نوێنەری تورکیا بۆ فوئاد حوسێنفوئاد حوسێن:
بەداخەوەم، نیو کاتژمێرە قسە دەکەی یەکجاریش پەکەکەت بە تیرۆریست ناو نەبرد.
فوئاد حوسێن، بۆ نوێنەری تورکیا:
پێناسەی تیرۆر جیاوازە لەدیدی ئێوە و ئێمە.
بوار، نێودەوڵەتی
نوێنەری تورکیا، لە نەتەوە یەکگرتووەکان:
لەسەرەتایی ڕووداوەکەوە ئێمە لەگەڵ حکومەتی هەرێم و عیراق لەخەت بووین داوامانکرد لێکۆڵینەوە بکەین و لیژنەی تایبەت دروست بکرێت ڕاستی دەربخرێت.
فوئاد حوسێن: تورکیا هەر لە میدیاکانەوە قسەیان کردووە، هیچ شتێکی ڕەسمیتان بۆ عیراق نەناردوە.
نوێنەری تورکیا: بەداخەوەم بەرێز فواد حوسێن نیو کاتژمێرە قسەدەکات یەکجاریش پەکەکەی بە تیرۆریست ناو نەبرد.
فوئاد حوسێن: پێناسەی تیرۆر جیاوازە لە دیدی ئێوە و ئێمە هاوشێوەی ئەوەی چۆن موجاهیدینی خەڵک لای هەندێک وڵات بەتیرۆرسیت ناسێندراو و لەلایەن هەندێک وڵاتی دیکە هەر وەک ڕێکخراوێکی شۆڕشگێڕی مامەڵەی لەگەڵ کراوە.
نوێنەری تورکیا: ئێمە قوربانیمانداوە و پەکەکە هەزاران کەسی لەتورکیا کوشتووە و ئێمە ڕوو بەڕووی تیرۆر دەبینەوە.
فوئاد حوسێن: ئەوە کێشەیەکەی نێوخۆی تورکیاییە و پەیوەندی بە عێڕاقەوە نیە.
نوێنەری تورکیا: پەکەکە لەناو خاکی عێراق و کوردستان دەسوڕێتەوە و هێچ ڕێگریەکی نیە.
فوئاد حوسێن: هەمووان دەزانین پەکەکە هەیە، بەڵام نابێت عێراق ببێتە شوێنی یەکلاکردنەوەی ململانێکان.
نوێنەری تورکیا: دەیانجار لەناو خاکی عێراق هێرش کراوەتە سەر ئێمە و ئاسایشی تورکیا خراوەتە مەترسیەوە عێراق هەڵوێستی نەبووە.
فوئاد حوسێن: دیارە تۆ ئاگادار نیت و نازانێت چی بووە، ئەگەر نا ئێمە پێشتر هەڵوێستمان هەبوو، بڕۆ سەیر بکە.
نوێنەری تورکیا: سێ ساڵ پێش ئێستا ئێمە نوێنەرێکمان کە دبلۆماتێکی گرینگ بوو لە هەولێرهەولێر تیرۆر کرا، کوا چیمان بینی چۆن دەتوانین نوێنەرانمان بپارێزێن.
فوئاد حوسێن: ئەوە بابەتێکی کۆنە و بەسەرچوو، ئیدانەکرا و بکەرانی دەستگیرکراون وبابەتەکە کۆتایی هاتوە ڕەنگە تۆ ئاگادارنەبی.
نوێنەری تورکیا: ئێمە دەمانەوێت عێراق هاوکار بێت لەکۆتایی هێنان بە تیرۆریستانی پەکەکە لەسەر خاکەکەی.
فوئاد حوسێن: نابێت پاراستنی ئاسایشی تورکیا لەسەر حیسابی ئاسایشی عێراق بێت، بڕۆن لە سنوری خۆتان چی دەکەن بیکەن.
نوێنەری تورکیا: بەداخەوە بەهۆی قسە و دەربڕینەکانی تۆ کونسوڵخانەکەمان لە موسڵموسڵ موشەکباران کرا.
فوئاد حسێن: بۆردومانەکە بەهۆی قسەکانی منەوە نیە، بەڵکو بەهۆی بۆردمان و هێرشەکانی خۆتانە.
نوێنەری تورکیا: بەڕاستی سەیرە عێراق یان نایەوێت تیرۆریستانی پەکەکە بوەستێنێت یان ناتوانێت.
فوئاد حوسێن: ئێوە بچنە دەرەوە لە خاکی ئێراق خۆمان هێزو و یاسامان هەیە دەتوانین ڕووبەرووی هەموو هێز و گروپێک ببینەوە.
نوێنەری تورکیا: پەکەکە لەکوێ بێت ئاژاوە لەوێیە و ئێمە بۆردمانی ئەو شوێنە دەکەین.
فوئاد حوسێن: ئەو شوێنەی لە زاخۆ بۆردمان کرا ناوچەیەکی گەشتیارییە و پەکەکەی لێنیە و نەبووە.
نوێنەری تورکیا: ئێمە دەمانەوێت لیژنە دروست بکرێت و ڕاستیەکان دەربکەون کێ بۆردمانەکەی کردوە.
فوئاد حوسێن: بەڵگەی تەواومان لایە تورکیا هێرشەکەی کردوە و بە تۆپی 155 ملم[1].