‎لەیادی 44هەمین ساڵی شەهید بوونی (کارزان، فەرمان، ڕێبوار و ئازاد) دا
‎چوار منداڵە مۆسیقیە بلیمەتەکان
‎لە# سلێمانی# چوار مامۆستای مۆسیقا لە هەستێکی نەتەوەیی و پەرەی هونەری و دابین کردنی هونەرێکی پێشکەوتوو بۆ دوارۆژی نەتەوەکەمان هەستان بە کردنەوەی خولی مۆسیقا بۆ منداڵانی قوتابخانەکانیان وە هەر زۆر زوو تیپی مۆسیقای منداڵانیان لێ پێک هێنان و کەوتنە کاری هونەری گەورەوە
‎مامۆستایان :عوسمان محمد ئەمین لە قوتابخانەی نەورۆز
‎دلێر ئیبراهیم لە قوتابخانەی شێخ مەحمود
‎نامدار قەرەداغی لە قوتابخانەی بێخود
‎سەلاح ڕەئوف لە قوتابخانەی پیرەمێرد
‎لە ساڵی خوێندنی 1977_1978 لەرۆژی 1978/4/17 هەڵبژاردەی ئەم تیپانە کە تیپێکی یەکگرتویان لێ دروست کرابوو بەناوی چالاکی قوتابخانەکانی پەروەردەی سلێمانیەوە بەرێکەوتین بۆ هەولێر کە لەوێ میهرەجانی ساڵانەی پەروەردەی هەموو عێراق ئەکرا
‎رۆژێ پێش ئێمە بەشدارانی ناوەندی و دواناوەندیەکان چوبون بۆ هەولێر
‎ئێمە بەشی سەرەتاییەکان لە چەند پاسێکا بوین کە هەر پاسەو مامۆستای منداڵە بەشدارەکان سەرپەرشتی ئەکرد پاسەکان وابزانم پچوکەکان بوو پاسی پۆڵۆنیان پێ ئەوت
‎لە سەیتەرەی کەرکووک دەرچوبوین بەرەو هەولێر ئەرۆیشتین مامۆستا دلێر لەگەڵ قوتابیەکانی لە پاسێکا بوون کە سایەقەکەی ناوی کاک ئەحمەد بوو
‎ئەم چوار پێنج پاسە جار بەجارێ پێشی یەکتر ئەکەوتن لە کاتێکا پاسەکەی مامۆستا دڵێر ویستبوی پێش سەیارەی بەردەمی کەوێ و بێتە پشتی پاسەکەی ئێمە هێشتا تەواو نەهاتبوە سایدەکەی خۆی ترێلەیەکی گەورە بە پێچەوانەی ئیتیجاهی ئێمە زۆر بەخێرایی لێی ئەخوریو یای لە لای سایدی سایەقەکەی پاسەکەی کاک دلێرەوەو قڵیشی کردوو پاسەکەی وەرگەران و هەڵی گێرایەوە لە کاتێکا کە ترێلەکە ئەیتوانی خێرایی کەمکاتەوەو تۆزێ لای بدایەتە سەر خۆڵەکە
‎کاتێ ئەمە ڕوی دا سایەقەکەی پاسەکەی ئێمە پیاوێکی گەنج بوو لە ئاوێنەکەوە دی بووی و هاواری کرد یا ئەڵلا یا ئەڵلا وەرگەران منیش لائیرادی دەستم برد بۆ دەرگاکە بیکەمەوە سایق هاواری کرد نەکەی وا ئەوەستم لای دایە خۆڵەکەو وێستا دابەزیم ڕامکرد بۆلایان یەکەم کەس بووم کە گەیشتمە لایان پاسەکە وەرگەرابوو هەر چوار تایەکەی بە ئاسمانەوە بوو لە پەنجەرەکانەوە منداڵانو سەرنشینەکانمان دەرکردو کارزان وفەرمان هەر لەوێدا شەهید بووبوون ئازاد و ڕێبوار خوێنیان لێ ئەرۆی بەپەلە گەیانمانە خەستەخانەی کەرکووک وە هەموو مداڵەکانی ترمان ناردەوە بۆ سلێمانی تەنها من و مامۆستا دلێر ماینەوە لە خەستەخانە
‎ئازادی ش زوو لە خەستەخانە شەهید بوو
‎رێبوار تۆزێ بەخۆ بوو خوێنی زۆر لێ ڕۆشتبوو داوای خوێنیان لێ کردین من ووتم فەرموو لەمنی دەرکەن وتیان تۆ بەکەڵک نایەی ئەوکات زەعیف بووم مامۆستا دلێریش باری دەرونی زۆر تێک چوو بوو بەکەلکی خوێندان نەئەهات هەرچۆنێک بێت بەقەرز بوتلێکیان بۆ پەیداکرد و دوایی داماندنەوە مامۆستا دلێر زۆر دڵی بەمن خۆش بوو کە کارەکانم ڕائەپەراند ئەو تەواو پەکی کەوتبوو گاڵتە نیە سێ مندالت لە لای خۆتەوە لەبەرچاو خۆتەوە شەهید بنو چوارهەمیش هیچ ئەمەلێکی نەبوو
‎من بە زۆر زەحمەت بە دوو جار چوار دارە مەیتم لە مزگەوتەکانی کەرکووک پەیدا کردو سیانیانیا زوو ناردمانەوەرێبواریشیان شەو لەگەڵ خۆما گەیاندەوە سلێمانی بردمەوە بۆ ماڵی باوکی هەموو گیانم خوێن بوو بەو جلانەوە خۆم کردەوە بەماڵاو بەیانی زوو چومە مەکتەبی بێخودو وە ئامادەکاریمان کرد بۆ ناشتنەکانیان لە گردی سەیوان بە مەراسیمێکی شایستە کە تیایا قوتابخانەکانو منداڵە مۆسیقیو کۆرسەکان تیا بەشدار بوون
‎هیوادارم ڕۆحیان ئارامو شاد بێت ڤەو تەمەنە کەمەیانەوە زۆر بلیمەت بوون گەر ئیستا بمانایە تەمەنیان لە سەروی پەنجاکانەوە ئەبوو ئەبێ چەند بەتوانابونایەو چەندخزمەتیان بە هونەرو نەتەوە بکردایە
‎بۆ هەمیشە لەیادمانان

هونەرمەند #نامدار قەرەداغی#
[1]