دەقی پەیامەکە:
بەناوی خوای گەورەو میهرەبان
(ۆتَعَاۆنُواْ عَلَی الْبرِّ ۆالتَّقْۆی ۆڵا تَعَاۆنُواْ عَلَی الإِثْمِ ۆالْعُدْۆانِ) المائدة:2
ساڵانە لەگەڵ هاتنەوەی مانگی پیرۆزی ڕەمەزان، نەریتی کۆمەڵگەی کوردی بەگشتی و موسڵمانان بەتایبەتی وایە، گیانی هاوکاری و خێرو بەشینەوەی کۆمەکی و خواردن و شیرینی دەکەنە سیمایەکی جوانی کۆمەڵایەتی و بەنیەتی ڕەزامەندی خواو بەجێگەیاندنی ئەرکی ئایینی ئەم کارە ئەنجام دەدەن.
ئێمە لە یەکێتی زانایان دەستخۆشی زۆرمان بۆ سەرجەم دەزگاو کەسایەتی خێرخوازو خواپێداوان هەیە لەبەرامبەر ئەم کارو هەنگاوە خێرخوازی و ئیمانی و ئینسانیەی پێشکەشی دەکەن.
هەر لێرەشەوە بە پێویستی دەزانین داوا لە سەرمایەدارو خێرخوازان بکەین، بە زەکات و بەخشینەکانیان خانەی نەوجەوانان و بێ سەرپەرشتان لە یاد نەکەن، کە کۆمەکی کردنیان زۆر خێرەو کارێکی مرۆیی گەورەیەو، لەهەمان کات بەپێی شەریعەتی ئیسلام دروستە زەکات بدرێت بە نەوجەوانان و بێ سەرپەرشتان، بەو مەرجەی لە خودی خۆیان خەرج بکرێت.
یەکێتی زانایانی ئایینی ئیسلامی کوردستان
(5ی نیسان / ئەپرێلی 2022)
[1]
⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!