دۆڵی مەلەکان
دۆڵی مەلەکان دەکەوێتە شارەدێی #خەلیفان#ی شارۆچکەی #سۆران#ی شاری #هەولێر#، ئەم دۆڵە پێکدێت لە(9) گوند بە ناوەکانی:
(#بلەی ژێری# -خواروو، بلەی سەروو، بەردوک، #کەندۆر# ، تارینانی خواروو، تارینانی سەروو، گۆڕەشێر، مەلەکان، سەروچاوی باران) ئه و گوندانەش
له سەردەمی شاخ و پێشمەرگایەتی شوێنێکی گرنگ و ستراتیجی بووە بۆ پێشمەرگە، ئه و کات گەورەترین نەخۆشخانەی شۆڕشی ئەیلولی لێبووە، بە سەدان نەشتەرگەری و برینداری تێدا چارەسەر کراوه، دەیان کانی و شوێنی دانیشتنی گەشتیاری خۆشی هەیه، بە درێژاییی ڕێگای دۆڵی(مەلەکان) شوێنی دانیشتنە و کراوە بە کەپر بۆ گەشتیاران، گەشتیارێکی زۆر لە وەرزی هاوین لە تەواوی ناوچەکانی کوردستان و ناوەڕاست و باشوری عێراق سەردانی ئەم دۆڵە ئەکەن، بەرهەمی سەرەکی ئەم دۆڵە گوێزە و پاشان ترێ و حەلوکەیە.
سەرچاوە: پەڕەی مەلەکیەکان[1]