چاک نەبوو نەی ووت ژنی من بزێنی
عەشیرەتی(شێخ بزێنی) لە حکومەتی عوسمانی یاخی بوون، چەتەیی و ڕاووڕووتیان ئەکرد، خەڵکیان تاڵان ئەکرد، لەگەڵ عەشایرەکانی دەرو پشتی لیوای(کەرکووک) ناخۆشییان هەبوو، سوێندیان خوارد هەر کەسێک لەوانە بگرن بیکوژن، ڕۆژێک پیاوێکیان لە نزیک(پردێ)گرت، بردیانە لای ئاغاکەیان ووتیان: ئەمە یەکێکە لە دوژمنەکانمان ئاغا ووتی: سەگباب تۆ نازانی ئێرە خاکی منە، هەر ئێستا سەرت ئەبڕم بۆ سەرۆکەکەی خۆتانت ئەنێرمەوە، کابرای گیراو ووتی: ئاغا وەڵڵا ئەمن فەقیر(بە ئەوەل بە ئەوەل) داکی من بزێنی، ئاغا ئەوەندەی تر توڕە بوو هەڵی کێشا دەمانچە و ووتی: هەر ئێستا ئەتکوژم بۆچی ناڵێی باوکم بزێنی یە، ئەڵێ: دایکم بزێنی یە، کوێخا حەوێزی شاخەپیسکە له و کاتەیا لەوێ بوو ووتی: ئاغا تۆ بەوە ڕەزابە چاک نەبوو نەیووت ژنی من بزێنی.
سەرچاوە: #خەم ڕەوێن، بە سەرهات و قسە خۆشەکانی کوێخا حەوێز شاخەپیسکەیی#، نوسینی: مراد شاخە پیسکەیی، هەولێر، چاپخانەی شارەوانی هەولێر، ساڵی 1976ز، لاپەڕە(28)[1]