ناو: عەبدولواحید
ناوی باوک: ئیدریس شەریف
$ژیاننامە$
ناوی تەواوی (عەبدولواحید ئیدریس شەریف)ە، لە ساڵی (1965) لە گوندی (دوزتەپە)ی #هەولێر# لە دایکبووە، خوێندنی سەرەتایی و ناوەندی و ئامادەیی لە شاری هەولێر خوێندووە، لە تەمەنی گەنجیەوە پەیوەندی بەڕێکخستنە نهێنییەکانی #کۆمەڵەی ڕەنجدەرانی کوردستان#ەوە دەکات ئەو کات تەمەنی تەنیا (16) بەهارەی تەمەن بووە لە ساڵی (1981)، لە ساڵی (1987)دا پەیمانگای تەکنیکی بەشی پزیشکی تەواوکردووە و لەگەڵ تەواوکردنی خوێندنی پەیمانگا دەبێتە پێشمەرگە لە ڕیزەکانی #یەکێتیی نیشتمانیی کوردستان# و (دەبێتە دکتۆری شۆڕش) تا ڕاپەڕینی بەهاری 1991ی جەماوەری باشووری کوردستان لە پێشمەرگایەتی بەردەوام دەبێت، لە ساڵی (1996)ەوە لە شاری #کۆیە# نیشتەجێیه.
=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2022/411520/0006.JPG=KTML_ImageCaption_Title=عەبدولواحید ئیدریس شەریف=KTML_ImageCaption_CaptionStyle=000000=KTML_ImageCaption_Caption=عەبدولواحید ئیدریس شەریف=KTML_ImageCaption_End=
لە زانکۆی کۆیە، کۆلێژی پەروەردە، درێژە بەخوێندن دەدات و ساڵی (2004) بڕوانامەی بەکالۆریۆس لە بەشی زمانی کوردی بەدەست دێنێت و ساڵی (2008) لە ئەدەبی کوردیدا بڕوانامەی ماستەری وەرگرتووە و لە ساڵی (2017)دا بڕوانامەی دکتۆراشی بەدەستهێناوه، پێنج توێژینەوەی ئەکادیمی بڵاوکردووەتەوە و بەشداری سێ کۆنفرانسی زانکۆی کۆیەی کردووە، ئێستا لە بەشی زمانی کوردی فاکەڵتی پەروەردەی زانکۆی کۆیە مامۆستایە.
خاوەنی (9) نۆ بەرهەمی چاپکراوە ئەوانیش:
1-وەرزە بێوازەکان، هۆنراوە و پەخشان، 2009ز.
2-هۆنراوەکانی هونەرمەند و پێشمەرگە حەمەجەزا، کۆکردنەوە و ئامادەکردن،
3-سروود و گۆرانی نیشتمانی و بەرەنگاریی کوردی لە کرمانجی خواروو دا، توێژینەوە، 2011ز.
4-چریکە و سۆزی حەمە جەزا، گۆرانی و مەقام و سروودەکانی، کۆکردنەوە و ئامادەکردن، 2011ز.
5-ئارامترین پەناگای ڕۆح، هۆنراوە، 2018ز.
6-حەمە جەزا جیهانێک لە هونەر، هەڵوێست، هۆنراوە، بەرەنگاری کۆمەڵێک وتاری خۆم، 2018ز.
7-خالید دلێر باوەڕێکی نەگۆڕ، ئەدەب، هونەر، سیاسەت، 2020ز.
8-هەناسە لەناو ئاگر، هۆنراوە، 2020ز.
9-وێسەران، شەهید کاوەی حەمەتاتە، ئامادەکردن، 2021ز. [1]