماوەی چەند کاتژمێرێک ئەشکەنجەیان دا و دواتر گواستیانەوە بۆ بنکەی هەواڵگری لەوێش بۆ ماوەی یەک هەفتە ئەشکەنجە درا و دواجار لەگەڵ چەند گومان لێکراوێکی تردا کوشتنیان (ئەمە بەپێی قسەی نەقیب سامر دوری کە یەکێک بوو لە ئەفسەرەکانی هەواڵگری).
لەهەمان شەودا گەنجێکی تریان گرت بە ناوی ڕەشید کە زۆر بێتاوان بوو تەنها تاوانی ئەوە بوو برا گەورەکەی لەگەڵ براژنەکەیدا پەیوەندیان بە#داعش#ەوە کردبوو، ڕەشید لە دوای سێ ڕۆژ لە ئەشکەنجەدان کۆچی دوایی کرد و تەرمەکەی لەناو بنکەی هەواڵگریدا بینرا.
رۆژنامەنووسەکە ئەوەش ئاشکرا دەکات ئەو کاتە کابوسەکە دەستیپێکرد کاتێک هێزەکانی بەرپەرچدانەوەی خێرا زۆرێک لە هاوڵاتیانی شارۆچکەی حەمام عەلیلیان دەستگیرکرد، کە لەنێویاندا باوک و کوڕێکی تەمەن 16 ساڵ هەبوو ڕەوانەی بارەگای پڕۆسەکان کران.
باوکەکە کەناوی (مەهدی مەحمود) بوو، بەچاو بەستراوی لەدواوە هەردوو دەستی بەسترابووەوە و لەپشتەوە لێیان ئەدا و کوڕەکەشی لەژورەکەی تەنیشت باوکی گوێی لەهاوارەکانی باوکی بوو.
پەیامنێرەکە دەڵێت: من لەوێ بووم و وێنەم دەگرتن، ڕێگایان لێ نەگرتم، هەروەها لەبەر چاوی باوکی ئەشکەنجەی کوڕەکەشیان داو دواتر کوشتیان، کارەکان زیاتر لە کۆنتڕۆڵ کردن دەرچوو بوو، هەمیشە بیرم لەوە دەکردەوە و دەمووت چۆن من گەشتمە ئێرە؟ بۆچی ڕێگام پێدەدەن کە وێنەیان بگرم کاتێک ئەشکەنجەی خەڵک دەدەن؟
باشە چۆن ئەم تاوانانەی کە دەیکەن بەڵگەی ڕزگار بوونیان بێت لە دەست داعش؟ بەڵام ئەوان وەک ڕۆژنامەنووسەکان بیرناکەنەوە، بەڕای ئەمان ئەم کارانە کە دەیکەن زۆر کارێکی ئاساییە، وە لەهەمان کاتدا بە خۆمم دەوت دەبێت ئەم بەڵگانە تۆمار بکەم و بیسەلمێنم کە چۆن ئەم کارانانەیان کردووە کە تاوانی جەنگ دەردەخات.

$رێگای ئەشەکەنجەدانی ئەمریکییەکانیان پەیڕەوو دەکرد$
=KTML_ImageCaption_Begin==KTML_StyleDiv=width:30%;height:20%;float:left;=KTML_ImageCaption_Target_Link=https://www.kurdipedia.org/files/relatedfiles/2022/404607/0001.JPG=KTML_ImageCaption_Title= =KTML_ImageCaption_CaptionStyle=000000=KTML_ImageCaption_Caption= =KTML_ImageCaption_End=پەیامنێرەکە ڕوونی دەکاتەوە: ئەو ناوچەیە ڕۆژنامەنووسە ڕۆژئاواییەکانیشی تیادا بوو بەڵام ئەوان بەرۆژ دەهاتن و بە شەو دەگەڕانەوە بۆ #هەولێر#، بەتەنها من نەبێت لەگەڵ ئەو هێزانەدا دەمامەوە کەسەر بە #وەزارەتی ناوخۆ# بوون، لە ناوەڕاستی مانگی دیسەمبەردا گوزراینەوە بۆ بنکەیەکی تر لە بازوایا کە دەکەوێتە دەوروبەری ڕۆژهەڵاتی شاری موسڵ، دوو برا بەناوەکانی (لەیس و ئەحمەد) لەلایەن فیرقەی ئاڵتونییەوە دەستگیرکران، ئەوە بوو یەکەم جار ئازادکران بەهۆی نەبوونی بەڵگەی تەواو، بەڵام دواتر دەستگیرکرانەوە و هیچ ئەفسەرێکی پلە بەرز لەوێ نەبوو جگە لە سەربازەکان کە بەرپرس بوون لە ئەشکەنجەدان، بە لێدان دەستیان پێکرد و دواجار چەقۆیەکیان خستە پشت گوێی ئەحمەد (ئەم شێوازەی ئەشکەنجەدان لە سەربازە ئەمریکیەکانەوە فێربوو بوو)، یەکێک لە سەربازەکان شانازی بە شێوازی ئەشکەنجەدانەکەوە دەکرد، توشی سەرسورمان بووم کاتێک ڕێگەیان پێدام کە وێنەیان بگرم! بۆ ماوەی کاتژمێرێک لەوێ مامەوە، بەیانییەکەی یەکێک لە سەربازەکان پێی ڕاگەیاندم کە هەردوو براکە هەتا مردن ئەشکەنجە دراون، ڤیدیۆیەکی تۆمار کراوی هەردوو براکەی بە مردووی پیشان دام و دواتر لە ڕێگای واتس ئاپەوە بۆی ناردم.

$لاقەکردن$
پەیامنێرەکە درێژە بە قسەکانی ئەدات و باس لەوە دەکات کە لە ڕۆژی 16-12-2016 چی لە گەڵیدا ڕوویدا؟
کاتێک هێزەکانی بەرپەرچدانەوەی خێرا گەشتنە بازوایا، هەندێک ناویان دەست کەوتبوو لەلایەن کەسێکی سەر بە هەواڵگرییەوە کە گوایە ئەم ناوانە لە گەڵ داعشدا پەیوەندییان هەبووە، لە هەمان شەودا لە گەڵیان دەرچووم و دایان بەسەر یەکێک لە ماڵەکان و پیاوێکیان بەناوی (فەتحی ئەحمەد ساڵح) لە ژووری نوستنەکەی دەرهێنا کە لەگەڵ خێزانەکەی و سێ منداڵەکەیدا بوو، یەکێک لە چەکدارەکان بەناوی (حەیدەر عەلی) ڕۆشتە ژوری نوستنەکەوە وتی هەر ئێستا ژنەکەی لاقەدەکەم، منیش لەگەڵ ئەوانی تردا ڕۆشتم و وتم بزانم چی بەو پیاوە دەکەن، لەدوای پێنج خولەک (حەیدەر عەلی)م بینی کە لەبەردەم دەرگای ژورە نوستنەکەدا وەستا بوو و ژنەکەش لە ژورەوە دەگریا، نەقیب (عومەر نزار) لە (حەیدەر)ی پرسی: چیت کرد؟
حەیدەر وتی: ڕۆژێکی خۆشم هەبوو.
وێنەی ژنەکەم گرت لەناو ژورەکەیدا و مناڵە بچوکەکەی لە باوەشدا بوو، سەیری کردم بەڵام من بەبێ بیرکردنەوە هەر وێنەم دەگرت.

$تاڵانی و دزیکردن (بەئاگاداری هێزەکانی ئەمریکا)$
پەیامنێرەکە بەردەوامە لە گێڕانەوەی ئەوەی کە بینیویەتی و دەڵێت: لەهەمان کاتدا سەربازەکانی تر کەوتنە پشکنینی ماڵەکان و هەرچیان بۆ هەڵگیرا لەشتومەک بردیان لە گەڵ خۆیاندا.
دوا هاوڵاتی کە لەهەمان شەودا گرتیان یەکێک بوو لە ئەندامانی حەشدی عەشایەری سونە، لەبەر ئەوەی حەشدی شیعە چارەیان بە سونەکاندا نایەت بۆیە بردیان بۆ بینایەک و یەکێک لە سەربازەکان لاقەی کرد. دواتر کە گەڕانەوە بۆ بنکەکەیان سەرپەرشتیارە ئەمریکیەکە بە جیهاز پەیوەندی پێوەکردن و پرسیاری لە نەقیب (عومەر نزار) کرد: وتی چیتان کرد؟ نەقیب عومەر وەڵامی دایەوە وتی: هەموو شتێکمان کرد، پیاو و ژنەکانمان برد و ماڵەکانیشمان تاڵانکرد، سەرپەرشتیارە ئەمریکیەکە وتی: ئێوە زۆر باش دەزانن چی دەکەن! ئەمەریکیەکان ئاگایان لە هەموو شتێک بوو کە ڕوی ئەدا.

$شەڕکردن لە سەر لاقە کردنی ئافرەتان$
پەیامنێرەکە ئەوەش دەخاتە ڕوو کەوا ململانێ هەبوو لە نێوان پۆلیسی فیدڕاڵی و هێزەکانی بەرپەرچدانەوەی خێرا، کاتێک یەکێک لە ئەندامانی پۆلیسی فیدڕاڵی وتی ژنێکی زۆر جوانمان لە ماڵێکدا بینییەوە و لاقەمان کرد، دواتر هێزەکانی بەرپەرچدانەوەی خێرا وتیان ئەمانەوێت جارێکی تر برۆین بۆ ئەو جێگایە.

$دوز#خورماتوو#$
هەروەها پەیامنێری گۆڤاری (دیر شەبیگل)ی ئەڵمانی باس لەوەش دەکات کە لە مانگی پێنجی ساڵی 2016 پرۆسەیەکی کوشتنی بە کۆمەڵ لە شارۆچکەی دوزخورماتوو لە باشوری #کەرکووک# دا بینیوە کە لە لایەن میلیشیا شیعەکانەوە ئەنجامدراوە، لە هەمان کاتدا وتراوە نزیکەی هەزار هاوڵاتی سونی مەزهەب لەو شارۆچکەیە دیارنەماون، ئەو هاوڵاتیانەی کە لەناوچەکانی شەڕدا هەڵهاتبوون دووپاتیان کردەوە لەوەی کە هاوڵاتیانێکی زۆر دیار نەماون، بەڵام بەداخەوە بەڵگەی تەواو بەدەستەوە نەبوو.

$ڕاکردن لە دۆکمێنتەکان$
رۆژنامەنووسەکە کە لە ڕەچەڵەکدا کوردی عێراقە باس لە کۆتا دوا ڕۆژەکانی دەکات لەگەڵ هێزەکانی بەرپەرجدانەوەی خێرا بەسەری بردووە و دەڵێت: ئیتر چی دی توانای بیینی ئەو دیمەنە تراژیدیانەم نەمابوو و هەمیشە خەیاڵی ئەوەم دەکرد ئەگەر ئەوە ژنەکەم بێت یان کچەکەم بێت کە ئاوای لێدەکەن من چی دەکەم؟
کاتێک نەقیب و یەکێک لە سەربازەکانم بینی کەوتووبونە لێدانی دەست بەسەرکراوەکان و داوایان لە منیش کرد هاوبەش بم لە گەڵیان دا بە لێدانیان، بێتاقەت بووم و هەستم بە خەجاڵەتێکی زۆر کرد کە وەک کەسێکی خۆیان مامەڵەم لەگەڵ دەکەن، دەبوایە ئەو کارەم بکردایە چونکە زۆر ترسام لەوەی پێم بزانن، بەوەی کە من کوردم، چوار کەس بوون و چەکیان پێبوو و چەند جارێکی تر داوایان لێکردم و ئەوە بوو بە ناچاری زلەیەکم دا لە یەکێک لە گیراوەکان بەڵام بە توندی نا، زۆر کارێکی ناشرین بوو و کۆتا کارم بوو کە لەوێ کردم.
بۆ ئەوەی بەسەلامەتی لەو ناوچەیە دەربچم، بیرۆکەیەکم بە مێشکدا هات و پێم ڕاگەیاندن کە کچەکەم زۆر نەخۆشە و دەبێت بڕۆمەوە بۆ #خانەقین# بۆ لای خانەوادەکەم، ئەوە بوو ڕێگەیان پێدام و چەند ڕۆژێک لەوێ مامەوە و دواتر لەگەڵ خانەوادەکەمدا ڕۆشتین بۆ جێگایەکی تر لە دەرەوەی عێراق کە ژیانمان تیادا پارێزراوە، چونکە دڵنیابووم لەوەی کەژیانی خۆم و خانەوادەکەم دەکەوێتە مەترسی یەوە کاتێک ئەو بەڵگانە بڵاو بکەمەوە کە پێناسەی تاوانانەکانیان دەکات کە کردوویانە دژی مرۆڤایەتی.

رۆژنامەنووس عەلی ئەرکادی لە کۆتایدا دەڵێت: ئێستا تێگەشتم لەوەی کە داعش چۆن بە ئاسانی توانی کۆنتڕۆڵی موسڵ و چەند ناوچەیەکی تری سونەکان بکات.
هەروەها دەڵێت: ئێستا من و خانەوادەکەم لە دەرەوی عێراق دەژین، لە کوێ! ناتوانم بینوسم لەبەر هەندێ هۆکاری ئەمنی، من هیچ شتێکم لەو ڕوداوانە بە نهێنی وێنە نەگرت کاتێک بە چەندەها شێواز خەریکی ئەتککردنی مرۆڤەکان بوون، بەڵێ زۆر جار خۆیان ڤیدیۆ و وێنەی ئەو تاوانانەی کە دەیان کرد بۆیان دەناردم کاتێک داوام لێدەکردن، بە تایبەتی لە کاتی کوشتنی دوو براکەدا خۆیان پێیان وتم هەموو ئازادییەکت هەیە لەوەی کە ڤیدیۆی چۆنیەتی کوشتنەکەیان بخەیتە ناو ئەو فلیمە دۆکمێنتارەی کە دەتەوێت بیکەیت.
هەوڵم دا کە لە گەڵیاندا بمێنمەوە تا کۆتایی شەڕی ئازاد کردنەوەی موسڵ بەڵام نەمتوانی، ویستم بیان کەم بە پاڵەوان بەڵام ئەوەشم نەتوانی، زۆر ئەستەمە ژیانێکی تازە لە شوێنێکی تر دەست پێبکەیت، خانەقین نیشتمانم بوو، زۆرم پێخۆش بوو کە لەوێ بژیم بەڵام ئەم ژیانە تازەم باجی ئەوەیە دەیدەم لە بەر ئەوەی هەرچیم بینیوە بڵاوی دەکەمەوە.[1]