ناو: مەلا ئەحمەد
نازناو: فەنایی
ناوی باوک: مەلا محەمەد
ساڵی لەدایکبوون: 1897
ساڵی کۆچی دوایی: 1969
شوێنی لەدایکبوون: #سلێمانی#، #قەڵادزێ#
شوێنی کۆچی دوایی: سلێمانی
$ژیاننامە$
ناوی مەلا ئەحمەد کوڕی مەلا محەمەد کوڕی شێخ عەلییە، نازناوی (فەنایی) بووە، لە گوندی ئەشکەنە سەربە شارەدێی ئیسێوە لە ناوچەی پشدەر ڵە ساڵی 1897 هاتۆتە دنیاوە، یەکێکە لە شاعیرانی قوتابخانەی کلاسیک، کۆی بەرهەمەکانی شیعری کلاسیکین، مامۆستا ئەلادین سەجادی لە بەرگی دووەمی (مێژووی ئەدەبی کوردیی) لە لاپەڕە (264) دا باسی کردووە.
فەنایی شاعیر لە تەمەنی چل ساڵیدا، بینایی هەردوو چاوی لەدەست داوە، تا کۆتایی تەمەنی نابینابووە، لە 1969 لە تەمەنی 72 ساڵیدا، لە شاری سلێمانی کۆچیدوایی دەکات و لە گۆڕستانی (گردی جۆگە) ، بەخاک دەسپێردێ.
ناوەرۆکی شیعرەکانی فەنایی بریتیبوون لە مەبەستی (ئایینی، دڵداریی، نیشتمانپەروەریی، تەسەوف، لاواندنەوە و ستایش) هەروەها لە ڕووی ڕووخسارەوە لە هۆنراوەکانیدا قاڵبی غەزەل، پێنج خشتەکیی و کێشی عەرووزی بەکارهێناوە.
ئەی فەلەک گەر من لەگەڵ تۆ هەر نیزاع و کێشەمە
دادی بێدادیم هەیە، بۆ حاڵی کوردان پیلەمە
ئێش و نێشی دڵمە واسیتەی ئەو ئێشەمە
موددەتێکە ئەی وەتەن بۆت، شین و گریان پیشەمە
غەرقی گێژقوی خەمم، جێی ئاوی تۆفان دیدەمە. [1]