خۆ کەعبە(کابە) کەچ نەبووە
کابە، ماڵی خودایە لەشاری مەککەی پیرۆزە، ڕووگەی موسڵمانانە و بۆ فەڕیزەی حەج ساڵانە بە ملیۆنان موسڵمان لە تەواوی وڵاتانی دونیا ڕووی تێ دەکەن و یەکێکە لە شوێنە پیرۆزەکانی ئاینی ئیسلام، کەچ: واتە لار بوون و خواربوون.
خوای گەورە لە سورەتی(فیل) باس لە پاراستنی ئه و ماڵەی خۆی دەکات کە سوپای ئەبرەهەی حەبەشی هەوڵی گرتن و خاپوورکردنی داوە، له و سورەتە پیرۆزەدا دەردەکەوێت کە کەعبە-کابە چەندە جێگەی بایەخ و گرنگی پێدانە لەلایەن موسڵمانانەوە، ئه و مەزنی و گرنگیەی کابە بووە بە ئیدیۆم و بۆ به گەورە سەیر نەکردنی هەڵەیەک و بچووکردنەوەی کارێک یان بابەتێک و بەئاسایی وەرگرتنی دەوترێت: بابە مەیکەنە هەڵلا شتەکە ئەوەندە گەورە نییە خۆ کابە کەچ نەبووە. [1]