کەنیزەکانی شنگال
#شەماڵ بارەوانی#

ڕۆمانێکیتری 444 لاپەڕەیی نووسەر و شاعیر ڕۆماننووس(سەلیم بەرەکات)ی عەرەبی نووسی بەبنەچە و بیرو باوەڕ کورد، سەلیم لەو شاکارەی بەزمانێکی بەرز و جوان، واقع و فەنتازیای ئاوێتەی یەکتری کردووەو بەشێوازێکی ئەفسوناوی چیرۆک و ڕووداوەکانمان بۆ دەگێڕێتەوەو حەکایەتە بەسوێ و تژی لەخەم و تاڵی و کارەساتە جەرگبڕەکانی کوردانی ئێزدیمان بۆدەخاتەڕوو.
سەلیم لەپاڵ (سبايا سنجار)
خاوەنی چەندین بەرهەمی تری ناوەزەیه،
لە نموونەی:
-فقهاء الظلام
-أرواح هندسية
-الفلکيون في ثلاثاء الموت
-الأختام والسديم
-معسکرات الابد
-أنقاض الأزل الثاني
-شعب الثالثة فجرا من الخميس الثالث
-أقاليم الجن
-حورية الماء وبناتها
-زئير الظلال في حدائق زنوبيا
-السيل بلغتن، أخيرا، عمر الأربعاء
-سجناء جبل أيايانو الشرقي..
دوای هەریەکە له ڕۆمانەکانی (لالەکانی لالش، و پاکیزەکانی شنگال)
کەنیزەکانی شنگال سێیەمین ڕۆمانە، لەسەر ئازاروتراژیدیای کوردانی ئێزدی بخوێنمەوە، هەڵبەت کەهەر سێک ڕۆمان، شاکاری مەزن و جیاواز و بەرز و کەم وێنەو پڕ بابەیەخن،
کەنیزەکانی شنگال.
تراژیدی نامەیەکیتری ئێزیدییەکانە،
خەمنامەیەکی تری ئێزدانی و ڕۆڵەی میترایە.
مانیفێستی فرمێسک و ئازارە،
پەڕتۆکی دڵشکان و بێ نازییەکانە،
ئاڕشێفی کۆجۆ و زامی مرۆڤە بێ تاوانەکانە،
کتێبی ڕق و نەفرینە،
ئیدانە نامەی مرۆڤایەتییە.
هەڵدانەوەی لاپەڕەی سکانداڵەکان و
تابلۆی سەرزەنشتکردنی کۆمەڵگەی نێودەوڵەتی و
پۆرترێتی خەجاڵەتی هەموو دروشمە درۆین و بەڵێنەزلەبێ ناوەڕۆک و لاف و گەزافە بەتاڵەکانە،
کارەساتی بەکەنیزەکردن و سەبیکردنی خاک و دیرۆک و کەلەپوور و نەریت و بوون و کەڕامەتی ئێزیدییەکانە.
ئەتکنامە و فەرماننامەی گەلێکی کۆکوژکراو چەوساوەو بریندارە،
چیڕۆکی پێنج کچی پاکیزەی تەمەن خوار بیست ساڵی ستەم دیدەی ئەتکراو کەڕامەت وروشێندراوە،
ئازارنامەی هەموو کوردێکی ڕەسەنی بە ئەخڵاق و ویژدان زیندووە، بەسەر هاتی هەموو ئەو کچ و ژنە ئێزدیانەیە کە لەلایان جەلادەکانی دەوڵەتی ئیسلامی تیرۆرستانی داعش، کران بەکەنیزەو لەشێوەی کاڵایەکی مادی بێ گیان، کڕین و فرۆشتیان پێوەدەکرا و بێ ڕێزی بەمرۆڤ بوون و سوکایەتی بە ئینسابوون و کوردبوونیانەوە کرا،
سارات پاڵەوانی ڕۆمانەکەیە، ئەو شێوەکار و نیگارکێشێکی کوردی تەمەن چڵ ساڵی ئاکنجی سوێدەو پۆرترێتی ئەو پێنج کچە ئێزدیە بەسەبیکراو پاکیزەو بێ تاوان و پەپوولەو مەزلومە دەکێشێت، ئەو پێنج کچەی لەگەڵ سەتان و هەزاران کچ و ژن و پیاو مرۆڤی تری ئێزدی کوردی لەشنگال سەربازەکانی ڕێگەی تاریکی و جەهالەت هاتن و گرتنیان کردنیانن بە کۆیلەو کەنیزەو لەبازاڕەکانی دواکەوتوویی و لەناو زەڵکاوی ئارەزووەگڵاوەکانیان، کڕین و فرۆشتیان بە بەهاو مرۆڤ بوون و کەسایەتییانەوە کرد،
ئەو پێنج کچە قوربانیەی دەستی بیری عروبەو کەڵبەی هزری ئیسلامی فەندەمێنتالیزمی تاریک نیگاو خەرەفاوی خەیاڵ پڵاوی لەواقع دابڕاوی لەخشتەبراوی لەئەقڵ داچۆڕاوی لە مرۆڤ بوون داماڵدراو، لەلایان ئەو نیگارکێش و وێنەکێشەوە ئەزمونە تاڵ تراجیدیاکەی ژیان و هەموو ئەو ئازار و نەهامەتیانەی لەسەر دەستی تاریک پەرست و کۆنەپەرست و تیرۆرستانی داعش چەشتیان، دەکات بە کەرەسەو وێنەی تابلۆکەی، بەو چەشنە کچەکان ئەزمونی ژیانی خۆیان دەگێڕنەوە، لەژێر دەستی تیرۆرستانی دەوڵەتی خەلافەت و ساراتی نیگارکێشیش لە دوو توێی تابلۆ و پۆرترێتێکدا هەموو سکانداڵ و کاره قێزەونەکانی تاقمە جەلاد و هۆڤیەکەی خەلافەت، ئاوێتە لەگەڵ فرمێسک و ئازار و گشت نەهامەتی و موعانەتەکانی کچە کوردە ئێزیدییەکان نیگاردەکات و وشەو وێنەو ئەشک، لەگەڵ ڕەنگی خوێن و بۆیەی خەم و عەزاب. ئاوێزانی یەکدی دەبن و نیگار کێش لەتابلۆکەی لەژێر ناوی.“کەنیزەکانی شنگال”.بەرجەستەی دەکات، هەر یەکێک لەوکچە کوردە ئێزیدیانەی کە لەحەقیقەتدا لەژیاندانەماون، لەسەر شێوەی تارمایی و کارەکتەرانێکی خەیاڵی هەموو ئەو دەستدرێژی و کارە دڕندانەی چەکدارە چەتەکانی داعش لەگەڵیاندا ئەنجامی داون دەگێڕنەوە، لەڕێگای خەیاڵەوە دیالۆگ لەگەڵ سارات دەکەن و باسی کارەساتەکانیان دەکەن و ئەمیش لەقاڵبی تابلۆیەکدا پۆرترێتیان دەکات و تاوە کوچەشنی تابلۆکەی مۆنالیزای داڤێنشی وەلێ بە فۆرم و ڕۆخسارێکی ترو لە قاڵبێکیتری هونەرییدا ببێتەتابلۆیەکی جیهانی و ئیدی تاهەتایە ببێتە ئایکۆنی ئازار و هەڵگری خەم و ڕۆندک و تراجیدیای کوردانی ئێزیدی و هەموو دنیا، نەوە بۆ نەوە، بیانگوازێتەوەو بیان بینێت، وئیتر پڵەی هەرمانی و، لەبیر نەچوونەوە وەربگرێت و بە جاویدانی لەئەڕشیفی مرۆڤایەتی و میمۆری جیهاندا بمێنێتەوە، تابلۆی ئەو مرۆڤە بێ تاوانانەی لەسەر دەستگرتن بە کولتوور و ئایینی باو باپیران و ئێزیدی بوون و کورد بوون ومرۆڤ بوونیان، فەرمان و جینۆساید و ئاوارەیی بووەتەوە بەشێک لەژیانیان و
ئەفسووس بەدرێژایی مێژوو تائێستا هەفتاو سێ جار فەرمان و کۆکوژکراوان و هەرجارەو بە پاساوێک و لەژێر ناوێک، کەدواجار هەر هەمووی شاڵاوی تەعریب و بەربەریەت و عەرەب ڕەگەز پەرست و ئیسلامیە فەندەمێنتالیست و فاشیستەکان بوونەتەوە، ئەوەی پێی دەڵێن فتوحات، کەجگە له تەعریب و بەڵاوکرنەوەی بیری عروبەو ئایدۆلۆژیای ئیسلامی ڕادیکاڵ و ڕاماڵینی کلتور و خنکاندنی ئازادی گەلی کورد و شێواندنی مێژووەکەی و سڕینەوەی ناسنامەو تیرۆرکردنی بوونی چیتر نەبووە، جا عەرەبەکانی بەر لەهەزارساڵەکەهاتن بەناوی فتوحاتەوە، یان عوسمانلی، یاخود داعش تا... هەمووی یەک شت و یەک مەبەست و ئامانج و پرۆژەو ئەجێندای تورک و عەرەب و بەعەرەبکردن و عوسمانلی بووە، لەدژی کورد و مێژوو وجود و ڕەسەنێتی بوونەکەی و، هەرجارەو لەگەڵ هەرشاڵاو پەلامارو هێرشێکی بەربەریانەیاندا، بەشێکێ خاکەکەی داگیربکەن و دیموگرافیەکەی بگۆڕن و جوگرافیەکەی بشێونن و ئاکنجی و دانیشتوانەکەی کۆکوژ و دەربەر بکەن.
ماوەتەوە بڵێم (کەنیزەکانی شنگال)
کەشکولێک لە ڕۆشنبیری و زانیاری و مەعریفە بە خوێنەر دەبەخشێت، لەبارەی بیرو باوەڕ و تقوس و شەعائیرەدینیەکانی کوردانی ئێزدی، هەروەها لەبارەی ڕێکخراوی تیرۆرستی داعش و موعتەقەدات و ئایدۆلۆجیاو ئەفکارە ژاراوییەکەیان، لەبارەی ئەو گروپە جیهادیەی لەڕێگەی جیهادەکانیانە، جیهادی نیکاح و دامێن و فەرجەوە،
جیهادی ئنتەرنێت و ئەلیکترۆنی، جیهادی ڕق و دەمارگیری، جیهادی ترس و تەرۆر و تۆقاندن، جیهادی سەربڕین و کوشتن، جیهادی وێرانکردن و ئەتکردن،
کۆمەڵێک بەڵتەجی بێ ئەتەکێت و بێ مۆڕاڵی ویژدان مردووی و گەوجێندراو.
دەیانەوێ مرۆڤایەتی ئەتک و ژیان خاڵی کەنەوە لەجوانی و بوون بکەن بە جەحیم،
لەوشاکارە ئەدەبییە خوێنەر زیاتر سروشتەدڕندەییەکەی داعشی تیرۆرستی بۆ دەردەکەوێت و بۆی ئاشکرا دەبێت، کەئەو گرووپە پەڕگیرو دەمارگیرە بناژۆ خوازە تیرۆرستە، چەندە نەخۆش دەروون بۆگەن و قێزەونن، چەندە لەمرۆڤ بوون داماڵدراو بێ مۆڕاڵن، چەندە هۆڤی و سەرلێ شێواون، گرووپێکی تۆقێنەر وکابوساوی ڕادیکاڵی شەڕانگێز، گروپێک گەردێک ئینتیمای بۆ ئەو هەسارەیەنییەو دەڵێی سەر کەوکەبی زۆمبیەکانن، دەستبەداری هەموو قییەم و بەهاو مۆڕاڵێک بوونەو ئیتر هیچ شتێک ئەوان بە پڕەنسیپەکانی مرۆڤایەتی و پێناسەی مرۆڤ بوون نابەستێتەوە، تەنها لەشێوە مرۆڤ ماون، دەنا لەناخ و هزرەوە بوون بە دڕندەیەکی تەمام عەیار،
ئەوان کۆمەڵێک مافیای سەربە چاخی بەردین و دەرەوەی مێژوون، گرووپێکی سەربڕ و ڕاسیزم، گروپێک هەموو چەکدارە چەتەکانی، ، چەشنی فاوستەکەی گوتە، بەڵێنی دڕندەیی بوونیان داوە بە ئەهریمەن و بۆندی تاوان و خوێن ڕێژییان لەگەڵ هێزی تاریکی مۆرکردووە، ئەوان جوندی جەهالەت و ڕێگەی تاریکین، هەڵگری بیرو باوەڕی بۆمب و ئەقیدەی سێکس و مەزەبی خوڕافەن، پڕۆژەی گەوجاندن و
نەیاری ئینسانیەتن، ئەجێندای ئەتکردنی مرۆڤ جێبەجێدەکەن. گرووپێک، دڵڕەقترین گرووپ کە مێژوو بەخۆیەوە بینیبێتن، گرووپێک خاڵی لەهەموو ئەتەکێت و ئەخلاقێک، گرووپێکی تاریکبین و خەرەفاو، گرووپێکی بارگاوی بە ڕق و کینەی تاسەر مۆخی ئێسقان ڕۆچو لەفاشییەتن، گرووپێکی نا شارستانی و
تێکدەر، گرووپێکی ناشیرین و وێرانکەر، گروپێکی سیخناخ بەبیری کۆنەپەرستی، تاقمێکی بکوژی دوواکەوتوو و لادەر،
گرووپێکی مرۆڤ کوژی جینایەتکار، گرووپێکی هەمەجی لەفیکرو ڕەوشت و هەموو شتێک، گرووپێکی یاخی لەبەهاباڵاکان و هەڵگەڕاوە لە مێژوو،
ئەو گرووپە داوێن پیس و دۆڕاو داچۆڕاو لەئەخلاقەی کە وەک چۆن هەر چەتەیەکی لەخشتەبراو فریودراوی، لەو دنیایە، دەست درێژی دەکاتە سەر دایک وخوشک و کچ و ژنی خەڵک و لەبازاڕی بێ مۆڕاڵی و بۆگەنی حەزە قێزەونەکەیان مامەڵەی نامرۆڤانەیان و چون کاڵەیەک کڕین و فرۆشتن و مامەڵەیان پێوەدەکەن و دەستدرێژی سێکسیان دەکەنە سەر بەناوی ئایین و پیرۆزییەوە، هەموو پیرۆزیەکانیان ئەتکدەکەن و بێ حورمەتی و بێ بەهایی بە کەڕامەت و بوونیان دەکەن و هەر ڕۆژەی لەگەڵ دەیان دایکو خوشکەکانمان لە دایک و کچ و خوشکانی ئێزدی، و بەزۆر و زۆر هۆڤانە، کاری بێ ڕەوشتیان ئەنجام دەدا، هەمان شێوە بۆدنیایەکەیتر و دیسان
لەپێناو جنس و ناوگەڵ و خۆخاڵیکردنەوە، لەباوەش و ناو ڕانەکانی حەفتاو دوو حۆری و پەری بەهەشت، قفڵیان داوە لەئاوەز و هۆشیان و هەرلە ئێستاوە
بەنەخوێنیان بۆچێژو ڕابواردن و سێکسی ئەودیو، شڵکردووەتەوە، و خۆیان بۆمب ڕێژ دەکەن و ئامادەن خۆیان بە ئازادی و ژیان و کەڕامەتی خەڵکیدا بتەقێنێننەوە، تازوو بگەن بە باوەش و سمت و سینگی حۆریەکانیان و دووبارە لەوێش چەنی قەحپەخانەو سۆزانی خانەیەک دەست بکەنەوە بەگەعدەی وڕابواردن و چێژی شەرعی و سێکسی پیرۆز، ئەو گرووپەی هەموو جوندەکانی ئەقڵی لەناو گەڵی دایەوەو تەنها لەڕوانگەی زەکەر و گونییەوە سەیری ژیان و مرۆڤ و بوون و گەردوون دەکات، ئەو گرووپە بیر بەبەردبووەی بەجستە لەسەردەمی پۆست مدێڕنەو بە ئەقڵ هێشتا سەدەتاریکەکانی ناوەڕاستی بڕنەکردووە، ئەو گرووپە سێکساویەی جگە له زمانی جەنگ و سەربڕین و تەرۆر و داگیرکردن و کوشتن و جنس و ئەتکردن و سڕینەوەو وێرانکردن و تەقینەوە، لەهیچ زمانێکیتر تێناگات! ئەو گروپە ناشیرینەی ڕقی لەهەموو جوانییەکانی ژیان دەبێتەوەو دژی مرۆڤایەتی و ژیار و ژیاندۆستی و تۆلەرانسە، ئەو گروپە سەرگەردانەی لەپێناو بەهەشتێکی تر و دنیایەکیتر، ئاگری دۆزەخێکی بێ ئامان و سوتێنەری ماڵوێرانکەری بۆ مرۆڤایەتی و ژیان داگیرساندووەو دەیان و سەتان هەزار مرۆڤی کردووە بەسوتماک،
ئەو گرووپەی لەپێناو بەرژەوەندی و پاداشتی خۆی و جنس و حۆری و شەڕابی دنیاکەی تر، ئازادی سێکسی و شەڕاب و خۆشیەکان لەو دنیایه لەخەڵکی تر تابۆ و بەتاوان دەکات و دەست لەئازادی و ژیانی تایبەتی مرۆڤەکان وەردەدات و سزای مەرگ بەسەر هەر کەسێکدا دەسەپێنێت کە پاپەندی فەرمان و بڕیارەکانی دەوڵەتە خوڕافیەکەی داعشی تیرۆرست و سەر لێشێواو زەینکوێرنەبێت.ئەو گرووپه دۆگمایی و وشک باوەڕەی ناتوانێت دوو بست ئەوڵاتری لوتی ئەقیدەڕجعی و سنوورە تەسک و داخراوەکەی تونێڵی دیدە تاریک و ئیدەلۆژیا چەقبەستووەکەی خۆی ببینێت و هەموو جیاوازییەکان و ڕەنگەکان دەسڕێتەوە، جگەلە ڕەنگە ڕەش و بیرو باوەڕە ڕەشەکەی خۆی نەبێت، هەموو شتێکیتر ڕادەماڵێت، ئەو گرووپە کۆنزەر ڤاتیڤ و کۆنەپەرستەی دەخوازێت هەزار و چوار سەت ساڵ. ژیان و حەزارەت و مرۆڤایەتی بگەڕێنێتەوە دوواوەو لەسەردەمی چوونەسەر مەریخ و جەنگی تەکنەلۆجی و ڕۆبۆت و گڵوباڵیزەیشن و جیهانگیری و پۆست مۆدێڕنەدا، دەق هەمان کۆپی ستایل و شێوەی ژیانی عەرەبە بیابان نشین و دەشتەکییەکانی دوورگەی عەرەبی و ئەو سەردەمی بەر لەهەزارو چوارسەت ساڵ، ژیان بکەین بڕۆینەو تەوالێت و جلو بەرگ بپۆشین و خواردن و خواردنەوە بخۆین و بخۆینەوەو ڕێبکەین و دانیشین و هەستین وبخەوین وخەون ببینین و خەیاڵ بکەین وبیربکەینەوە!.[1]
⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!